E-Paper
TG LAWCET Spot Admissions 2026 : టీజీ లాసెట్ స్పాట్ అడ్మిషన్ల షెడ్యూల్ విడుదల - కాలేజీల వారీగా సీట్ల భర్తీ, ఇవిగో వివరాల
TG LAWCET Spot Admissions 2026 : తెలంగాణలోని లా కాలేజీల్లో మిగిలిపోయిన ఎల్‌ఎల్‌బీ స్పాట్ అడ్మిషన్ల షెడ్యూల్‌ను అధికారులు విడుదల చేశారు. కాలేజీల వారీగా రిజిస్ట్రేషన్ల వివరాలను అందుబాటులో ఉంచారు.
View Photos in a new improved layoutతెలంగాణ రాష్ట్రంలోని ప్రైవేట్ అన్-ఎయిడెడ్ లా కాలేజీల్లో మిగిలిపోయిన, రద్దయిన ఎల్‌ఎల్‌బీ (3YDC, 5YDC) స్పాట్ అడ్మిషన్ల ప్రక్రియను ప్రవేశాల కమిటీ ప్రారంభించింది. సంబంధిత కాలేజీల పరిధిలో ఇన్స్టిట్యూషనల్ స్పాట్ అడ్మిషన్ల ద్వారా ఈ సీట్లను భర్తీ చేయనున్నారు.
View Photos in a new improved layoutకాలేజీల వారీగా ఖాళీగా ఉన్న సీట్ల వివరాలను ఆయా కళాశాలల అధికారిక లింకులు, నోటీసు బోర్డుల్లో అందుబాటులో ఉంచారు. విద్యార్థులు లాసెట్ అధికారిక వెబ్‌సైట్ https://lawcet.tgche.ac.in/ ద్వారా స్పాట్ అడ్మిషన్ల వివరాలను తెలుసుకోవచ్చు.
View Photos in a new improved layoutఅక్టోబర్ 12వ తేదీతో రిజిస్ట్రేషన్ల ప్రక్రియ ముగుస్తుంది. అయితే కాలేజీల వారీగా తేదీలను నిర్దేశించారు. కొన్ని కాలేజీలకు రిజిస్ట్రేషన్లు ఇప్పటికే ముగిశాయి.
View Photos in a new improved layoutఅభ్యర్థులు ఒరిజినల్ సర్టిఫికెట్లతో మాత్రమే స్పాట్ అడ్మిషన్లకు హాజరుకావాల్సి ఉంటుంది. ప్రవేశాల తుది ఆమోదం (రాతీకరణ) పూర్తయిన తర్వాతే ఒరిజినల్ పత్రాలను తిరిగి ఇస్తారు. రెండు సెట్ల జిరాక్స్ కాపీలు, ఒరిజినల్ టీసీ (T.C.) కాలేజీలో సమర్పించాలి.
View Photos in a new improved layoutఇన్స్టిట్యూషనల్ స్పాట్ అడ్మిషన్ల ద్వారా ప్రవేశం పొందే అభ్యర్థులకు ప్రభుత్వ ఫీజు రీయింబర్స్‌మెంట్ వర్తించదని అధికారులు స్పష్టం చేశారు. జనరల్/ఓబీసీ అభ్యర్థులు రూ.800, ఎస్సీ/ఎస్టీ అభ్యర్థులు రూ.500 ప్రాసెసింగ్ ఫీజుగా ఆన్‌లైన్ లింక్ ద్వారా చెల్లించాలి.
View Photos in a new improved layoutTG LAWCET -2026లో సాధించిన ర్యాంకు, మెరిట్ ఆధారంగానే సీట్లను కేటాయిస్తారు. సీటు లభించిన అభ్యర్థులు నిర్ణీత గడువులోగా కాలేజీలో రిపోర్ట్ చేసి ట్యూషన్ ఫీజు చెల్లించాలి, లేకపోతే ఆ సీటును వెయిటింగ్ లిస్ట్‌లో ఉన్న తదుపరి అభ్యర్థికి కేటాయిస్తారు.
