ఈరోజు స్కంద పంచమి+సోమవారం.. రుణ బాధలు, శత్రు బాధలు మొదలు రాహు కేతువు దోషాలను కూడా తగ్గించుకోవచ్చు!
ఈరోజు సుబ్రహ్మణ్య స్వామిని ఆరాధించడం వలన సమస్యలన్నీ తొలగి సంతోషంగా ఉండవచ్చు. ఎలాంటి బాధలు ఉన్నా సరే, ఈరోజు తొలగిపోతాయి. స్కంద పంచమి నాడు ఏం చేయాలి, ఎలాంటి పరిహారాలని పాటిస్తే మంచిది వంటి విషయాలని ఇప్పుడు తెలుసుకుందాం. సంతానం కలగాలంటే కూడా ఈ పరిహారాలను పాటించండి.
ఈరోజు స్కంద పంచమి, సోమవారం. చాలా మంచి రోజు. ఈరోజు సుబ్రహ్మణ్య స్వామిని ఆరాధించడం వలన సమస్యలన్నీ తొలగి సంతోషంగా ఉండవచ్చు. ఎలాంటి బాధలు ఉన్నా సరే, ఈరోజు తొలగిపోతాయి. స్కంద పంచమినాడు ఏం చేయాలి, ఎలాంటి పరిహారాలని పాటిస్తే మంచిది వంటి విషయాలని ఇప్పుడు తెలుసుకుందాం.
సుబ్రహ్మణ్య స్వామికి పంచామృతాలతో అభిషేకం:
ఆషాడమాసంలో వచ్చే ఈ స్కంద పంచమి నాడు సుబ్రహ్మణ్య స్వామిని ఆరాధించడం వలన విశేష ఫలితాలను పొందవచ్చు. ఈరోజు సుబ్రహ్మణ్య స్వామికి పంచామృతాలతో అభిషేకం చేసుకుని 11 సార్లు స్వామి చుట్టూ ప్రదక్షిణలు చేసుకుంటే మంచిది. అలాగే, “ఓం శం శరవణభవాయ నమః” అనే మంత్రాన్ని 108 సార్లు జపిస్తే విశేష ఫలితాలను పొందవచ్చు. చాలా కాలం నుంచి వివాహం కోసం ఎదురుచూస్తున్న వారికే వివాహం అయ్యే అవకాశం ఉంది.
సంతానం కలగాలంటే కూడా ఈ పరిహారాలను పాటించండి. రాహు, కేతువుల వలన కాలసర్ప దోషంతో బాధపడే వారు కూడా ఈ పరిహారాలను పాటించవచ్చు. ఇలా చేయడం వలన దోష ప్రభావం తగ్గుతుంది. ఈ విధంగా పాటించడం వలన ఉద్యోగంలో అభివృద్ధి కూడా కలుగుతుంది.
స్కంద పంచమి నాడు ఇలా సుబ్రహ్మణ్య స్వామిని ఆరాధించవచ్చు:
- ఉదయాన్నే నిద్ర లేచి తలస్నానం చేసి, అరటి దుస్తులు ధరించాలి.
- ఆ తర్వాత సుబ్రహ్మణ్యస్వామిని పూజించాలి.
- సుబ్రహ్మణ్య స్వామికి కొబ్బరికాయ, బెల్లం ముక్కను నైవేద్యంగా పెట్టాలి.
- కుదిరితే, సుబ్రహ్మణ్య స్వామికి బెల్లం పానకాన్ని కూడా సమర్పించండి.
- ఎర్రటి పండ్లను కూడా నైవేద్యంగా పెట్టొచ్చు.
- వీలైతే ఈరోజు మధ్యాహ్నం వరకు ఉపవాసంఉంటే మంచి ఫలితం ఉంటుంది.
- ఈరోజు నవగ్రహాలకు తొమ్మిది సార్లు ప్రదక్షిణలు చేస్తే కూడా మంచి జరుగుతుంది.
- సాయంత్రం మరోసారి స్నానం చేసి దీపారాధన చేయాలి. ఆ తర్వాత ఫలహారం చేయొచ్చు.
ఇలా పైన చెప్పిన విధంగా ఆరాధించడం వలన రుణబాధలు, రణబాధలు, శారీరక బాధలు, వాహన బాధలు, శత్రు పీడలు, అన్ని రకాల చికాకులు తొలగిపోతాయి. ప్రశాంతంగా, సంతోషంగాఉండొచ్చు. ఎలాంటి ఇబ్బందులు ఉన్నా సులువుగా తొలగించుకోవచ్చు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
