ఆమ్ పన్నా నుంచి నుంచి మజ్జిగ వరకు వేసవి తాపం నుంచి ఉపశమనం ఇచ్చే 6 చల్లటి పానీయాలు!

పోషకాహార నిపుణుడు భక్తి అరోరా కపూర్ ప్రకారం, ఉష్ణోగ్రత పెరిగేకొద్దీ, శరీరానికి పోషకమైన ఆహారం, హైడ్రేటింగ్ పానీయాలను ఇవ్వడం అవసరం. అవి మిమ్మల్ని చల్లబరచడమే కాకుండా శరీరానికి అవసరమైన పోషకాలను కూడా ఇస్తాయి.

వేసవిలో ఆకుకూరలు, రంగురంగుల కూరగాయలతో తయారు చేసిన సలాడ్స్ లేదా విటమిన్లు అధికంగా ఉండే ఫ్రూట్ స్మూతీస్ ని ఎక్కువగా తీసుకోండి. సోడాలు మరియు ప్రాసెస్ చేసిన స్నాక్స్ కు దూరంగా ఉండండి. ఆరోగ్యకరమైన వాటిని మాత్రమే తీసుకోండి.

హెర్బల్ టీలు, ఇన్ఫ్యూజ్డ్ డ్రింక్స్: శరీరాన్ని హైడ్రేటెడ్ గా ఉంచడానికి రోజంతా నీరు, హెర్బల్ టీలు, పండ్లతో తయారు చేసిన సహజ పానీయాలు త్రాగాలి.

ఆమ్ పన్నా: పుల్లగా, తియ్యగా వుండే ఆమ్ పన్నాని పచ్చి మామిడితో చేస్తారు. ఇందులో విటమిన్ సి మరియు యాంటీఆక్సిడెంట్లు పుష్కలంగా ఉంటాయి. ఇది శరీరాన్ని చల్లబరుస్తుంది, హైడ్రేట్ గా ఉంచుతుంది, జీర్ణక్రియను మెరుగుపరుస్తుంది, రోగనిరోధక శక్తిని పెంచుతుంది.

మజ్జిగ: ఆయుర్వేదం ప్రకారం, మజ్జిగ వేసవిలో గొప్ప పానీయం. ఇది శరీరాన్ని చల్లబరుస్తుంది. మంచి ప్రోబయోటిక్, ఇది జీర్ణక్రియ, పేగు ఆరోగ్యానికి ప్రయోజనకరంగా ఉంటుంది. ఇందులో కాల్షియం కూడా ఉంటుంది, ఇది ఎముకలను బలోపేతం చేస్తుంది.

స్మూతీస్: వేసవిలో భారీ అల్పాహారం తినాలని మీకు అనిపించకపోతే, స్మూతీలు మంచి ఎంపిక. ప్రతిరోజూ వివిధ పండ్లు మరియు డ్రై ఫ్రూట్స్ నుండి స్మూతీలను తాగితే మంచిది.

నిమ్మరసంలో సబ్జా: సబ్జా గింజలను నిమ్మరసంతో కలిపి రాత్రంతా నానబెట్టిన తాగడం చాలా ప్రయోజనకరం. ఇందులో ఫైబర్, విటమిన్ సి, యాంటీఆక్సిడెంట్లు ఉంటాయి. ఇది శరీరాన్ని చల్లబరుస్తుంది, జీర్ణక్రియకు సహాయపడుతుంది. శక్తిని పెంచుతుంది.