E-Paper
Pregnancy after 35 : లేటు వయసులో ప్రెగ్నెన్సీ ప్లాన్ చేస్తున్న మహిళలు ఇవి కచ్చితంగా తెలుసుకోవాలి..
మారుతున్న జీవనశైలి, కెరీర్ ప్రాధాన్యతలు వంటి కారణాల వల్ల ప్రస్తుతం చాలా మంది మహిళలు 35 నుంచి 40 ఏళ్ల వయసులో మాతృత్వాన్ని ఆస్వాదించాలనుకుంటున్నారు. ఈ వయసులో గర్భం దాల్చడం అంటే కొన్ని సవాళ్లు ఎదురవుతాయి. ప్రముఖ ఫెర్టిలిటీ స్పెషలిస్ట్ డాక్టర్ మేరీ లీ.. ఇందుకు సంబంధించిన కొన్ని విషయాలను షేర్ చేశారు.
View Photos in a new improved layout35 ఏళ్లు- 40ఏళ్లలోపు మహిళలు ప్రెగ్నెన్సీ ప్లాన్ చేసుకునేటప్పుడు ఎలాంటి జాగ్రత్తలు తీసుకోవాలి? ఏ విషయాలపై అవగాహన కలిగి ఉండాలో స్పష్టంగా వివరించారు డాక్టర్ లీ. వయసు పెరుగుతున్న కొద్దీ మహిళల శరీరంలో వచ్చే హార్మోన్ల మార్పులు, అండాల నాణ్యతపై అవగాహన కలిగి ఉండటం వల్ల సురక్షితమైన గర్భధారణ సాధ్యమవుతుందని పేర్కొన్నారు. ఆమె సూచించిన అత్యంత ముఖ్యమైన ఫెర్టిలిటీ చిట్కాలు ఇక్కడ చూద్దాం.
View Photos in a new improved layout6 నెలల ప్రయత్నం చాలు- సాధారణంగా చాలా మంది జనరల్ ఫిజీషియన్లు పిల్లల కోసం కనీసం ఒక సంవత్సరం పాటు సహజంగా ప్రయత్నించమని సలహా ఇస్తుంటారు. అయితే, ఈ 12 నెలల నిబంధన కేవలం 35 ఏళ్ల లోపు ఉన్న మహిళలకు మాత్రమే వర్తిస్తుంది. 35 నుంచి 40 ఏళ్ల వయసు గల మహిళలు కేవలం 6 నెలల పాటు ప్రయత్నించినప్పటికీ ఫలితం లేకపోతే.. ఏడాదంతా వేచి చూడకుండా వెంటనే ఫెర్టిలిటీ పరీక్షలు చేయించుకోవడం మంచిది.
View Photos in a new improved layoutఎగ్ ఫ్రీజింగ్ ఆలోచన- ఆధునిక జీవనశైలి మారినప్పటికీ, మన శరీరంలోని జీవ గడియారం మారదు. 35 ఏళ్లు దాటిన తర్వాత మహిళల్లో అండాల నాణ్యత, సంఖ్య చాలా వేగంగా క్షీణించడం ప్రారంభిస్తుంది. ఒకవేళ మీరు ఈ వయసులో పెళ్లి లేదా పిల్లల కోసం సిద్ధంగా లేనట్లయితే.. ‘ఎగ్ ఫ్రీజింగ్’ పద్ధతి ద్వారా మీ అండాలను భద్రపరుచుకోవచ్చు. దీనివల్ల భవిష్యత్తులో గర్భం దాల్చడం సులువు అవుతుంది.
View Photos in a new improved layoutసెలబ్రిటీల కథలు చూసి మోసపోకండి- ప్రియాంక చోప్రా, దీపికా పదుకొణె వంటి ఎందరో సెలబ్రిటీలు 35 ఏళ్లు దాటాక తల్లులు కావడం చూసి.. 40 ఏళ్లలో ప్రెగ్నెన్సీ చాలా సులభం అనే భావన సమాజంలో ఏర్పడింది. "మీకు తెలిసిన ఎవరో ఒకరు 40 ఏళ్లలో సహజంగా పిల్లలను కన్నారు కదా అని, అది అందరికీ సాధ్యం కాకపోవచ్చు" అని డాక్టర్ మేరీ లీ స్పష్టం చేశారు. వయసు పెరిగే కొద్దీ గర్భం దాల్చడంలో ఇబ్బందులు రావడం అనేది ఒక చేదు నిజం. కాబట్టి ఇతరుల కథలను నమ్మి కాలయాపన చేయకుండా, మీ సొంత ఆరోగ్య పరిస్థితిని పరీక్షించుకోవాలి.
View Photos in a new improved layoutపీరియడ్స్ సమస్యలను నిర్లక్ష్యం చేయవద్దు- మహిళలు చాలా కాలంగా సాధారణమైనవే అని సరిపెట్టుకుంటున్న కొన్ని శారీరక లక్షణాలను వెంటనే పరిశీలించుకోవాలి: ఇర్రెగ్యులర్ పీరియడ్స్, విపరీతమైన బ్లీడింగ్, పీరియడ్స్ సమయంలో వచ్చే తీవ్రమైన కడుపునొప్పి వంటివి మీ సంతానోత్పత్తి సామర్థ్యాన్ని దెబ్బతీసే అంతర్గత సమస్యలకు సంకేతాలు కావచ్చు. కాబట్టి ముందే డాక్టర్‌ను సంప్రదించి చికిత్స తీసుకోవడం ఉత్తమం.
