ప్రపంచంలో ఇప్పటి వరకూ అత్యధికంగా అమ్ముడైన టాప్ 5 మొబైల్ ఫోన్లు ఇవే.. తొలి స్థానంలో అందరి ఫేవరెట్ ఆ నోకియా మోడలే..

ప్రపంచ స్మార్ట్ ఫోన్ మార్కెట్ రోజురోజుకూ మారుతోంది. ప్రతిరోజూ కొత్త ఫీచర్లతో కూడిన అనేక స్మార్ట్ ఫోన్ లు లాంచ్ అవుతున్నాయి, అయితే వీటిలో ప్రపంచంలో అత్యధికంగా అమ్ముడైన టాప్ 5 ఫోన్లు ఏవో మీకు తెలుసా? హౌస్టఫ్ వర్క్స్ ఈ జాబితాను రిలీజ్ చేసింది

ఈ జాబితాలో నోకియా, ఐఫోన్ మోడల్సే ఉండటం విశేషం. మరి అవేంటో తెలుసుకోండి.

నోకియా 1100 తొలి స్థానంలో ఉంది. ఈ ఫీచర్ ఫోన్ ను 2003లో తీసుకొచ్చారు. ప్రపంచవ్యాప్తంగా 25 కోట్ల ఫోన్లు అమ్ముడయ్యాయి. ఇప్పటి వరకూ ఈ రికార్డును ఏ ఇతర మొబైల్ బ్రేక్ చేయలేకపోయింది.

ఆపిల్ ఐఫోన్ 6, 6 ప్లస్ రెండో స్థానంలో ఉన్నాయి. ఈ మోడల్స్ ప్రపంచవ్యాప్తంగా 22 కోట్లు అమ్ముడయ్యాయి.

నోకియా 1110 మూడో స్థానంలో ఉంది. ఈ ఫీచర్ ఫోన్ కూడా సుమారు 20 కోట్ల వరకూ అమ్ముడవడం విశేషం.

ఇక నాలుగో స్థానంలో ఐఫోన్ 11 ఉంది. ఈ మోడల్ ఫోన్లు ప్రపంచవ్యాప్తంగా 15.9 కోట్లు అమ్ముడయ్యాయి.

సామ్‌సంగ్ గెలాక్సీ ఎస్4 కూడా మంచి అమ్మకాలే చూసింది. ఈ మోడల్ ఫోన్లు 8 కోట్ల వరకూ అమ్ముడయ్యాయి.