దీపావళి నాడు ఏ దీపాలను వెలిగించాలి? నూనె దీపాలా, నెయ్యి దీపాలా?

దీపావళి నాడు ప్రతి ఒక్కరూ కూడా లక్ష్మీదేవిని ఆరాధిస్తారు. కుటుంబ సమేతంగా దీపావళి పండుగను ఆనందంగా జరుపుకుంటారు. దీపావళి నాడు వినాయకుడిని, లక్ష్మీదేవిని ఆరాధిస్తారు. ఆ సమయంలో కూడా నేతితో దీపారాధన చేస్తే మంచిది. దీపావళికి దీపాలను వెలిగించేటప్పుడు వాటిని నేతితో వెలిగించాలా? లేక నూనెతో వెలిగించాలా?

మరి కొన్ని రోజుల్లో దీపావళి వచ్చేస్తోంది. దీపావళి నాడు ప్రతి ఒక్కరూ కూడా లక్ష్మీదేవిని ఆరాధిస్తారు. కుటుంబ సమేతంగా దీపావళి పండుగను ఆనందంగా జరుపుకుంటారు. దీపావళి అంటే దీపాల పండుగ. దీపావళి నాడు కుటుంబ సమేతంగా దీపాలను వెలిగిస్తారు. ఆ తర్వాత టపాసులు కాలుస్తారు. వివిధ రకాల పిండి వంటలను చేసుకుని సంతోషంగా తింటారు.

దీపావళి 2025 (pinterest)

దీపావళి 2025

ఈ ఏడాది దీపావళి పండుగ అక్టోబర్ 20, సోమవారం నాడు వచ్చింది. ఆ రోజున అందరూ ఇంటిని అందంగా అలంకరించుకుంటారు. దీపాలతో ఇళ్ళు కళకళ్ళాడతాయి. పూజ లేదా ఇంట్లో దీపాలను వెలిగించడానికి సంబంధించిన కొన్ని విషయాలను ఇప్పుడు తెలుసుకుందాం. చాలా మందిలో ఉండే సందేహం ఏంటంటే, దీపావళికి దీపాలను వెలిగించేటప్పుడు వాటిని నేతితో వెలిగించాలా? లేక నూనెతో వెలిగించాలా అని, మరి ఎలా దీపాలను వెలిగిస్తే మంచిదో ఇప్పుడు తెలుసుకుందాం.

నేతి దీపాలు:

భగవంతుని ఆరాధించేటప్పుడు నేతితో దీపారాధన చేస్తే శ్రేష్టమని చెప్తారు. దీపావళి నాడు కూడా నేతితో దీపారాధన చేయొచ్చు. అలా చేయడం వలన సులువుగా భగవంతుని అనుగ్రహాన్ని పొందవచ్చు. దీపావళి నాడు వినాయకుడిని, లక్ష్మీదేవిని ఆరాధిస్తారు. ఆ సమయంలో కూడా నేతితో దీపారాధన చేస్తే మంచిది. అలా చేయడం వలన జీవితంలో ఉన్న సమస్యలు తొలగిపోతాయి.

లక్ష్మీదేవి వస్తుంది

దీపావళి నాడు నేతితో దీపారాధన చేయడం వలన లక్ష్మీదేవి ఇంట్లోకి వస్తుంది, సంతోషం, డబ్బు కలిగి, ఏ బాధ లేకుండా హాయిగా జీవించొచ్చు. వినాయకుడికి నేతితో దీపారాధన చేయడం వలన విజయాలను అందుకోవచ్చు. కాబట్టి దీపావళికి నేతితో దీపారాధన చేయొచ్చు. దీని వలన సానుకూల ఫలితాలను చూస్తారు, ఆర్థిక ఇబ్బందులు తొలగిపోతాయి.

నూనె దీపాలు:

నూనె దీపాలను కూడా దీపావళి నాడు వెలిగించచ్చు. ప్రతి ఇంట్లో కూడా అన్ని మూలల్లో నూనె దీపాలను వెలిగిస్తారు. నేతితో దీపారాధన చేయడం కొంచెం ఖర్చుతో కూడుకున్నది అనుకునే వారు నూనెతో దీపాలను వెలిగించవచ్చు. ఉదయం, సాయంత్రం చాలామంది ఇళ్లల్లో నూనెతో దీపాలను వెలిగిస్తారు. నువ్వుల నూనె, వేరుశెనగ నూనె, ఆవాల నూనె వంటి నూనెలతో దీపారాధన చేయొచ్చు.

పెద్ద వత్తులతో దీపాలను వెలిగిస్తే బాగా కలిసి వస్తుంది

మీరు పూజించే దేవుడిని బట్టి నూనెను వాడండి. ఆవాల నూనెతో దీపారాధన చేస్తే శనిదేవుని అనుగ్రహం కలుగుతుంది. సంపదకు లోటు ఉండదు, ఆర్థిక ఇబ్బందులు తొలగిపోతాయి, ఆనందంగా ఉండొచ్చు. దీపావళి నాడు దీపాలను వెలిగించేటప్పుడు పెద్ద వత్తులతో దీపాలను వెలిగిస్తే బాగా కలిసి వస్తుంది.