ఎప్పుడైనా కింగ్ కింగే- సిడ్నీలో రికార్డుల మోత మోగించిన విరాట్ కోహ్లి- సచిన్ తర్వాత అతడే

విరాట్ కోహ్లి అదరగొట్టాడు. ఆస్ట్రేలియాతో మూడో వన్డేలో హాఫ్ సెంచరీతో రికార్డుల మోత మోగించాడు.

అంతర్జాతీయ వన్డేల్లో అత్యధిక పరుగులు చేసిన బ్యాటర్లలో రెండో స్థానానికి చేరుకున్నాడు విరాట్. కుమార సంగక్కర (14234)ను వెనక్కినెట్టాడు. సచిన్ (18426) టాప్ లో ఉన్నాడు.

కోహ్లి మరోసారి తాను ఛేజింగ్ మాస్టర్ అని రుజువు చేసుకున్నాడు. వన్డేల్లో ఛేజింగ్ లో అత్యధిక ఫిఫ్టీ ప్లస్ (70 సార్లు) స్కోర్లు చేసిన ఆటగాడిగా నిలిచాడు.

వన్డేల్లో ఆస్ట్రేలియాపై అత్యధిక సార్లు ఫిఫ్టీ ప్లస్ స్కోరు సాధించిన ఆటగాడిగా సచిన్ రికార్డును సమం చేశాడు విరాట్. ఇది కోహ్లీకి ఆసీస్ పై 24వ ఫిఫ్టీ. సచిన్ కూడా 24 సార్లు ఫిఫ్టీ ప్లస్ స్కోర్లు చేశాడు.

5 ఏళ్ల 9 నెలల తర్వాత రోహిత్, కోహ్లి కలిసి ఓ వికెట్ కు 100 ప్లస్ భాగస్వామ్యం నమోదు చేయడం విశేషం.