వైఎస్ అనిల్ రెడ్డి కుమార్తె వివాహం.. ఒకే ఫ్రేమ్‌లో జగన్, విజయ్, కేటీఆర్, అదానీ!

వైఎస్ అనిల్ రెడ్డి కుమార్తె వివాహం ఘనంగా జరిగింది. ఈ వెడ్డింగ్‌కు దేశంలోని ప్రధాన రాజకీయ, పారిశ్రామిక రంగానికి చెందిన ప్రముఖులు పెద్ద సంఖ్యలో హాజరై నూతన దంపతులను ఆశీర్వదించారు.

వైఎస్ జగన్ మోహన్ రెడ్డి సతీమణి వైఎస్ భారతి, తల్లి వైఎస్ విజయమ్మతో కలిసి ఈ కార్యక్రమానికి విచ్చేశారు.

తమిళనాడు ముఖ్యమంత్రి, టీవీకే అధినేత జోసెఫ్ విజయ్ ప్రత్యేక అతిథిగా హాజరయ్యారు. త్రిష కూడా ఈ పెళ్లికి హాజరయ్యారు.

బీఆర్ఎస్ వర్కింగ్ ప్రెసిడెంట్ కేటీఆర్ దంపతులు నూతన వధూవరులను ఆశీర్వదించేందుకు హాజరయ్యారు. వధూవరుల వద్ద వేదికపై జగన్, విజయ్, కేటీఆర్ ముగ్గురూ ఆప్యాయంగా పలకరించుకోవడమే కాకుండా, ఒకే ఫ్రేమ్‌లో నిలబడి ఫోటోలకు ఫోజులిచ్చారు.

ఈ వేడుకలో ప్రముఖ పారిశ్రామికవేత్త గౌతమ్ అదానీ, ఏపీ కాంగ్రెస్ అధ్యక్షురాలు వైఎస్ షర్మిలతో పాటు పలువురు సినీ నటీనటులు పాల్గొని నూతన దంపతులకు శుభాకాంక్షలు తెలిపారు.

వైఎస్సార్‌సీపీ, టీవీకే, బీఆర్ఎస్ పార్టీల నాయకులు ఒకే చోట ఆప్యాయంగా కలుసుకోవడంతో ఈ ఫోటోలు, వీడియోలు ప్రస్తుతం నెట్టింట హల్‌చల్ చేస్తున్నాయి. అభిమానులు సామాజిక మాధ్యమాల్లో వైరల్ చేస్తున్నారు.