రూ. 10లక్షల ధర లోపు బడ్జెట్లో బెస్ట్ కార్లు ఇవి..
కొత్తగా కారు కొనాలని ప్లాన్ చేస్తున్నారా? మీ బడ్జెట్ రూ.10లక్షలు అనుకుంటున్నారా? అయితే రూ.10లక్షల ధరలోపు దేశంలో లభిస్తున్న కొన్ని బెస్ట్ సెల్లింగ్ కార్స్ గురించి ఇక్కడ తెలుసుకోండి..
2025 హ్యుందాయ్ వెన్యూ- ఇండియాలోని బెస్ట్ సెల్లింగ్ ఎస్యూవీల్లో ఒకటైన హ్యుందాయ్ వెన్యూ ఇటీవలే అప్డేట్ అయ్యింది. 2025 హ్యుందాయ్ వెన్యూ ప్రారంభ ఎక్స్షోరూం ధర రూ. 7.90లక్షలు. ఇందులో 998సీసీ- 1493సీసీ ఇంజిన్లు ఉంటాయి. ఇవి 82బీహెచ్పీ- 118బీహెచ్పీ పవర్ని జనరేట్ చేస్తాయి. దీని మైలేజ్ దాదాపు 21కేఎంపీఎల్.
టాటా పంచ్- ఇండియాలో బెస్ట్ సెల్లింగ్ ఎస్యూవీల్లో టాటా పంచ్ ముందువరుసలో ఉంటుంది. ఇందులో 1199సీసీ ఇంజిన్ ఉంటుంది. ఇది 87బీహెచ్పీ పవర్ని, 115ఎన్ఎం టార్క్ని జనరేట్ చేస్తుంది. గ్లోబల్ ఎన్సీఏపీ క్రాష్ టెస్ట్లో దీనికి 5 స్టార్ రేటింగ్ లభించింది. దీని మైలేజ్ 20 కేఎంపీఎల్. టాటా పంచ్ ప్రారంభ ఎక్స్షోరూం ధర రూ. 5.5లక్షలుగా ఉంది.
టాటా నెక్సాన్- టాటాకు బెస్ట్ సెల్లింగ్ ఎస్యూవీగా కొనసాగుతున్న ఈ టాటా నెక్సాన్ ప్రారంభ ఎక్స్షోరూం ధర రూ. 7.3లక్షలు. ఇందులో 1199సీసీ- 1497సీసీ ఇంజిన్లు ఉన్నాయి. ఇవి 99- 118.27బీహెచ్పీ పవర్ని, 170- 260ఎన్ఎం టార్క్ని జనరేట్ చేస్తాయి. దీనికి కూడా 5 స్టార్ సేఫ్టీ రేటింగ్ ఉంది. టాటా నెక్సాన్ మైలేజ్ 17 నుంచి 24 కేఎంపీఎల్ వరకు ఉంది.
మారుతీ సుజుకీ ఫ్రాంక్స్- ఇందులో 998సీసీ- 1197సీసీ ఇంజిన్లు ఉన్నాయి. ఇవి 76.3- 98.69 బీహెచ్పీ పవర్ని, 98.5-147.6 ఎన్ఎం టార్క్ని జనరేట్ చేస్తుంది. ఇది గొప్ప మేలేజ్ని (23కేఎంపీఎల్ వరకు) ఇస్తుంది. దీని ప్రారంభ ఎక్స్షోరూం ధర రూ. 6.85లక్షలు,
వీటితో పాటు మహీంద్రా థార్, మారుతీ సుజుకీ స్విఫ్ట్, మారుతీ బ్రెజా, కియా సోనెట్, హ్యుందాయ్ ఐ20, మహీంద్రా ఎక్స్యూవీ 3ఎక్స్ఓ వంటి మోడల్స్ రూ.10లక్షల సెగ్మెంట్లో లభిస్తున్నాయి.
E-Paper

