LPG Cylinder Booking : ఎల్పీజీ రీఫిల్ బుకింగ్ నిబంధనల్లో ఎలాంటి మార్పులు లేవు - ఇదిగో క్లారిటీ

LPG గ్యాస్ సిలిండర్ వినియోగదారులకు కేంద్రం కీలక అలర్ట్ ఇచ్చింది. బుకింగ్స్ లో కొత్త రూల్స్ వచ్చాయంటూ వచ్చిన వార్తలపై క్లారిటీ ఇచ్చింది. అలాంటిదేమీ లేదని స్పష్టం చేసింది.

గత కొద్దిరోజులుగా సోషల్ మీడియాలో మరియు కొన్ని వార్తా కథనాలలో గ్యాస్ సిలిండర్ (LPG) బుకింగ్ సమయ పరిమితులపై వస్తున్న వార్తలు అవాస్తమని కేంద్రం స్పష్టం చేసింది. ప్రభుత్వం అటువంటి నిర్ణయం ఏదీ తీసుకోలేదని పేర్కొంది.

భారత ప్రభుత్వ పెట్రోలియం మరియు సహజ వాయువు మంత్రిత్వ శాఖ గానీ, ఆయిల్ మార్కెటింగ్ కంపెనీలు (IOCL, BPCL, HPCL) గానీ రీఫిల్ బుకింగ్‌పై ఇలాంటి కొత్త పరిమితులను విధించలేదని కేంద్ర పెట్రోలియం శాఖ వివరణ ఇచ్చింది.

పాత నిబంధనలే అమల్లో ఉన్నాయిని కేంద్రం స్పష్టం చేసింది. పట్టణాల్లో 25 రోజులు, గ్రామీణ ప్రాంతాల్లో 45 రోజుల కనీస గడువు యథాతథంగా కొనసాగుతుందని పేర్కొంది.

అనధికారిక వార్తలను నమ్మి ఆందోళన చెందవద్దని కేంద్ర పెట్రోలియం శాఖ సూచించింది.