Sreemukhi: టాలెంట్ ప్లస్ గ్లామర్.. సినిమాల్లో యాక్టింగ్, షోలో హోస్టింగ్ తో అదరగొడుతున్న శ్రీముఖి.. లేటెస్ట్ ఫొటోలు వైరల్

చలాకీ మాటలే కాదు చురుకైన నటనతోనూ అభిమానుల మనసుల కొల్లగొట్టడం శ్రీముఖికి తెలుసు. తాజాగా మా ఇంటి బంగారం సినిమాలో ఆమె నటనే ఇందుకు నిదర్శనం.

సమంత హీరోయిన్ గా నటించిన మా ఇంటి బంగారం సినిమాలో చిన్న కోడలు క్యారెక్టర్లో శ్రీముఖి ఒదిగిపోయింది. థియేటర్లలో బ్లాక్ బస్టర్ గా నిలిచిన ఈ మూవీ, ఇప్పుడు ఓటీటీలోనూ అదరగొడుతోంది.

జియోహాట్ స్టార్ లో ఏకంగా నాలుగు భాషల్లో ట్రెండింగ్ నంబర్ వన్ గా దూసుకెళ్తోంది మా ఇంటి బంగారం. మరోవైపు షోలో హోస్టింగ్ తోనూ శ్రీముఖి అదరగొడుతోంది.

స్టార్ మా ఛానెల్ ఆస్థాన యాంకర్ గా మారిపోయింది శ్రీముఖి. ఆదివారం విత్ స్టార్ మా పరివారం షోను తన భుజాలపై వేసుకొని నడిపిస్తోంది.

ఇక త్వరలో ప్రారంభం కానున్న బిగ్ బాస్ సీజన్ 10 అగ్నిపరీక్షకు మరోసారి హోస్ట్ గా శ్రీముఖి వ్యవహరించనుందని టాక్.