నెట్‌ఫ్లిక్స్‌లో దుమ్ము రేపుతున్న ఈ 7 యానిమేషన్ మూవీస్ మిస్ కావద్దు.. పిల్లలే కాదు పెద్దలూ ఎంజాయ్ చేస్తారు

నెట్‌ఫ్లిక్స్ లోని టాప్ 7 యానిమేషన్ సినిమాల గురించి ఇక్కడ తెలుసుకోండి. పిల్లలతో కలిసి రిలాక్స్ కావడానికి ఈ మూవీస్ చూడొచ్చు.

హౌ టు ట్రైన్ యువర్ డ్రాగన్స్ - 2010లో వచ్చిన ఈ క్లాసిక్ మూవీ మళ్లీ నెట్ ఫ్లిక్స్ లో మొదటి స్థానంలో ఉంది. 'హికప్', అతని ప్రియమైన డ్రాగన్ 'టూత్ లెస్' మధ్య స్నేహం చుట్టూ తిరిగే కథ ఇది.

కేపాప్ డెమోన్ హంటర్స్ - నెట్‌ఫ్లిక్స్ ఒరిజినల్ మూవీ ప్రపంచవ్యాప్తంగా సంచలనాలను సృష్టిస్తోంది. దెయ్యాలు, రాక్షసులతో ఫైట్ చేసే కే-పాప్ స్టార్ల చుట్టూ తిరిగే మూవీ ఇది.

కాస్మిక్ ప్రిన్సెస్ కగుయా - జపనీస్ జానపద కథ ఆధారంగా వచ్చిన కాస్మిక్ ప్రిన్సెస్ కగుయా మూవీ కూడా ప్రేక్షకులను బాగా ఆకర్షించింది. దీని విజువల్ కంటెంట్ చాలా అద్భుతంగా ఉంటుంది. ఇది చంద్రుడి నుండి భూమికి వచ్చిన యువరాణి కథ.

హౌ టు ట్రైన్ యువర్ డ్రాగన్ 2 - మొదటి భాగం అద్భుతమైన విజయం తరువాత, దాని రెండవ భాగం కూడా ప్రేక్షకులను ఆకట్టుకుంటోంది. హికప్, టూత్ లెస్ ప్రపంచం మరింత విస్తరించడం ఈ మూవీలో చూడొచ్చు.

100 మీటర్స్ - ఇది ఒక మోటివేషనల్ స్పోర్ట్స్ డ్రామా యానిమేటెడ్ మూవీ. ఇది ఒక అథ్లెట్ పోరాటం గురించి చెబుతుంది. స్ఫూర్తిదాయక కథ కావడంతో పేరెంట్సే తమ పిల్లలకు చూపిస్తున్నారు.

మిచెల్స్ వర్సెస్ మెషిన్స్ - ఓ ఫ్యామిలీ మెషీన్స్, రోబోలకు వ్యతిరేకంగా చేసే ఫైట్ చుట్టూ తిరిగే కథ ఇది. దీనిని ఫ్యామిలీతో కలిసి చూడొచ్చు.

వయోలెట్ ఎవర్‌గార్డెన్ - యానిమేషన్ లోనూ మంచి ఎమోషన్ ఇష్టపడే ప్రేక్షకులు ఈ సినిమాను చూడొచ్చు. ఇందులో విజువల్స్ చాలా అద్భుతంగా ఉంటాయి.