ఈరోజు నుంచి ఆషాఢ మాసం మొదలు.. ఈ నెలలో ఎందుకు గోరింటాకు పెట్టుకోవాలి, కోడలు పుట్టింటికి ఎందుకు?

ఆషాఢ మాసంలో శుభకార్యాలు జరపరు. వివాహాలు కూడా ఎట్టి పరిస్థితుల్లో జరపరు. ఆషాడ మాసంలో అత్తా కోడలు ఒకే ఇంట్లో ఉండకూడదని నమ్మకం కూడా ఉంది. ఉత్తరాయణ, దక్షిణాయన కథల ప్రకారం చూసినట్లయితే, శ్రీ మహావిష్ణువు ఆషాడ మాసంలోనే నిద్రలోకి వెళ్తారు.

తెలుగు నెలల్లో నాలుగవది ఆషాడమాసం. ఈ నెలతోనే వర్షఋతువు ప్రారంభమవుతుంది. ఆషాడ మాసంలో శుభకార్యాలు జరపరు. వివాహాలు కూడా ఎట్టి పరిస్థితుల్లో జరపరు. ఆషాడ మాసంలో అత్తా–కోడలు ఒకే ఇంట్లో ఉండకూడదని నమ్మకం కూడా ఉంది.

ఆషాడ మాసం (pinterest)

ఈసారి ఆషాఢ మాసం ఎప్పుడు వచ్చింది?

ఈ సారి ఆషాడ మాసం జూన్ 26, గురువారం ఆషాడ శుక్ల పాడ్యమి నుంచి మొదలవుతుంది. జూలై 24తో ముగుస్తుంది. ఇక ఈ నెలరోజులు పాటు ఏం చేయాలి, ఏం చేయకూడదో తెలుసుకుందాం.

ఆషాడం అంటే ఏంటి?

ఆషాడం అనేది "ఆది" అనే సంస్కృత నుంచి వచ్చింది. "ఆది" అంటే శక్తి అని అర్థం. ఆషాడ మాసంలో దేవతల్ని పూజిస్తే ఎంతో మంచి ఫలితం ఉంటుంది. ఈ మాసంలో చేసే వ్రతాలకు, పూజలకు ఎంతో శుభఫలితాన్ని పొందవచ్చు.

ఆషాడంలోనే మహా విష్ణువు నిద్రలోకి వెళ్తారు

ఉత్తరాయణ, దక్షిణాయన కథల ప్రకారం చూసినట్లయితే, శ్రీ మహావిష్ణువు ఆషాడ మాసంలోనే నిద్రలోకి వెళ్తారు. అందుకనే వివాహంచేసుకున్న దంపతులకు విష్ణు ఆశీస్సులు లభించవని నమ్మకంతో ఆషాడ మాసంలో పెళ్లిళ్లు చేయరు.

కోడలు పుట్టింటికి ఎందుకు?

కొత్తగా వచ్చిన కోడలు కూడా ఆషాడ మాసం వస్తే అత్తవారింట్లో ఉండకూడదు. ఆమెను పుట్టింటికి పంపిస్తారు. ఆషాడ మాసంలో గర్భం దాల్చితే వేసవిలో ప్రసవం అవుతుంది. అలాంటి సమయంలో బిడ్డకు అనారోగ్య సమస్యలు వస్తాయని పూర్వీకులు నమ్మారు. అందుకే భార్యాభర్తల్ని ఈ నెలలో దూరంగా ఉంచడం మొదలుపెట్టారు. ఇప్పటికీ కూడా ఈ సంప్రదాయాన్ని చాలామంది పాటిస్తున్నారు.

ఆషాడ మాసంలో ఎందుకు గోరింటాకు పెట్టుకోవాలి?

ఆషాడ మాసంలో గోరింటాకు పెట్టుకోవడం చాలా మంచిదని అంటారు. ఆషాడ మాసంలో వాతావరణంలో అనేక మార్పులు వస్తాయి. దీంతో అనారోగ్య సమస్యలు రాకుండా ఉండేందుకు గోరింటాకు పెట్టుకునే సంప్రదాయంవచ్చింది.

ఆషాఢ మాసంలో చేసే పూజలు:

1. ఆషాఢ మాసంలో విష్ణువుతో పాటుగా శివుడిని, హనుమంతుడిని, సూర్య భగవానుడిని పూజిస్తే మంచిది.
2. జాతకంలోరాహువు, సూర్యుడు బలహీనంగా ఉంటే, శివుడు, విష్ణువుతో పాటుగా దుర్గాదేవిని ఆరాధిస్తే మంచిది.
3. ఆషాఢ మాసంలో సూర్యుడికి అర్ఘ్యం సమర్పిస్తే శారీరక బాధలు తొలగిపోతాయని కూడా చెప్తారు.
4. ఆషాఢ మాసంలో వచ్చే అమావాస్య నాడు పూర్వీకులను స్మరించుకుంటే మంచి జరుగుతుంది. వారికి తర్పణాలు నిర్వహించాలి.
5. ఆషాఢ మాసంలో దానధర్మాలు చేస్తే కూడా మంచి జరుగుతుంది.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.