మ‌హేష్ డ్యాన్స్ యూనిక్‌-క్యూట్ ఎక్స్‌ప్రెష‌న్- షూటింగ్ లో రాజ‌మౌళి నుంచి ఆ మాట వినేందుకు పోటీపడుతున్నాం: ప్రియాంక చోప్రా

బాలీవుడ్ నుంచి హాలీవుడ్ కు వెళ్లి బిజీ అయిపోయిన హీరోయిన్ ప్రియాంక చోప్రా.. ఏడేళ్ల తర్వాత ఇండియన్ మూవీ చేస్తోంది. అదే వారణాసి. మందాకినిగా ఈ సినిమాలో పవర్ ఫుల్ క్యారెక్టర్ చేస్తోంది ప్రియాంక.

వారణాసి సినిమాలో మహేష్ బాబు, ప్రియాంక చోప్రా, పృథ్వీరాజ్ సుకుమార‌న్‌ ప్రధాన పాత్రలు పోషిస్తున్నారు.

వారణాసి సినిమా ప్రమోషన్లలో భాగంగా హాలీవుడ్ లో ఇచ్చిన ఇంటర్వ్యూలు తాజాగా రిలీజ్ అయ్యాయి. ఓ ఇంటర్వ్యూలో మహేష్ బాబు డ్యాన్స్ గురించి మాట్లాడింది ప్రియాంక.

‘‘మహేష్ బాబు డ్యాన్స్ చాలా యూనిక్ గా ఉంటుంది. ఆయన ఇచ్చే చిన్న స్మైల్ తోనే సగం ఎనర్జీ వస్తుంది. స్టెప్స్ కష్టంగా ఉంటే మాత్రం క్యూట్ గా ఓ ఎక్స్ ప్రెషన్ ఇస్తారు’’ అని ప్రియాంక చెప్పింది.

షూటింగ్ లో యాక్టింగ్ బాగా చేస్తే డైరెక్టర్ రాజమౌళి ‘నైస్’ అని, ఇంకా బాగా చేస్తే ‘వెరీ నైైస్’ అని అంటారని ప్రియాంక చెప్పింది. ఆ ‘నైస్’ అనే మాట కోసం షూటింగ్ లో తాను, మహేష్ బాబు, సుకుమారన్ పోటీపడుతున్నామని వెల్లడించింది.