హైదరాబాద్‌లో భారీ వర్షం.. రహదారులు జలమయం, ట్రాఫిక్ ఇబ్బందులు!

హైదరాబాద్‌లోని పలు ప్రాంతాల్లో భారీ వర్షం పడింది. దీంతో లోతట్టు ప్రాంతాలు జలమయం అయ్యాయి. ఉరుములు, మెరుపులతో కూడిన వర్షం పడింది. చాలా మంది ఆఫీసుల నుంచి తిరిగివచ్చే సమయం కావడంతో ట్రాఫిక్‌లో ఇబ్బందులు ఎదుర్కొన్నారు. పలు ప్రాంతాల్లో ట్రాఫిక్ స్తంభించిపోయింది. వాహనదారులు ఇబ్బందులు పడ్డారు.

హైదరాబాద్‌లోని పలు ప్రాంతాల్లో భారీ వర్షం పడింది. దీంతో లోతట్టు ప్రాంతాలు జలమయం అయ్యాయి. ఉరుములు, మెరుపులతో కూడిన వర్షం పడింది. చాలా మంది ఆఫీసుల నుంచి తిరిగివచ్చే సమయం కావడంతో ట్రాఫిక్‌లో ఇబ్బందులు ఎదుర్కొన్నారు. పలు ప్రాంతాల్లో ట్రాఫిక్ స్తంభించిపోయింది. వాహనదారులు ఇబ్బందులు పడ్డారు.

హైదరాబాద్‌లో వర్షం

జోడిమెట్ల, నారపల్లి, ఉప్పల్‌, పంజాగుట్ట, జూబ్లిహిల్స్, ఫిలింనగర్, యూసఫ్ గూడ, బోరబండ, ఖైరతాబాద్, సికింద్రాబాద్, బేగంపేట, ముషిరాబాద్, లింగంపల్లి, గచ్చిబౌలి, కూకట్‌పల్లి, మూసాపేట, ఎర్రగడ్డ, అమీర్‌పేట, కుత్బూల్లాపుర్, బహదూర్‌పల్లి, జీడిమెట్ల, లింగంపల్లి, కూకట్‌పల్లి తదితర ప్రాంతాల్లో వర్షం పడింది. దీంతో జీహెచ్‌ఎంసీ అధికారులు అప్రమత్తమయ్యారు. ప్రజలు జాగ్రత్తగా ఉండాలని హెచ్చరించారు. రాబోయే కొన్ని గంటల్లో పలు ప్రాంతాల్లో భారీ వర్షాలు కురిసే అవకాశం ఉంది.

తెలంగాణలోని పలు జిల్లాల్లో కూడా వర్షం పడుతోంది. రాబోయే మూడు రోజుల కూడా తెలంగాణలో వర్షాలు పడనున్నాయి. సోమవారం రాష్ట్రంలో తేలికపాటి నుంచి మోస్తరు వర్షాలు పడే అవకాశం ఉంది. మంగళవారం హైదరాబాద్, వరంగల్, ఖమ్మం, నల్గొండ లాంటి జిల్లాల్లో ఉరుములు, మెరుపులతో కూడిన వానలు పడనున్నాయి.

ఉరుములు, మెరుపులతో కూడిన వర్షాలు పడే అవకాశం ఉందని, చెట్ల కింద లేదా బహిరంగ ప్రదేశాల్లో నిలబడకూడదని వాతావరణ శాఖ అధికారులు సూచించారు. బహిరంగ ప్రదేశాల్లో పనిచేసేవారు జాగ్రత్తగా ఉండాలని తెలిపారు. ఈరోజు ఉదయం నిజామాబాద్‌తోపాటుగా మరికొన్ని ప్రాంతాల్లో తీవ్రమైన ఉరుములు, మెరుపులతో కూడిన వర్షాలు కురిశాయి. కామారెడ్డి, రాజన్న సిరిసిల్ల, మెదక్, సిద్దిపేట జిల్లాల్లో కూడా కొన్ని ప్రాంతాల్లో వాన పడింది.