Ugadi 2024: తెలుగు సంవత్సరాలకు పేర్లు ఎలా వచ్చాయి? ఒక్కో పేరు వెనుక ఉన్న ఒక్కో అర్థం ఏమిటంటే

Ugadi 2024: ఉగాదితో తెలుగు నూతన సంవత్సరం మొదలవుతుంది. చాంద్రమానం ప్రకారం ఒక్కో సంవత్సరానికి ఒక్కో పేరు ఉంటుంది. వాటి పేర్లు ఏంటి? వాటి అర్థాలు ఏంటో తెలుసుకుందాం.

Ugadi 2024: తెలుగువారి పండుగ ఉగాది. ఈ ఏడాది ఏప్రిల్ 9వ తేదీన ఉగాది పండుగ జరుపుకోనున్నారు . పంచాంగం ప్రకారం ఉగాది నుంచి తెలుగు క్యాలెండర్ కొత్త సంవత్సరం మొదలవుతుంది. ప్రస్తుతం శోభకృత్ నామ సంవత్సరంలో ఉన్నాం. ఏప్రిల్ 9 నుంచి క్రోధి నామ సంవత్సరం ప్రారంభం కాబోతుంది. పంచాంగం ప్రకారం ఒక్కో సంవత్సరానికి ఒక్కో పేరు ఉంటుంది.

తెలుగు సంవత్సరాలు ఎన్ని?

తెలుగు సంవత్సరాల పేర్లు (freepik)

తెలుగు సంవత్సరాలు మొత్తం 60. ప్రభవ నుంచి ప్రారంభమై అక్షయతో ముగుస్తుంది. 60 పూర్తయిన తర్వాత మళ్లీ మొదటి నుంచి సంవత్సరం ప్రారంభం అవుతుంది. 60 సంవత్సరాలకు ఒక్కొక్క పేరు రావడం వెనుక ఒక కథ ఉంది. మొదటి రుతువు వసంతం. మొదటి నెల చైత్ర మాసం. మొదటి తిథి పాడ్యమి. తెలుగు వారికి జనవరి 1 నుంచి కాకుండా ఉగాది నుంచి నూతన సంవత్సరం ప్రారంభమవుతుంది. ఈ పండుగను చాంద్రమానాన్ని అనుసరించి తెలుగు వాళ్ళు నూతన సంవత్సరంగా జరుపుకుంటారు.

మహారాష్ట్రలో ఉగాది పండుగను గుడి పడ్వాగా జరుపుకుంటారు. బెంగాల్, కేరళ, అస్సాం, పంజాబ్ రాష్ట్రాలతో పాటు అనేక ప్రాంతాల్లోను ఈ పండుగ జరుపుకుంటారు. బెంగాలీలు “పోయిలా భైశాఖ్”, సిక్కులు “వైశాఖీ”, మలయాళీలు “విషు” అనే పేరుతో ఉగాది పండుగను జరుపుకుంటారు. మరికొద్ది రోజుల్లో శోభకృత్ నామ సంవత్సరం ముగిసిపోయి క్రోధి నామ సంవత్సరం ప్రారంభమవుతుంది. దీని అర్థం కోపం కలిగించేదని.

తెలుగు సంవత్సరాల పేర్ల వెనుక కథ

తెలుగు సంవత్సరాలకు ఉన్న 60 పేర్లు నారదుడి పిల్లల పేర్లుగా చెప్తారు. ఒకనాడు నారదుడి గర్వాన్ని తగ్గించేందుకు విష్ణువు ఒక మాయ చేస్తాడు. అతడిని మహిళగా తయారుచేస్తాడు. స్త్రీ రూపంలో ఉన్న నారదుడు ఒక రాజుని పెళ్లి చేసుకొని 60 మంది పిల్లలను కన్నాడు. అయితే 60 మంది ఒక యుద్ధంలో చనిపోతారు. తర్వాత విష్ణువు నారదుడి మాయను తొలగించి నీ పుత్రులు తెలుగు సంవత్సరాలుగా వర్ధిల్లుతారని వరమిచ్చారని పురాణాల ప్రకారం చెప్తారు. అలా నారదుడి 60 మంది పిల్లల పేర్లు తెలుగు సంవత్సరాలుగా మనం పిలుస్తున్నాము.