TG CPGET Notification 2026 : టీజీ సీపీగెట్ అప్డేట్ - ఇవాళ నోటిఫికేషన్ విడుదల

తెలంగాణ వ్యాప్తంగా ఉన్న వివిధ విశ్వవిద్యాలయాల్లో పోస్ట్ గ్రాడ్యుయేట్ (పీజీ) కోర్సుల్లో ప్రవేశాల కోసం వేచి చూస్తున్న విద్యార్థులకు కీలక సమాచారం. కామన్ పోస్ట్ గ్రాడ్యుయేట్ ఎంట్రెన్స్ టెస్ట్ (CPGET)-2026 నోటిఫికేషన్ బుధవారం(మే 13) సాయంత్రం అధికారికంగా విడుదల కానుంది.

గతేడాది ఈ ప్రవేశ పరీక్షలను ఉస్మానియా యూనివర్సిటీ నిర్వహించగా….. ఈ విద్యా సంవత్సరానికి (2026-27) గాను ప్రభుత్వం కాకతీయ యూనివర్సిటీకి (KU) అప్పగించింది. ఉన్నత విద్యామండలి ఆదేశాల మేరకు కేయూ ఈ పరీక్షను నిర్వహించబోతోంది.

ఈ ప్రవేశ పరీక్ష ద్వారా ఉస్మానియా, కాకతీయ, తెలంగాణ, మహాత్మా గాంధీ, పాలమూరు, శాతవాహన, జవహర్‌లాల్ నెహ్రూ టెక్నాలజికల్ యూనివర్సిటీ వంటి ప్రముఖ వర్సిటీల్లోని పీజీ, పీజీ డిప్లొమా, ఐదేళ్ల ఇంటిగ్రేటెడ్ కోర్సుల్లో సీట్లను భర్తీ చేస్తారు. ఆన్‌లైన్ దరఖాస్తుల స్వీకరణ, పరీక్ష తేదీలు మరియు ఇతర పూర్తి వివరాలు నేడు విడుదలయ్యే నోటిఫికేషన్‌లో వెల్లడించనున్నారు.

టీజీ సీపీగెట్-2026 కన్వీనర్‌గా కాకతీయ విశ్వవిద్యాలయానికి చెందిన ప్రొఫెసర్ రాజేందర్ కట్లను నియమిస్తూ ఉన్నత విద్యా మండలి నిర్ణయం తీసుకుంది. ఆయన పర్యవేక్షణలో నోటిఫికేషన్ జారీ నుంచి కౌన్సెలింగ్ ప్రక్రియ ముగిసే వరకు అన్ని చర్యలు చేపట్టనున్నారు.

టీజీ లీపీగెట్ - 2026 ప్రవేశ పరీక్షలో విద్యార్థులు సాధించే ర్యాంకుల ఆధారంగానే సీట్ల కేటాయింపు ఉంటుంది. విడతల వారీగా కౌన్సెలింగ్ ప్రాసెస్ చేపట్టి…. సీట్లను భర్తీ చేస్తారు.