E-Paper
Summer Tips : వేసవిలో ఇంటిని చల్లగా ఉంచుకోవడానికి సింపుల్ చిట్కాలు!
Summer Tips : భారతదేశంలో ఉష్ణోగ్రతలు 40 డిగ్రీలు దాటడంతో తీవ్రమైన వేడిమి నెలకొంది. వడగాలుల తీవ్రత మరింత పెరుగుతుందని భారత వాతావరణ శాఖ (ఐఎమ్‌డీ) హెచ్చరించింది. ఇప్పుడు ఈ మండుటెండ నుండి తప్పించుకోవడానికి తక్కువ ఖర్చుతో కూడిన మార్గాలను అన్వేషిస్తున్నారు.
View Photos in a new improved layoutఖరీదైన ఏసీ లేదా కూలింగ్ యంత్రాలను అమర్చడం అంత సులభం కాదు. అటువంటి వారికి రిఫ్లెక్టివ్ ఫిల్మ్‌లు, బ్లాక్‌అవుట్ కర్టెన్లు ఒక వరంలాంటివి. ఇవి సూర్యుని తీవ్ర కిరణాలు ఇంట్లోకి ప్రవేశించకుండా నిరోధించి, ఇంటి లోపలి భాగాన్ని చల్లగా ఉంచుతాయి. ఉదయం పూట సూర్యరశ్మిని అడ్డుకుంటే, రోజంతా ఇల్లు చల్లగా ఉంటుంది.
View Photos in a new improved layoutబాల్కనీలకు షేడ్ నెట్లను అమర్చడం సూర్యరశ్మిని అడ్డుకోవడానికి అత్యంత చవకైన మార్గం. కిటికీలకు మందపాటి కర్టెన్లు వేయడం వల్ల కూడా గదిలోని ఉష్ణోగ్రత తగ్గుతుంది. అంతేకాదు సన్నని వస్త్రాలు కిటికీలకు కట్టి.. తరచూ నీరు చల్లుతూ కూడా ఉంటే చల్లగా ఉంటుంది. దీనితో పాటు మీరు ఇంట్లోని మొక్కల పట్ల కూడా శ్రద్ధ వహించాలి. మధ్యాహ్నపు ఎండలో మొక్కలు ఎండిపోకుండా ఉండటానికి, వాటికి ఉదయాన్నే నీరు పోయడం మంచిది.
View Photos in a new improved layoutఇంట్లోని వేడి గాలిని బయటకు పంపడానికి క్రాస్-వెంటిలేషన్ చాలా ముఖ్యం. రాత్రిపూట చల్లగా ఉండే సమయాల్లో కిటికీలు తెరిచి ఉంచడం వల్ల ఇంట్లోకి స్వచ్ఛమైన గాలి సులభంగా ప్రసరిస్తుంది. మీరు ఎయిర్ కూలర్‌ను ఉపయోగిస్తుంటే, వెంటిలేషన్ కోసం తగినంత స్థలం ఉండేలా చూసుకోండి. ఇంకా చల్లటి గాలిని పొందడానికి మీరు కూలర్‌లోని వాటర్ ట్యాంక్‌లో ఐస్ క్యూబ్స్‌ను కూడా వేయవచ్చు.
View Photos in a new improved layoutషేడ్ నెట్ యూవూ కిరణాలను నిరోధిస్తుంది, బ్లాకౌట్ కర్టెన్లు ఇంటి లోపల వేడిని నివారిస్తుంది. ఇలాంటి చిన్న మార్పులు కఠినమైన వేసవిని తట్టుకోవడానికి మీకు సహాయపడతాయి. ఈ సులభమైన పద్ధతులను పాటించడం ద్వారా, మండుటెండలో కూడా మీ ఇంటిని చల్లని మార్చుకోవచ్చు.
