RGUKT Basara Counselling 2026 : రాష్ట్రంలోని ప్రతిష్ఠాత్మక విద్యాసంస్థ బాసర ట్రిపుల్ ఐటీ (RGUKT Basar) లో ప్రవేశాల కోసం ఎదురుచూస్తున్న విద్యార్థులకు కీలక అప్డేట్ వచ్చేసింది. 2026-27 విద్యా సంవత్సరానికి గానూ అండర్ గ్రాడ్యుయేట్ (UG) కోర్సుల్లో ప్రవేశానికి తాత్కాలికంగా ఎంపికైన (Provisionally Selected) అభ్యర్థుల కౌన్సెలింగ్ షెడ్యూల్ విడుదలైంది.
అర్హులైన అభ్యర్థులు తమకు కేటాయించిన తేదీల్లో కౌన్సెలింగ్ కేంద్రానికి హాజరుకావాలని వర్సిటీ యాజమాన్యం స్పష్టం చేసింది. మొత్తం మూడు రోజుల పాటు ఈ కౌన్సెలింగ్ ప్రక్రియ కొనసాగనుంది. ఎంపికైన అభ్యర్థుల సీరియల్ నంబర్ల(ర్యాంకులు) ఆధారంగా కౌన్సెలింగ్ తేదీలను విభజించారు.
బాసర ట్రిపుల్ ఐటీ కౌన్సెలింగ్ 2026 : తేదీలు
- మొదటి రోజు (05-06-2026 ): ప్రవేశాల జాబితాలో సీరియల్ నంబర్ 1 నుంచి 564 వరకు స్థానం సంపాదించుకున్న అభ్యర్థులు జూన్ 5వ తేదీన కౌన్సెలింగ్కు హాజరుకావాలి.
- రెండో రోజు (06-06-2026) : సీరియల్ నంబర్ 565 నుండి 1128 వరకు ఉన్న అభ్యర్థులకు జూన్ 6వ తేదీన కౌన్సెలింగ్ నిర్వహిస్తారు.
- మూడో రోజు (08-06-2026 ): చివరి రోజున అంటే జూన్ 8వ తేదీన సీరియల్ నంబర్ 1129 నుంచి 1691 వరకు ఉన్న మిగిలిన విద్యార్థులందరికీ కౌన్సెలింగ్ ప్రక్రియ పూర్తి చేస్తారు. జూన్ 7వ తేదీ ఆదివారం కావడంతో ఆ రోజు కౌన్సెలింగ్ ఉండదు.
మొదటి విడత కింద సీటు దక్కించుకున్న విద్యార్థులకు బాసర క్యాంపస్లో సర్టిఫికేట్ వెరిఫికేషన్ (కౌన్సెలింగ్) నిర్వహిస్తారు. కౌన్సెలింగ్కు వచ్చే విద్యార్థులు, తల్లిదండ్రులు ఎలాంటి ఇబ్బందులు పడకుండా ఉండేందుకు వీలుగా అధికారులు కొన్ని ముఖ్యమైన మార్గదర్శకాలను జారీ చేశారు. అభ్యర్థులు తమకు కేటాయించిన షెడ్యూల్ ప్రకారం నిర్ణీత రోజున మాత్రమే క్యాంపస్లో రిపోర్ట్ చేయాల్సి ఉంటుంది.
సర్టిఫికెట్ వెరిఫికేషన్ ప్రక్రియ కోసం విద్యార్థులు తమ అన్ని ఒరిజినల్ విద్యా అర్హత ధ్రువపత్రాలతో పాటు తగినన్ని జిరాక్స్ కాపీలను కూడా సిద్ధం చేసుకొని రావాలి. ప్రవేశాలకు సంబంధించిన తదుపరి మార్గదర్శకాలు, అదనపు సమాచారాన్ని విద్యార్థులు ఎప్పటికప్పుడు తెలుసుకోవడానికి వీలుగా యూనివర్సిటీ అధికారిక వెబ్సైట్ www.rgukt.ac.in ను సందర్శించాలని అధికారులు సూచించారు.
{{/usCountry}}సర్టిఫికెట్ వెరిఫికేషన్ ప్రక్రియ కోసం విద్యార్థులు తమ అన్ని ఒరిజినల్ విద్యా అర్హత ధ్రువపత్రాలతో పాటు తగినన్ని జిరాక్స్ కాపీలను కూడా సిద్ధం చేసుకొని రావాలి. ప్రవేశాలకు సంబంధించిన తదుపరి మార్గదర్శకాలు, అదనపు సమాచారాన్ని విద్యార్థులు ఎప్పటికప్పుడు తెలుసుకోవడానికి వీలుగా యూనివర్సిటీ అధికారిక వెబ్సైట్ www.rgukt.ac.in ను సందర్శించాలని అధికారులు సూచించారు.
{{/usCountry}}విడతల వారీగా సీట్లను భర్తీ చేస్తారు. విద్యార్థులు సాధించిన టెన్త్ మార్కుల ఆధారంగానే ఈ ప్రక్రియను పూర్తి చేస్తారు. అధికారులు కేటాయించిన తేదీల్లో కౌన్సెలింగ్కు హాజరుకాని అభ్యర్థులు తమ సీటును కోల్పోతారు. ఆ ఖాళీలను తదుపరి విడత (Second Phase) కౌన్సెలింగ్ ద్వారా భర్తీ చేస్తారు. బాసరలోని 1650 సీట్లు మాత్రమే కాకుండా… మహబూబ్నగర్ లోని ఐఐఐటీ క్యాంపస్ లో 180 సీట్లు అందుబాటులో ఉన్నాయి. https://www.rgukt.ac.in/admissions2026.html లింక్ పై క్లిక్ చేసి ఎంపికైన వారి వివరాలను చెక్ చేసుకోవచ్చు.