రైలు ప్రయాణికులకు భారతీయ రైల్వే వేగం, సౌలభ్యం దిశగా మరో తీపి కబురు అందించింది. నిర్ణీత ఉచిత పరిమితికి మించి లగేజ్ (సామాన్లు) తీసుకెళ్లే ప్రయాణికులు ఇకపై పార్సిల్ ఆఫీసుల చుట్టూ తిరగాల్సిన అవసరం లేదు. టికెట్ బుక్ చేసుకునే సమయంలోనే ఆన్లైన్ ద్వారానే అదనపు లగేజ్ బుకింగ్ చేసుకునే కొత్త వెసులుబాటును అందుబాటులోకి తెస్తున్నారు.
రైల్వే బోర్డు తీసుకున్న ఈ కీలక నిర్ణయంతో జులై 31 నుంచి ఆన్లైన్ టికెట్ రిజర్వేషన్ సిస్టమ్లోనే ఎక్సెస్ లగేజ్ బుకింగ్ ఆప్షన్ కనిపిస్తుంది. ప్రయాణికులు తమ రిజర్వుడు కంపార్ట్మెంట్లలోకి అనుమతించదగిన గరిష్ట పరిమితికి లోబడి ఈ సౌకర్యాన్ని వినియోగించుకోవచ్చు.
ఏ క్లాస్లో ఎంత లగేజ్ ఉచితం?
రైల్వే నిబంధనల ప్రకారం ప్రయాణికుల క్లాస్ను బట్టి ఉచిత లగేజ్ పరిమితి, గరిష్ట పరిమితి వేర్వేరుగా ఉంటాయి. ఏసీ ఫస్ట్ క్లాస్ 70 కేజీల వరకు ఉచితం. అదనపు రుసుము చెల్లించి గరిష్టంగా 150 కేజీల వరకు తీసుకెళ్లవచ్చు. ఫస్ట్ క్లాస్ / ఏసీ 2-టైర్ 50 కేజీల వరకు ఉచితం. గరిష్టంగా 100 కేజీల వరకు అనుమతి. స్లీపర్ క్లాస్ 40 కేజీల వరకు ఉచితం. గరిష్టంగా 80 కేజీల వరకు తీసుకెళ్లవచ్చు.
సెకండ్ క్లాస్ / జనరల్ 35 కేజీల వరకు ఉచితం. గరిష్టంగా 70 కేజీల వరకు అనుమతి. ఏసీ 3-టైర్ అండ్ ఏసీ చైర్ కార్ 40 కేజీల వరకు ఉచితం. అయితే ఈ క్లాసుల్లో ఉచిత పరిమితి, గరిష్ట పరిమితి ఒకటే (40 కేజీలు) కావడం వల్ల, అదనపు లగేజ్ బుకింగ్కు అనుమతి ఉండదు.
అదనపు లగేజ్ ఛార్జీలు, జరిమానాలు
ఉచిత పరిమితికి మించి లగేజ్ తీసుకెళ్లేవారు సాధారణ లగేజ్ రేటు కంటే 1.5 రెట్లు (ఒకటిన్నర రేట్లు) అదనపు రుసుము చెల్లించాల్సి ఉంటుంది. ప్రయాణ సమయంలో లేదా గమ్యస్థానానికి చేరుకున్న తర్వాత ఎలాంటి బుకింగ్ లేని లగేజ్ లేదా పాక్షికంగా బుక్ చేసిన లగేజ్ గుర్తిస్తే రైల్వే అధికారులు భారీ జరిమానా విధిస్తారు.
లగేజ్ సైజు నిబంధనలు
{{/usCountry}}ఉచిత పరిమితికి మించి లగేజ్ తీసుకెళ్లేవారు సాధారణ లగేజ్ రేటు కంటే 1.5 రెట్లు (ఒకటిన్నర రేట్లు) అదనపు రుసుము చెల్లించాల్సి ఉంటుంది. ప్రయాణ సమయంలో లేదా గమ్యస్థానానికి చేరుకున్న తర్వాత ఎలాంటి బుకింగ్ లేని లగేజ్ లేదా పాక్షికంగా బుక్ చేసిన లగేజ్ గుర్తిస్తే రైల్వే అధికారులు భారీ జరిమానా విధిస్తారు.
లగేజ్ సైజు నిబంధనలు
{{/usCountry}}కంపార్ట్మెంట్లోకి తీసుకెళ్లే లగేజ్ పరిమాణంపై కూడా రైల్వే అధికారులు స్పష్టమైన కొలతలను నిర్దేశించారు. ఏసీ చైర్ కార్ అండ్ ఏసీ 3-టైర్ లగేజ్ సైజు గరిష్టంగా 55 సెం.మీ x 45 సెం.మీ x 22.5 సెం.మీ మించకూడదు. ఏసీ ఫస్ట్ క్లాస్, ఏసీ 2-టైర్, స్లీపర్ & జనరల్ క్లాస్: లగేజ్ సైజు గరిష్టంగా 100 సెం.మీ x 60 సెం.మీ x 25 సెం.మీ వరకు ఉండవచ్చు. నిర్ణీత సైజు కంటే పెద్దవిగా ఉన్న లగేజ్ను ప్రయాణికుల కంపార్ట్మెంట్లోకి అనుమతించరు. వీటిని తప్పనిసరిగా రైలులోని లగేజ్ వ్యాన్/పార్సిల్ వ్యాన్లో బుక్ చేయాల్సి ఉంటుంది.
పార్సిల్ వ్యాన్ లగేజ్ నిబంధనలు
ఒకవేళ గృహోపకరణాలు లేదా భారీ సరుకులను పార్సిల్ వ్యాన్ ద్వారా పంపాలనుకుంటే. ఏసీ / ఫస్ట్ క్లాస్ టికెట్ దారులు 500 కేజీల గృహేతర సరుకులు, 1,000 కేజీల గృహోపకరణాలు బుక్ చేయవచ్చు. నాన్-ఏసీ క్లాస్ టికెట్ దారులు 300 కేజీల గృహేతర సరుకులు, 500 కేజీల గృహోపకరణాలు బుక్ చేసుకోవచ్చు. లగేజ్ ఛార్జీలు ప్రయాణించే దూరం, రైలు రకం, సరుకు బరువు ఆధారంగా నిర్ణయిస్తారు. కనీస ఛార్జీ రూ.30గా ఉంటుంది. వీటిని కనీసం 50 కిలోమీటర్ల దూరం, 10 కేజీల స్లాబ్ల ఆధారంగా లెక్కిస్తారు.