హాలీవుడ్ మూవీ..కూచిపూడి నాట్యం..బోల్డ్ క్యారెక్టర్స్..శోభిత బర్త్ డే స్పెషల్..నాగ చైతన్య వైఫ్ గురించి ఈ విషయాలు తెలుసా?

సినిమాలతో పాటు వెబ్ సిరీస్ ల్లోనూ అదరగొట్టింది శోభిత ధూళిపాళ. ముఖ్యంగా బోల్డ్ క్యారెక్టర్స్ లోనూ సత్తాచాటింది. ది నైట్ మేనేజర్ వెబ్ సిరీస్ లో ఆదిత్య రాయ్ కపూర్ తో రొమాన్స్ హాట్ టాపిక్ గా మారింది.

శోభిత ధూళిపాళది బ్రాహ్మణ కుటుంబం. ఆమె కూచిపూడి, భరత నాట్యంలో శిక్షణ తీసుకుంది. మిస్ ఎర్త్ 2013 పోటీల్లో ఆమె పార్టిసిపేట్ చేసింది. 2014 కింగ్ ఫిషర్ క్యాలెండర్ ఫొటోల్లో కనిపించింది.

హిందీ, తెలుగుతో పాటు మలయాళం, తమిళం సినిమాల్లోనూ శోభిత అదరగొట్టింది. మంకీ మ్యాన్ మూవీతో హాలీవుడ్ కు కూడా వెళ్లింది ఈ భామ. చాలా అవార్డులూ గెలుచుకుంది. 2019లో గ్రేజియా మిలీనియల్, జీక్యూ ఇండియా, లయన్స్ గోల్డ్ అవార్డులు దక్కించుకుంది. ది నైట్ మేనేజర్ వెబ్ సిరీస్ కు గాను ఇండియన్ టెలివిజన్ అకాడమీ అవార్డు సొంతం చేసుకుంది.

పేరుకు తెలుగమ్మాయే కానీ ఆమె బాలీవుడ్ తోనే సినిమాల్లో అడుగుపెట్టింది. 2016లో రామన్ రాఘవ్ 2.0తో డెబ్యూ చేసింది శోభిత. ఆ తర్వాత హిందీలో వరుసగా చెఫ్, కలాకండి సినిమాలు చేసింది. తెలుగులో అడివి శేష్ గూడఛారి సినిమాతో అడుగుపెట్టింది.

2024 డిసెంబర్ 4 ప్రముఖ నటుడు అక్కినేని నాగ చైతన్యను పెళ్లి చేసుకుంది శోభిత ధూళిపాళ. అప్పటికే సమంతతో చైతన్య విడాకులు తీసుకున్న సంగతి తెలిసిందే.

శోభిత ధూళిపాళ పక్కా తెలుగమ్మాయి. తెనాలిలో జన్మించిన శోభిత.. వైజాగ్ లో పెరిగింది. ముంబయిలో గ్రాడ్యుయేషన్ కంప్లీట్ చేసింది. కార్పొరేట్ లాలో డిగ్రీ సంపాదించింది.