తెలంగాణపై విరుచుకుపడిన మెుంథా.. ఇవాళ కూడా పలు ప్రాంతాల్లో భారీ వర్షాలు!

తెలంగాణపై మెుంథా తుపాను భారీగా ప్రభావం చూపింది. పలు ప్రాంతాలు వర్షాలు, వరదలతో అతలాకుతలం అయ్యాయి. నేడు కూడా భారీ నుంచి అతి భారీ వర్షాలు పడే అవకాశం ఉంది.

ఆంధ్రప్రదేశ్ తీరం వెంబడి తీరం దాటిన మెుంథా తుపాను ప్రభావం కారణంగా తెలంగాణలోని అనేక ప్రాంతాల్లో భారీ వర్షాలు కురిశాయి. ఆకాశానికి చిల్లు పడిందా అన్నట్టుగా బుధవారం చాలా ప్రాంతాల్లో గ్యాప్ లేకుండా వాన పడుతూనే ఉంది. బుధవారం సాయంత్రం వరకూ వర్షం పడుతూనే ఉంది. దీంతో వాగులు వంకల్లో భారీగా వరద నీటి ప్రవాహం కనిపించింది. ఇక పలు జిల్లాల్లో కుండపోత వాన పడింది.

తెలంగాణ వర్షాలు

తెలంగాణ డెవలప్‌మెంట్ ప్లానింగ్ సొసైటీ ప్రకారం, హనుమకొండ జిల్లాలోని భీమదేవరపల్లెలో ఉదయం 8:30 నుండి రాత్రి 9 గంటల మధ్య అత్యధికంగా 41.2 సెం.మీ వర్షపాతం నమోదైంది. తరువాత వరంగల్ జిల్లాలోని కల్లెడ 34.8 సెం.మీ, రెడ్లవాడ 333.3 మి.మీ వర్షపాతం నమోదైంది.

భారత వాతావరణ శాఖ వరంగల్, హనుమకొండ, మహబూబాబాద్, జనగాం, సిద్దిపేట, యాదాద్రి భువనగిరి జిల్లాలకు బుధవారం రాత్రి నుంచి రెడ్ అలర్ట్ జారీ చేసింది. ఇక్కడ భారీ నుండి అతి భారీ వర్షాలు, ఉరుములు, మెరుపులు, గంటకు 50 కి.మీ. వేగంతో ఈదురుగాలులు వీచే అవకాశం ఉందని హెచ్చరించింది.

రాజన్న సిరిసిల్ల, కరీంనగర్‌, ఆదిలాబాద్‌, మంచిర్యాల, నిర్మల్‌, జగిత్యాల, పెద్దపల్లి, జయశంకర్‌ భూపాలపల్లి, సూర్యాపేటతోపాటుగా మరిన్ని జిల్లాల్లో కూడా గట్టిగా వానలు పడనున్నాయి. అక్టోబర్ 30వ తేదీన కూడా ఈ ప్రాంతాల్లో వర్ష ప్రభావం ఉంది. భారీ వర్షాల దృష్ట్యా ఖమ్మం, భద్రాద్రి కొత్తగూడెం, మహబూబాబాద్ జిల్లాల్లోని అన్ని విద్యా సంస్థలకు అధికారులు సెలవు ప్రకటించారు. వీటితోపాటుగా పలు జిల్లాల్లో కూడా సెలవు ఉన్నాయి.

తుపాను కారణంగా భారీ వర్షాలు కురుస్తున్న నేపథ్యంలోముఖ్యమంత్రి రేవంత్ రెడ్డి రాష్ట్ర యంత్రాంగాన్ని అప్రమత్తంగా ఉండాలని ఆదేశించారు. తుపాను ప్రభావాన్ని, పంట నష్టాలను తగ్గించడానికి అవసరమైన అన్ని జాగ్రత్తలు తీసుకోవాలని చెప్పారు. జిల్లా కలెక్టర్ల పర్యవేక్షణలో సమన్వయంతో సహాయ, సహాయ కార్యకలాపాలను చేపట్టాలని ఎస్డీఆర్ఎఫ్, ఎన్డీఆర్ఎఫ్ బృందాలను ఆదేశించారు. రాష్ట్రవ్యాప్తంగా ఉన్న జలాశయాలు, ప్రాజెక్టుల్లో నీటి మట్టాలను నిశితంగా పరిశీలించాలని నీటిపారుదల శాఖకు.