ఎన్ని అనుకున్నా, ఏదో ఒక సమస్యతో మనం ఇబ్బంది పడుతూ ఉంటాము. ఎలాంటి సమస్యలు కలగకుండా ఉండాలని అందరూ అనుకుంటారు. అయితే, చాలా మంది ఆర్థిక ఇబ్బందులను ఎదుర్కొంటూ ఉంటారు. ఆర్థిక సమస్యలు లేకుండా సంతోషంగా ఉండాలంటే లక్ష్మీదేవిని పూజించాలి.
మన ఇంట లక్ష్మీదేవికొలువై ఉన్నట్లయితే ఏ ఇబ్బందులు రావు, సంతోషంగా ఉండవచ్చు. లక్ష్మీదేవిని శుక్రవారం నాడు ప్రత్యేకంగా పూజించడం వల్ల ఐశ్వర్యం, సంపద కలుగుతాయి. శుక్రవారం నాడు లక్ష్మీదేవిని ఏ విధంగా ఆరాధించాలో దాని గురించి ముందుగా తెలుసుకుందాం.
శుక్రవారం పూజా విధానం:
- పూజకు ముందు ఇంటిని శుభ్రంగా ఉంచుకోవాలి.
- లక్ష్మీదేవి విగ్రహాన్ని లేదా, చిత్రపటాన్ని పూజ గదిలో పెట్టి దీపం వెలిగించాలి.
- లక్ష్మీదేవికి పూలు సమర్పించి, స్తోత్రాలు చదివి పెట్టాలి.
- ప్రదక్షిణలు చేసి క్షమాపణ చెప్పుకోవాలి.
- పూజచేసేటప్పుడు మనసును ప్రశాంతంగా ఉంచుకోవాలి. ఆవేశం, కోపం ఉండకుండా చూసుకోవాలి.
- పూజ సమయంలో ఇతరులతో అనవసరంగా మాట్లాడడం మంచిది కాదు. శుక్రవారం సాయంత్రం కూడా లక్ష్మీదేవికి హారతి ఇవ్వాలి. ఇలా చేయడం వల్ల లక్ష్మీదేవి అనుగ్రహం కలుగుతుంది.
ఇక ఇది ఇలా ఉంటే, ఈ రోజు ప్రత్యేకమైన రోజు. ఈ రోజు శుక్రవారం, పైగా అష్టమి వచ్చింది. లక్ష్మీదేవి అనుగ్రహం కలగాలని, ఆర్థిక ఇబ్బందుల నుంచి బయటపడాలని ఇలాంటి రోజున ఇలా చేయడం మంచిది. ఈ శ్లోకాన్ని చదువుకుంటే లక్ష్మీదేవి అనుగ్రహంకలిగి సంతోషంగా ఉండవచ్చు. సిరసంపదలు కూడా కలుగుతాయి.
శుక్రవారం+అష్టమి.. లక్ష్మీదేవి అనుగ్రహం కలగాలంటే ఇలా చేయండి
ఈరోజు శుక్రవారం, అష్టమివచ్చింది. లక్ష్మీదేవి అనుగ్రహం కలగాలంటే ఈరోజు ఈ మంత్రాన్ని పఠిస్తే మంచిది. ఈ మంత్రాన్ని పఠించడం వల్ల అఖండ ధన సంపాదన కలిగి, సంతోషంగా ఉండవచ్చు. లక్ష్మీదేవి అనుగ్రహంతో పేదరికం నుంచి కూడా బయటపడవచ్చు. ఆర్థిక ఇబ్బందులు అన్నీ తొలగిపోతాయి.
లక్ష్మీ కాలభైరవ మంత్రం: ఓం నమో కాలభైరవాయ ధనం దేహి సంపత్ దేహి యశో దేహి శ్రీమ్ హీమ్ క్లీం స్వాహా
తులసిమాలతో ఈ మంత్రాన్ని పఠిస్తే మంచి జరుగుతుంది. లక్ష్మీ కాలభైరవ మంత్రాన్ని జపిస్తే ఐశ్వర్యం, రక్షణ, సంపద, శ్రేయస్సు కలుగుతాయి. ఈ రోజున లక్ష్మీదేవిని, కాలభైరవుడిని ఆరాధిస్తే మంచి ఫలితాలు పొందవచ్చు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.