తెలంగాణ హైకోర్టు వెబ్‌సైట్‌ హ్యాక్‌ - విచారిస్తున్న సైబర్ పోలీసులు

తెలంగాణ హైకోర్టు వెబ్‌సైట్‌ను సైబర్‌ నేరగాళ్లు హ్యాక్‌ చేశారు. ఆర్డర్‌ కాపీలు డౌన్లోడ్ చేస్తుండగా ఆన్‌లైన్‌ బెట్టింగ్‌ సైట్‌ ఓపెన్ అయింది. వెంటనే అప్రమత్తమైన అధికారులు… సైబర్ పోలీసులకు ఫిర్యాదు చేశారు.

హైకోర్టు వెబ్ సైట్ నుంచి కేసులకు సంబంధించిన ఆర్డర్‌ కాపీలు డౌన్లోడ్ ఆన్‌లైన్‌ బెట్టింగ్‌ సైట్‌ లోకి వెళ్తుంది. పీడీఎఫ్ ఫైల్స్‌కు బదులుగా BDG స్లాట్‌ బెట్టింగ్‌ సైట్‌ ఓపెన్ అయింది.

అప్రమత్తమైన హైకోర్టు రిజిస్ట్రార్… వెంటనే సైబర్ పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేస్తున్నారు.

సైట్‌ను వెంటనే రిస్టోర్‌ చేసిన ఎన్‌ఐసీ అధికారులు విదేశీ గేమింగ్‌ యాప్‌ల పాత్రపై అనుమానం వ్యక్తం చేశారు. వెబ్‌సైట్‌ సబ్‌ సబ్ డొమైన్స్ యథావిధిగా పనిచేస్తున్నట్లు కోర్టు వర్గాలు చెప్పాయి.