ఐపీఎల్లో అత్యధిక బ్రాండ్ వాల్యూ టీమ్ ఏదో తెలుసా? టాప్ 5లో సన్ రైజర్స్.. 18 ఏళ్ల తర్వాత ట్రోఫీ గెలిచి టీమ్ టాప్‌లో..

తాజాగా అక్టోబర్లో 2025లో మరోసారి ఐపీఎల్ ఫ్రాంఛైజీల బ్రాండ్ విలువలను వెల్లడించారు. ఇందులో చెన్నై సూపర్ కింగ్స్ తన విలువను కోల్పోయింది. ఐపీఎల్ 2025 బ్రాండ్ వాల్యుయేషన్ రిపోర్ట్ ను హౌలిహాన్ లాక్ విడుదల చేశారు.

అక్టోబర్ 2025 బ్రాండ్ విలువ ఆధారంగా రాయల్ ఛాలెంజర్స్ బెంగళూరు అంటే ఆర్సీబీ అత్యంత ధనవంతమైన ఫ్రాంఛైజీ. ఆర్సీబీ బ్రాండ్ విలువ 269 మిలియన్ డాలర్లు. అంటే ఇది భారత కరెన్సీలో రూ.2,358 కోట్లు. సంవత్సరంలో ఆర్సీబీ 18.5 శాతం వృద్ధిని సాధించింది.

ఈ నెలలో బ్రాండ్ విలువ పరంగా ముంబై ఇండియన్స్ రెండో ధనిక జట్టుగా నిలిచింది, దీని బ్రాండ్ విలువ 242 మిలియన్ డాలర్లు అంటే సుమారు రూ .2121 కోట్లు. ముంబై ఇండియన్స్ ఏడాది వృద్ధి 18.6 శాతం ఉంది.

ఐపీఎల్లో అత్యంత ప్రతిష్టాత్మక జట్లలో ఒకటైన చెన్నై సూపర్ కింగ్స్ (సీఎస్కే) దాదాపు పదేళ్లలో తొలిసారిగా మూడో స్థానానికి పడిపోయింది. వారి బ్రాండ్ విలువ 235 మిలియన్ డాలర్లకు పెరిగింది, అయితే ఇది కేవలం 1.7 శాతం పెరుగుదలే. భారత కరెన్సీలో ఈ విలువ సుమారు రూ.2060 కోట్లుగా ఉంటుంది.

మూడుసార్లు ఐపీఎల్ ఛాంపియన్ అయిన కోల్‌కతా నైట్ రైడర్స్ (కేకేఆర్) బ్రాండ్ విలువ 227 మిలియన్ డాలర్లు (రూ.1990 కోట్లు). ఇది నాలుగో స్థానంలో ఉంది. కేకేఆర్ ఏడాదికి 5.1 శాతం వృద్ధి నమోదు చేసింది.

సన్‌రైజర్స్ హైదరాబాద్ ఐదో స్థానంలో ఉంది. ఎస్ఆర్‌హెచ్ బ్రాండ్ విలువ 154 మిలియన్ డాలర్లు అంటే సుమారు రూ. 1355 కోట్లు. ఈ ఫ్రాంచైజీ వృద్ధి రేటు 16.7 శాతంగా ఉంది.

ఐపీఎల్లో ఆరో అత్యంత ధనిక ఫ్రాంచైజీగా ప్రస్తుతం ఢిల్లీ క్యాపిటల్స్ ఉంది, దీని బ్రాండ్ విలువ 152 మిలియన్ డాలర్లు అంటే సుమారు రూ .1332 కోట్లు. ఈ టీమ్ 16 శాతం వృద్ధిని సాధించింది.

తొలి సీజన్ నుంచి ఐపీఎల్ ఆడుతున్న పంజాబ్ కింగ్స్ ను అధిగమించి ఐపీఎల్ టైటిల్ గెలిచిన గుజరాత్ టైటాన్స్ ఎనిమిదో స్థానంలో నిలిచింది. ఈ ఫ్రాంచైజీ బ్రాండ్ విలువ 142 మిలియన్ డాలర్లు, ఇది భారతీయ కరెన్సీలో రూ.1245 కోట్లు. ఈ జట్టుకు సంవత్సరానికి 14.5 శాతం వృద్ధి ఉంది.

పంజాబ్ కింగ్స్ 9వ స్థానంలో ఉంది. ఈ టీమ్ బ్రాండ్ విలువ 141 మిలియన్ డాలర్లు, ఇది భారతీయ కరెన్సీలో సుమారు రూ. 1237 కోట్లు. ఈ ఫ్రాంచైజీ 39.6 శాతం పెరిగింది. ఈ ఏడాది ఫైనల్ చేరిన విషయం తెలిసిందే.

లక్నో సూపర్ జెయింట్స్ కూడా వేగంగా అభివృద్ధి చెందుతోంది, ఇది 10వ స్థానంలో ఉన్నప్పటికీ వృద్ధి పరంగా 34.1 శాతం పెరుగుదలను చూసింది. ఎల్ ఎస్ జి బ్రాండ్ విలువ ఇప్పుడు 122 మిలియన్ డాలర్లు, ఇది భారత కరెన్సీలో సుమారు రూ .1073 కోట్లు.