2025 శ్రావణ మాసం ఎప్పుడు మొదలవుతుంది, ఎన్ని శుక్రవారాలు వచ్చాయి? వరలక్ష్మీ వ్రతం తేదీ, శుభ సమయం తెలుసుకోండి!

శ్రావణమాసంలో వచ్చే వ్రతాలు, నోములు, పూజలు చేయడం వలన సంతోషంగా ఉండొచ్చు, సకల సౌభాగ్యాలు కలుగుతాయి. శ్రావణ శుక్రవారం నాడు వరలక్ష్మీ వ్రతం చేయడం కూడా ఆనవాయితీ, ఇది స్త్రీలు ఆచరించే ముఖ్యమైన వ్రతం. శ్రావణమాసం ఎప్పటి నుంచి మొదలవుతోంది, శ్రావణ మాసంలో ఎన్ని శుక్రవారాలు వచ్చాయి వంటి వివరాలు తెలుసుకుందాం.

శ్రావణ మాసానికి ఉన్న విశిష్టత ఇంతా అంతా కాదు. శ్రావణమాసంలో వరలక్ష్మీ వ్రతం, మంగళ గౌరీ వ్రతం వంటి ముఖ్యమైన పూజలు జరుపుకుంటాము. ప్రతి సంవత్సరం జూలై లేదా ఆగస్టులో లక్ష్మీ దేవికి పూజలు చేయడం వలన విశేష ఫలితాలను పొందవచ్చు. శ్రావణమాసంలో వచ్చే వ్రతాలు, నోములు, పూజలు చేయడం వలన సంతోషంగా ఉండొచ్చు, సకల సౌభాగ్యాలు కలుగుతాయి.

వరలక్ష్మీ వ్రతం 2025 (pinterest)

శ్రావణశుక్రవారం నాడు వరలక్ష్మీ వ్రతం చేయడం కూడా ఆనవాయితీ, ఇది స్త్రీలు ఆచరించే ముఖ్యమైన వ్రతం. అలాగే, శ్రావణ మంగళవారం నాడు మంగళ గౌరీ వ్రతాన్ని కూడా పాటిస్తారు. శ్రావణమాసంలో వచ్చే శుక్రవారం నాడు లక్ష్మీదేవిని, శ్రావణమాసంలో వచ్చే మంగళవారాల్లో గౌరీదేవిని ఆరాధించడం వలన సకల సంతోషాలు కలుగుతాయి.

శ్రావణ మాసం

ఆషాఢ మాసంలో కొత్తగా పెళ్లయిన వారు వేరుగా ఉంటారు, శ్రావణమాసంతో వారు కలుస్తారు. పండుగలకు అందాన్ని తెస్తుంది శ్రావణ మాసం. అయితే, ఈసారి శ్రావణమాసం ఎప్పటి నుంచి మొదలవుతోంది, శ్రావణ మాసంలో ఎన్ని శుక్రవారాలు వచ్చాయి, వరలక్ష్మీవ్రతం ఎప్పుడు వచ్చింది, వరలక్ష్మీ వ్రతం ఏ సమయానికి చేయాలి వంటి వివరాలను ఇప్పుడు తెలుసుకుందాం.

శ్రావణ మాసం ఎప్పుడు మొదలవుతుంది?

ఈసారి శ్రావణ మాసం జూలై 25 శుక్రవారం నుంచి మొదలవుతుంది, ఆగస్టు 22 శుక్రవారంతో ముగుస్తుంది.

శ్రావణ శుక్రవారాల పూర్తి వివరాలు

మొదటి శ్రావణ శుక్రవారం జూలై 25న వచ్చింది, తిధి పాడ్యమి, నక్షత్రం పుష్యమి.

రెండవ శ్రావణ శుక్రవారం ఆగస్టు 1, తిధి అష్టమి, నక్షత్రం స్వాతి.

మూడవ శ్రావణ శుక్రవారం ఆగస్టు 8, తిధి చతుర్దశి, నక్షత్రం ఉత్తరాషాఢ.

ఐదవ శ్రావణ శుక్రవారం ఆగస్టు 22, తిధి చతుర్దశి, నక్షత్రం ఆశ్లేష.

వరలక్ష్మీ వ్రతం 2025

ఆగస్టు 8 శ్రావణ మాసంలో వచ్చే మూడవ శుక్రవారం నాడు వరలక్ష్మీ వ్రతాన్ని జరుపుకుంటాము.

రాహుకాలం: ఉదయం 10:46 నుంచి 12:21 వరకు

దుర్ముహూర్తం ఉదయం 8:55 నుంచి 9:24 వరకు

మధ్యాహ్నం 12:45 నుంచి 1:37 వరకు ఉంటుంది

వరలక్ష్మీ వ్రతం శుభ సమయం

ఉదయం 6:30 నుంచి 8:32 వరకు

ఉదయం 9:24 నుంచి 10:46 వరకు

ఉదయం 11:46 నుంచి మధ్యాహ్నం 12:45 వరకు

సాయంత్రం5:25 నుంచి సాయంత్రం 7:25 వరకు

ఐదు శుక్రవారాలు

ఈసారి శ్రావణమాసంలో మొత్తం ఐదు శుక్రవారం వచ్చాయి. సర్వసాధారణంగా శ్రావణమాసంలో వచ్చే రెండవ శుక్రవారం నాడు వరలక్ష్మీ వ్రతం ఆచరించాలి, కానీ ఈసారి మూడవ శుక్రవారం నాడు వరలక్ష్మీ వ్రతాన్ని చేసుకోవాలి. శ్రావణమాసంలో చంద్రుడిని పూజిస్తే మనశ్శాంతి లభిస్తుంది. ఈసారి శ్రావణమాసంలో మంగళవారాలు కూడా ఐదు వచ్చాయి.

గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.