అమెరికాలో జరిగిన రోడ్డు ప్రమాదంలో మహబూబాబాద్ జిల్లా వాసి మృతి చెందారు. ఉద్యోగం ముగించుకుని ఇంటికి తిరిగి వెళ్తున్న క్రమంలో జరిగిన ప్రమాదంలో దారం సుప్రియ (31) అక్కడికక్కడే కన్నుమూశారు. ఈ విషాద ఘటనతో ఆమె స్వగ్రామంలోని తల్లిదండ్రులు, బంధువులు శోకసంద్రంలో మునిగిపోయారు.
ప్రాథమిక సమాచారం ప్రకారం.... మహబూబాబాద్ జిల్లా మర్రిపెడ మండలానికి చెందిన దారం సుప్రియ (31) అమెరికాలోని మిస్సోరీ రాష్ట్రంలో నివాసముంటున్నారు. స్థానిక సెయింట్ లూయిస్‌లోని ఒక రెస్టారెంట్‌లో ఉద్యోగం చేస్తున్న ఆమె…. ఆదివారం అర్ధరాత్రి దాటిన తర్వాత పనులు ముగించుకుని తన స్నేహితురాలితో కలిసి కారులో ఇంటికి తిరుగుపయనమయ్యారు.
సరిగ్గా ఆదివారం వేకువజామున 2:20 గంటల సమయంలో వీరు ప్రయాణిస్తున్న కారును వెనుక నుంచి వచ్చిన ఒక వేగవంతమైన ట్రక్కు బలంగా ఢీకొట్టింది. ఈ భయానక ప్రమాదంలో తీవ్రంగా గాయపడిన సుప్రియ ఘటనా స్థలంలోనే ప్రాణాలు కోల్పోయారు. ఆమెతో పాటు కారులో ప్రయాణిస్తున్న సూర్యాపేట జిల్లా కోదాడకు చెందిన మరో తెలుగు యువతికి తీవ్ర గాయాలయ్యాయి.
స్థానికులు వెంటనే స్పందించి సమాచారం అందించడంతో హుటాహుటిన సంఘటనా స్థలానికి చేరుకున్న అత్యవసర వైద్య సిబ్బంది, గాయపడిన యువతిని సమీప ఆసుపత్రికి తరలించి అత్యవసర చికిత్స అందిస్తున్నారు.
మృతురాలు సుప్రియకు ఐదేళ్ల క్రితం సాఫ్ట్‌వేర్ ఇంజినీర్‌‌గా పనిచేస్తున్న కొడుమూరి రంజిత్‌తో వివాహమైంది. ఉద్యోగ రీత్యా కొన్నేళ్లుగా మిస్సోరీలోనే స్థిరపడిన ఈ దంపతులకు రెండున్నరేళ్ల బాబు ఉన్నాడు. కంటికి రెప్పలా చూసుకోవాల్సిన చిన్నారితో సంతోషంగా సాగుతున్న వారి జీవితంలో ఈ ప్రమాదం తీరని శోకాన్ని మిగిల్చింది.
సుప్రియ మరణవార్త వినగానే మర్రిపెడలోని ఆమె నివాసంలో రోదనలు మిన్నంటాయి. కళ్లముందే నూరేళ్ల భవిష్యత్తు ఉన్న కుమార్తె ఆకస్మికంగా దూరమవడాన్ని తల్లిదండ్రులు, బంధువులు తట్టుకోలేకపోతున్నారు. తమ కుమార్తె పార్థివ దేహాన్ని స్వగ్రామానికి రప్పించి, చివరి చూపు చూసుకునేందుకు వీలుగా తుది సంస్కారాలు నిర్వహించడానికి కేంద్ర, తెలంగాణ ప్రభుత్వాలు తక్షణమే చొరవ చూపి సహాయం అందించాలని సుప్రియ తండ్రి దారంతోటి శ్రీనివాస్ కన్నీరుమున్నీరుగా వేడుకుంటున్నారు.
{{/usCountry}}సుప్రియ మరణవార్త వినగానే మర్రిపెడలోని ఆమె నివాసంలో రోదనలు మిన్నంటాయి. కళ్లముందే నూరేళ్ల భవిష్యత్తు ఉన్న కుమార్తె ఆకస్మికంగా దూరమవడాన్ని తల్లిదండ్రులు, బంధువులు తట్టుకోలేకపోతున్నారు. తమ కుమార్తె పార్థివ దేహాన్ని స్వగ్రామానికి రప్పించి, చివరి చూపు చూసుకునేందుకు వీలుగా తుది సంస్కారాలు నిర్వహించడానికి కేంద్ర, తెలంగాణ ప్రభుత్వాలు తక్షణమే చొరవ చూపి సహాయం అందించాలని సుప్రియ తండ్రి దారంతోటి శ్రీనివాస్ కన్నీరుమున్నీరుగా వేడుకుంటున్నారు.
{{/usCountry}}