E-Paper
రైల్వే ప్రయాణికులకు అలర్ట్... ఈ తేదీల్లో చర్లపల్లి- గోరఖ్పూర్ వీక్లీ ఎక్స్ప్రెస్ దారి మళ్లింపు!
ఝాన్సీ స్టేషన్లో ట్రాక్ నిర్మాణ పనులు జరుగుతున్నాయి. ఈ నేపథ్యంలో చర్లపల్లి-గోరఖ్పూర్ వీక్లీ ఎక్స్ప్రెస్ రైళ్లను దారి మళ్లిస్తున్నట్లు దక్షిణ మధ్య రైల్వే ప్రకటించింది.
Prefer HTon Google
హైదరాబాద్లోని చర్లపల్లి నుంచి ఉత్తరప్రదేశ్లోని గోరఖ్పూర్ మధ్య ప్రయాణించే రైల్వే ప్రయాణికులకు దక్షిణ మధ్య రైల్వే కీలక అప్డేట్ అందించింది. నార్త్ సెంట్రల్ రైల్వే పరిధిలోని 'విజిఎల్ ఝాన్సీ' (VGL Jhansi) రైల్వే స్టేషన్లో నిర్మాణ పనులు చేపడుతున్నారు. ఫలితంగా ఆ మార్గంలో నడిచే చర్లపల్లి - గోరఖ్పూర్ వీక్లీ ఎక్స్ప్రెస్ రైళ్లను దారి మళ్లించినున్నారు.
నవంబర్, డిసెంబర్ నెలల్లో వేర్వేరు తేదీల్లో బయలుదేరే ఈ సర్వీసులు ప్రత్యామ్నాయ మార్గాల్లో నడుస్తాయని దక్షిణ మధ్య రైల్వే శాఖ విడుదల చేసిన బులెటిన్లో స్పష్టం చేసింది.
చర్లపల్లి – గోరఖ్పూర్ ఎక్స్ప్రెస్ (రైలు నంబరు - 22075) :
- చర్లపల్లి నుంచి గోరఖ్పూర్ వెళ్లే ఈ రైలు 2026 నవంబర్ 20, 27 తేదీలతో పాటు, డిసెంబర్ 4, 11, 18 మరియు 25 తేదీలలో బయలుదేరే సర్వీసులు క్రమబద్ధీకరించిన పాత మార్గానికి బదులుగా ప్రత్యామ్నాయ మార్గంలో వెళ్తాయి.
- ప్రత్యామ్నాయ మార్గం : ఇటార్సి - జబల్పూర్ - హమీర్పూర్ రోడ్ - కాన్పూర్ సెంట్రల్ మీదుగా ఈ రైలు నడుస్తుంది.
గోరఖ్పూర్ – ఛార్లపల్లి ఎక్స్ప్రెస్ (రైలు నంబరు: 22076)
- తిరుగు ప్రయాణంలో గోరఖ్పూర్ నుంచి చర్లపల్లికి వచ్చే ఈ రైలు 2026 నవంబర్ 22, 29 తేదీలతో పాటు, డిసెంబర్ 6, 13, 20 మరియు 27 తేదీల్లో బయలుదేరే సర్వీసులను దారి మళ్లిస్తారు .
- ప్రత్యామ్నాయ మార్గం : కాన్పూర్ సెంట్రల్ - హమీర్పూర్ రోడ్ - జబల్పూర్ - ఇటార్సి మీదుగా ఈ రైలు చర్లపల్లి చేరుకుంటుంది.
ఈ రెండు మార్గాల్లో ప్రయాణించే ప్రయాణికులు మళ్లించిన రూట్ల సమాచారాన్ని, రైళ్ల రాకపోకల సమయాలను గమనించి తమ ప్రయాణ ప్రణాళికలను సిద్ధం చేసుకోవాలని దక్షిణ మధ్య రైల్వే సూచించింది. రైలు వేళలు, ఆగు స్టేషన్ల పూర్తి వివరాల కోసం ప్రయాణికులు ఇండియన్ రైల్వేస్ అధికారిక యాప్ లేదా వెబ్సైట్ను సంప్రదించవచ్చు.
