రంగారెడ్డి జిల్లా చేవెళ్ల మండలం మీర్జాగూడ బస్సు ప్రమాదంలో 19 మంది మృతి చెందారు. మృతుల సంఖ్య పెరిగే అవకాశం ఉందని చెబుతున్నారు. మీర్జాగూడ సమీపంలో ఆర్టీసీ బస్సును కంకర లోడుతో వెళ్తున్న లారీ ఢీకొట్టడంతో ఘటన జరిగింది. ఈ ప్రమాదం జరిగిన సమయంలో తాండూరు ఆర్టీసీ డిపోనకు చెందిన బస్సులో 70 మంది ప్రయాణికులు ఉన్నారు.
పటాన్చెరు లక్డారం క్రషర్ నుంచి వికారాబాద్ వైపు వెళ్తోంది లారీ. రహదారిపై గుంతను తప్పించబోయి మీర్జాగూడ సమీపంలో ఆర్టీసీ బస్సును కంకర లారీ కొట్టింది. ఎదురుగా వచ్చి పూర్తిగా ఆర్టీసీ బస్సుపైకి ఒరిగింది. బస్సులోని ప్రయాణికులపై లారీలో ఉన్న కంకర పడింది. దీంతో కంకర కింద ప్రయాణికులు కూరుకుపోయారు. కంకరతో బస్సు నిండడంతో సహాయక చర్యలు కష్టంగా మారాయి. మూడు జేసీబీల సహాయంతో సహాయ చర్యలు కొనసాగిస్తున్నారు.
బస్సుపై కంకరలోడు ఒక్కసారిగా పడిపోవడంతో ప్రమాద తీవ్రత ఎక్కువైంది. అందులో ఉన్న ప్రయాణికులు కంకరలో కూరుకుపోయారు. సమాచారం అందిన వెంటనే పోలీసులు ఘటన స్థలానికి వచ్చి సహాయక చర్యలు చేపట్టారు. హైదరాబాద్-బీజాపూర్ జాతీయరహదారిపై రోడ్డు ప్రమాదం కావడంతో చేవెళ్ల-వికారాబాద్ మార్గంలో భారీగా ట్రాఫిక్ జామ్ అయింది.
ఘటన సమయంలో ప్రయాణికుల ఆర్తనాదాలు ఆ ప్రాంతంలో వాతావరణాన్ని ఒక్కసారిగా మార్చివేశాయి. జేసీబీలతో కంకర తొలగిస్తుంటే మృతదేహాలకు కాళ్లు, చేతులు వీరిగి గుండెను పిండేసేవిగా ఉన్నాయి. కంకరలో కూరుకుపోయిన వారిని బయటకు తీస్తున్నారు. క్షతగాత్రులను చేవెళ్ల ప్రభుత్వాసుపత్రికి తరలించారు. అందులో కొందరి పరిస్థితి విషమంగా ఉంది.
{{/usCountry}}ఘటన సమయంలో ప్రయాణికుల ఆర్తనాదాలు ఆ ప్రాంతంలో వాతావరణాన్ని ఒక్కసారిగా మార్చివేశాయి. జేసీబీలతో కంకర తొలగిస్తుంటే మృతదేహాలకు కాళ్లు, చేతులు వీరిగి గుండెను పిండేసేవిగా ఉన్నాయి. కంకరలో కూరుకుపోయిన వారిని బయటకు తీస్తున్నారు. క్షతగాత్రులను చేవెళ్ల ప్రభుత్వాసుపత్రికి తరలించారు. అందులో కొందరి పరిస్థితి విషమంగా ఉంది.
{{/usCountry}}రంగారెడ్డి ప్రమాద తీవ్రతపై ఎప్పటికప్పుడు సమాచారాన్ని సీఎం రేవంత్ రెడ్డి అడిగి తెలుసుకుంటున్నారు. సీఎం ఆదేశాలతో అన్ని విభాగాల అధికారులను సీఎస్ అలర్ట్ చేశారు. వెంటనే సచివాలయంలో కంట్రోల్ రూమ్ ఏర్పాటు చేశారు. సహాయక చర్యలు పర్యవేక్షించాలని ఆర్టీసీ ఎండీ, రవాణాకమిషనర్, ఫైర్ డీజీకి ఆదేశాలు వెళ్లాయి. సచివాలయంలో కంట్రోల్రూమ్ నంబర్లు 9912919545, 9440854433 ఏర్పాటు చేశారు.
ప్రధాని మోదీ తీవ్ర దిగ్భ్రాంతి
చేవెళ్ల బస్సు ప్రమాద ఘటనపై ప్రధాని మోదీ తీవ్ర దిగ్భ్రాంతి వ్యక్తం చేశారు. మృతుల కుటుంబాలకు ప్రగాఢ సానుభూతి తెలిపారు. క్షతగాత్రులు త్వరగా కోలుకోవాలని ప్రార్థించారు. మృతుల కుటుంబాలకు రూ.2లక్షలు, క్షతగాత్రులకు రూ.50 వేల చొప్పున ఆర్థిక సాయం ప్రకటించారు.