E-Paper
గురు పౌర్ణమి జూలై 10న, 11న? సరైన తేదీ, పూజా సమయంతో పాటు పూర్తి వివరాలు తెలుసుకోండి
గురు పౌర్ణమి నాడు వేదవ్యాసుడు, విష్ణుమూర్తి, లక్ష్మీదేవిని ఆరాధించడం వలన మంచి జరుగుతుంది. గురు పౌర్ణమి నాడు గురువులను ఆరాధించాలి. గురు పౌర్ణమి ఎప్పుడు వచ్చింది అని చాలా మంది సందేహంలో పడ్డారు. గురు పౌర్ణమి తేదీ గురించి, పూజ సమయం గురించి పూర్తి వివరాలు ఇప్పుడు తెలుసుకుందాం.
వేదవ్యాసుడు మహాభారతం, శ్రీమద్భాగవతం, 18 పురాణాలను రచించారు. వేద వ్యాసుడు పూర్ణిమి నాడు జన్మించారు. ప్రపంచంలోనే ఆయనను మొదటి గురువుగా భావిస్తారు. ఆయన జన్మదినాన్ని గురు పౌర్ణమిగా జరుపుకుంటాము. గురు పౌర్ణమి పండుగను ప్రతి సంవత్సరం ఆషాఢ మాసంలో జరుపుకుంటాము. దీనిని వ్యాస పౌర్ణమి, వేదవ్యాస జయంతి అని కూడా అంటారు.
గురు పౌర్ణమి నాడు గురువులను ఆరాధించడం చాలా మంచిది. అదే విధంగా, గురు పౌర్ణమి నాడు పుణ్య నదుల్లో స్నానంచేయడం వలన మంచి ఫలితం ఉంటుంది. గురువులకు కానుకలు ఇవ్వడం, దానధర్మాలు చేయడం కూడా శుభప్రదం.
గురు పౌర్ణమి 2025
గురు పౌర్ణమి ఎప్పుడు వచ్చింది అని చాలా మంది సందేహంలో పడ్డారు. గురు పౌర్ణమి తేదీ గురించి, పూజసమయం గురించి పూర్తి వివరాలు ఇప్పుడు తెలుసుకుందాం. పౌర్ణమి రెండు రోజులు ఉండడం వలన కాస్త తేదీ విషయంలో సందేహం ఉంది. అయితే, గురు పౌర్ణమి జూలై 10న జరుపుకోవాలని పండితులు చెప్తున్నారు.
గురు పౌర్ణమి శుభ ముహూర్తం:
బ్రహ్మ ముహూర్తం ఉదయం 4:00 నుంచి 4:50 వరకు
అభిజిత్ ముహూర్తం ఉదయం 11:59 నుంచి 12:54 వరకు
విజయ ముహూర్తం మధ్యాహ్నం 12:45 నుంచి మధ్యాహ్నం 3:40 వరకు
గురు పౌర్ణమి పూజా విధానం:
గురు పౌర్ణమి నాడు ఈ విధంగా పూజ చేయడం వలన మంచి జరుగుతుంది. ఆ రోజు గురువుకు నమస్కారం చేయాలి. అదే విధంగా విష్ణుమూర్తిని, లక్ష్మీదేవిని కూడా ఆరాధించడం వలన విశేష ఫలితాలను పొందవచ్చు. వీటితో పాటు ఈ శుభదినాన వేదవ్యాసుడిని కూడా ఆరాధిస్తారు.
గురు పౌర్ణమి నాడు వేదవ్యాసుడు, విష్ణుమూర్తి, లక్ష్మీదేవిని ఆరాధించడం వలన మంచి జరుగుతుంది. పండ్లు, పూలు కూడా సమర్పించండి. ధూప, దీప, నైవేద్యాలను పెట్టి వేదవ్యాసుడు, లక్ష్మీదేవి, విష్ణుమూర్తిల అనుగ్రహాన్ని పొందండి. ఈరోజుగురువు పాదాలకు నమస్కారం చేసి ప్రత్యేక ఆశీస్సులు తీసుకోండి. అవసరం అయిన వారికి ఈ రోజు దానధర్మాలు చేస్తే కూడా మంచి జరుగుతుంది.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
