Telangana SSC Exam Fee Due Dates : తెలంగాణలో పదో తరగతి పబ్లిక్ పరీక్షలకు సిద్ధమవుతున్న విద్యార్థులకు ప్రభుత్వ పరీక్షల విభాగం కీలక అప్డేట్ ఇచ్చింది. మార్చి 2027లో జరగనున్న పదో తరగతి పబ్లిక్ పరీక్షల ఫీజు చెల్లింపు తేదీలను పొడిగించింది.

తాజా ఆదేశాల మేరకు….. రెగ్యూలర్ విద్యార్థులతో పాటు గతంలో ఫెయిల్ అయిన అభ్యర్థులు ట్రెజరీ ఆన్లైన్ ఇంటిగ్రేషన్ ద్వారా ఫీజు చెల్లించేందుకు ఈ సవరించిన తేదీలు వర్తిస్తాయి. పాఠశాలల ప్రధానోపాధ్యాయులు, ప్రిన్సిపాల్స్ తక్షణమే ఈ విషయాన్ని విద్యార్థులందరికీ తెలియజేయాలని అధికారులు ఆదేశించారు.
ఆలస్య రుసుము లేకుండా :
- విద్యార్థులు తమ పాఠశాల హెచ్ఎంకు ఫీజు చెల్లించే గడువు - 30-10-2026 నుంచి 26-11-2026 వరకు.
- హెచ్ఎంలు సైబర్ ట్రెజరీ ద్వారా ఆన్లైన్లో ఫీజు జమ చేసే తేదీలు - 04-11-2026 నుంచి 27-11-2026 వరకు.
- హెచ్ఎంలు విద్యార్థుల వివరాలను డీఈఓ (DEO)కు ఆన్లైన్లో సమర్పించే గడువు - 30-11-2026 వరకు.
రూ.50 ఆలస్య రుసుముతో:
- విద్యార్థులు హెచ్ఎంకు ఫీజు చెల్లించే గడువు - 28-11-2026 నుంచి 08-12-2026 వరకు.
- హెచ్ఎంలు ఆన్లైన్లో ఫీజు చెల్లించే తేదీ - 09-12-2026 వరకు.
- డీఈఓకు విద్యార్థుల డేటా సమర్పించే గడువు - 11-12-2026 వరకు.
రూ.200 ఆలస్య రుసుముతో:
- విద్యార్థులు హెచ్ఎంకు ఫీజు చెల్లించే గడువు : 10-12-2026 నుంచి 21-12-2026 వరకు.
- హెచ్ఎంలు ఆన్లైన్లో ఫీజు చెల్లించే తేదీ: 22-12-2026 వరకు.
- డీఈఓకు విద్యార్థుల డేటా సమర్పించే గడువు: 28-12-2026 వరకు.
రూ.500 ఆలస్య రుసుముతో అయితే విద్యార్థులు 23-12-2026 నుంచి 04-01-2027 వరకు హెచ్ఎంకు ఫీజు చెల్లించునేందుకు అవకాశం ఉంటుంది. ఈ గడువు పొడిగింపు అవకాశాన్ని మిగిలిన విద్యార్థులు సద్వినియోగం చేసుకోవాలని అధికారులు సూచించారు.
పరీక్ష ఫీజు ఎంత చెల్లించాలి….?
- రెగ్యులర్ (అన్ని సబ్జెక్టులకు) : రూ.125 మూడు సబ్జెక్టుల వరకు (ఫెయిల్ అయిన వారికి): రూ.110
- మూడు కంటే ఎక్కువ సబ్జెక్టులకు : రూ.125
- ఒకేషనల్ విద్యార్థులకు : రెగ్యులర్ పరీక్ష ఫీజు రూ.125 తో పాటు అదనంగా రూ.60 చెల్లించాలి.
రూ.500 ఆలస్య రుసుముతో అయితే విద్యార్థులు 23-12-2026 నుంచి 04-01-2027 వరకు హెచ్ఎంకు ఫీజు చెల్లించునేందుకు అవకాశం ఉంటుంది. ఈ గడువు పొడిగింపు అవకాశాన్ని మిగిలిన విద్యార్థులు సద్వినియోగం చేసుకోవాలని అధికారులు సూచించారు.
పరీక్ష ఫీజు ఎంత చెల్లించాలి….?
- రెగ్యులర్ (అన్ని సబ్జెక్టులకు) : రూ.125 మూడు సబ్జెక్టుల వరకు (ఫెయిల్ అయిన వారికి): రూ.110
- మూడు కంటే ఎక్కువ సబ్జెక్టులకు : రూ.125
- ఒకేషనల్ విద్యార్థులకు : రెగ్యులర్ పరీక్ష ఫీజు రూ.125 తో పాటు అదనంగా రూ.60 చెల్లించాలి.
పరీక్ష ఫీజు చెల్లింపు గడువును ఎట్టి పరిస్థితుల్లోనూ మరోసారి పొడిగించబోమని విద్యాశాఖ స్పష్టం చేసింది. హెచ్ఎంలు చివరి తేదీ వరకు వేచి చూడకుండా ముందే ఫీజులు చెల్లించాలి. అధికారిక వెబ్సైట్ www.bse.telangana.gov.in లోని స్కూల్ లాగిన్ ద్వారా సైబర్ ట్రెజరీ ఆన్లైన్ ఇంటిగ్రేషన్ పద్ధతిలో మాత్రమే ఫీజు కట్టాలి. IFMIS పోర్టల్ చలాన్లు లేదా మాన్యువల్ బ్యాంక్ చలాన్లను ఎట్టి పరిస్థితుల్లోనూ అనుమతించరు.