సమంత, రాజ్ నిడిమోరు పెళ్లి ఫొటోలు.. సింపుల్‌గా ఒక్కటైన హీరోయిన్, డైరెక్టర్ జంట..

సమంత, రాజ్ నిడిమోరు తమ డేటింగ్ పుకార్లను పెళ్లితోనే కన్ఫమ్ చేశారు. సోమవారం (డిసెంబర్ 1) ఉదయం ఈషా ఫౌండేషన్ లోని లింగ భైరవి ఆలయంలో వీళ్ల పెళ్లి జరిగింది.

గుడిలో ప్రత్యేక పూజలు నిర్వహించిన తర్వాత సమంత మెడలో మంగళసూత్రం కట్టి, రింగు తొడిగాడు రాజ్ నిడిమోరు.

సమంత, రాజ్ నిడిమోరు పెళ్లి తర్వాత నవ్వుతూ బయటకు వస్తున్న ఫొటో కూడా ఇందులో చూడొచ్చు.

సమంత, రాజ్ పెళ్లి సింపుల్‌గా కేవలం 30 మంది అతిథుల సమక్షంలో జరగడం విశేషం.

రాజ్ నిడిమోరు డైెరెక్ట్ చేసిన ది ఫ్యామిలీ సీజన్ 2లో నటించిన సమంత.. ఆ తర్వాత కొన్నాళ్లకే నాగ చైతన్యతో విడిపోయిన విషయం తెలిసిందే. చైతన్య ఇప్పటికే శోభితను పెళ్లి చేసుకోగా.. సమంత ఇప్పుడు రాజ్ తో ఏడడుగులు నడిచింది.

పెళ్లి తర్వాత రాజ్ చేతిని గట్టిగా పట్టుకున్న ఫొటోను సమంత షేర్ చేసింది. ఈ పెళ్లి ఫొటోలు వెంటనే వైరల్ అయ్యాయి. ఎంతో మంది సెలబ్రిటీలు ఈ కొత్త జంటకు శుభాకాంక్షలు చెప్పారు.