ప్రతిరోజు మన ఇంట్లో దీపారాధన చేయడం వలన ఎంతో మంచి ఫలితాన్ని పొందవచ్చు. అందుకే ప్రతి రోజు ఇంటిని శుభ్రం చేసి, దేవుడి గదిని శుభ్రపరచి, దీపారాధన చేసి, పుష్పాలతో పూజ చేసి, ఆ తర్వాత ధూపం, నైవేద్యం — ఇలా ఎవరికి నచ్చినట్లు వారు రోజూ పూజ చేస్తారు. అయితే, చాలామంది సాలిగ్రామాలను కూడా పూజిస్తారు. ఇంట్లోసాలిగ్రామాలను పెట్టి పూజించడం వలన ఏమవుతుంది? సాలిగ్రామాలను ఆరాధించడం వలన ఎలాంటి ఫలితాన్ని పొందవచ్చు అనే ముఖ్యమైన విషయాలను ఈ రోజు తెలుసుకుందాం.
అసలు ఈ రాళ్లు ఎలా ఉంటాయి? ఎక్కడ దొరుకుతాయి?
నేపాల్లో పవిత్ర గండకీ నదిలో ఈ నలుపు, మృదువైన రాళ్లు కనిపిస్తాయి. శంఖం, చక్రం, గద, పద్మం లాంటి శుభచిహ్నాలు వీటి పై ఉంటాయి. కొన్ని రాళ్లకైతే తెల్లటి వృత్తాకార చారలు ఉంటాయి. దీంతో అవి మరింత ప్రత్యేకంగా కనిపిస్తాయి.
విష్ణువుగా
సాలిగ్రామం విష్ణువుచిహ్నంగా పరిగణిస్తారు. అందుకే వీటిని భక్తితో ఆరాధిస్తారు. పురాణాలలో ఈ రాళ్లు విశ్వరూపంలో ఉన్న శ్రీ నారాయణ స్వరూపంగా చెప్పబడింది.
గ్రంథాలలో సాలిగ్రామం ప్రత్యేకత:
- పద్మ పురాణంప్రకారం చూసినట్లయితే, సాలిగ్రామాలకు పూజ చేసిన వ్యక్తికి కోటి యాగాలు, కోటి గోవులను దానం చేసినంత సమానమైన పుణ్యం కలుగుతుంది.
- సాలిగ్రామాలను స్మరించడం, జపం చేయడం, ధ్యానం చేయడం, పూజించడం వలన పాపాలు తొలగిపోతాయి. సాలిగ్రామం, తులసి రెండు కూర్చిన ప్రదేశంలో భగవంతుడు విష్ణుమూర్తి కొలువై ఉంటాడు. లక్ష్మీదేవి కూడా అక్కడ కొలువై ఉంటుంది. దైవిక శక్తితో ఆ ప్రదేశం నిండి ఉంటుంది.
శివుడు వర్ణించిన సాలిగ్రామ మహిమ:
సాలిగ్రామ మహిమను స్వయంగా శివుడే ప్రస్తావించారు. లక్షలాది తామర పూలతో చేసే పూజ కంటే, సాలిగ్రామాలను పూజించడం వలన ఎన్నో రెట్లు ఎక్కువ పుణ్యఫలాన్ని పొందవచ్చని చెప్పారు. లక్షలాది శివ లింగాలను దర్శించి, పూజించి, స్తుతిస్తే ఎంత పుణ్యంవస్తుందో, సాలిగ్రామాలను పూజించడం వలన అంత పుణ్యాన్ని పొందవచ్చట.
సాలిగ్రామాన్ని నిత్యం పూజించడం వలన వంద రెట్లు పుణ్యఫలం లభిస్తుంది. జీవితంలో శుభ ఫలితాలను ఎదుర్కోవచ్చు. అందుకే ప్రతిరోజు భక్తిశ్రద్ధలతో సాలిగ్రామాలను పూజిస్తారు.
{{/usCountry}}సాలిగ్రామాన్ని నిత్యం పూజించడం వలన వంద రెట్లు పుణ్యఫలం లభిస్తుంది. జీవితంలో శుభ ఫలితాలను ఎదుర్కోవచ్చు. అందుకే ప్రతిరోజు భక్తిశ్రద్ధలతో సాలిగ్రామాలను పూజిస్తారు.
{{/usCountry}}తులసి, శంఖం, సాలిగ్రామాలను పూజించడం వలన ఆనందం, శాంతి, ఆరోగ్యం, ఐశ్వర్యం కలుగుతాయి. ఎక్కడైతే సాలిగ్రామాలను పూజిస్తారో, అక్కడ పుణ్యక్షేత్రంగా మారుతుంది. భగవంతుని అనుగ్రహం ఎల్లప్పుడూ ఉంటుంది.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.