E-Paper
ఫోటోలు : తిరుమల శ్రీవారి బ్రహ్మోత్సవాలు.. గజ వాహనంపై స్వామివారి దివ్య విహారం
తిరుమల శ్రీవారి బ్రహ్మోత్సవాల్లో గజ వాహనంపై శ్రీ మలయప్ప స్వామివారి దివ్య విహారం చేశారు. ఈ సందర్భంగా ప్రబంధ పారాయణం.. మంగళవాయిద్యాలు.. గోవిందనామస్మరణతో తిరుమాడ వీధులు మార్మోగాయి.
View Photos in a new improved layout
కలియుగ ప్రత్యక్ష దైవమైన తిరుమల శ్రీవేంకటేశ్వరస్వామివారి సాలకట్ల బ్రహ్మోత్సవాల్లో ఆరో రోజైన ఆదివారం రాత్రి శ్రీ మలయప్ప స్వామివారు గజ వాహనాన్ని అధిరోహించి భక్తులకు దివ్యదర్శనమిచ్చారు.
View Photos in a new improved layout
వాహనం ముందు గజరాజులు గంభీరంగా నడుస్తుండగా.. మంగళవాయిద్యాల నడుమ, భక్తజనుల గోవిందనామస్మరణతో తిరుమాడ వీధులు భక్తిపారవశ్యంతో మార్మోగాయి. భక్తబృందాలు భజనలు, కోలాటాలతో స్వామివారిని కీర్తిస్తూ ఆధ్యాత్మిక సందడి నెలకొల్పాయి. జీయ్యంగార్ల ప్రబంధ పారాయణంతో వాహనసేవ మరింత వైభవంగా సాగింది.
View Photos in a new improved layout
విశేష సంఖ్యలో తరలివచ్చిన భక్తులు అడుగడుగునా కర్పూర హారతులు సమర్పిస్తూ శ్రీ మలయప్ప స్వామివారిని దర్శించుకుని భక్తిపారవశ్యంలో మునిగిపోయారు.
View Photos in a new improved layout
పూర్వకాలంలో రాజులను పట్టాభిషేకం వంటి విశేష సందర్భాల్లో గజాలపై ఊరేగించేవారు. విశిష్ట వ్యక్తులను ఘనంగా సత్కరించే సందర్భాల్లో గజారోహణం చేసే సంప్రదాయం కూడా ఉంది. పురాణాల ప్రకారం శ్రీ మలయప్ప స్వామివారి గజ వాహన సేవను దర్శించడం వల్ల కర్మ విముక్తి కలుగుతుందని విశ్వసిస్తారు. అందుకే గజ వాహనసేవకు భక్తులలో విశేష ప్రాధాన్యత ఉంది.
View Photos in a new improved layout
శ్రీ మలయప్ప స్వామివారు గజ వాహనాన్ని అధిరోహించిన రోజునే కాకుండా బ్రహ్మోత్సవాల ఇతర వాహనసేవల సమయంలోనూ టీటీడీ గజరాజులు ప్రత్యేకంగా పాల్గొని ఉత్సవ వైభవాన్ని ఇనుమడింపజేస్తాయి.
View Photos in a new improved layout
ఈ వాహనసేవలో తిరుమల శ్రీశ్రీశ్రీ పెద్దజీయర్స్వామి, శ్రీశ్రీశ్రీ చిన్నజీయర్స్వామి, టీటీడీ ఈవో ముద్దాడ రవిచంద్ర, పలువురు బోర్డు సభ్యులు, అదనపు ఈవో సిహెచ్. వెంకయ్య చౌదరి, సీవీఎస్వో మురళీకృష్ణ, ఎస్వీబీసీ ఛైర్మన్ శ్రీధర్ వర్మ తదితరులు పాల్గొన్నారు.
