కామారెడ్డి జిల్లా బాన్సువాడ మండలంలో దారుణం వెలుగు చూసింది. తీవ్ర కలకలం రేపిన గుమ్మడి కాశీరాం మిస్టరీ మృతి కేసును బాన్సువాడ పోలీసులు ఛేదించారు. అనుమానాస్పద మృతిగా నమోదైన ఈ వ్యవహారం.. భార్యే తన ఇద్దరు ప్రియుళ్లతో కలసి చేసిన పక్కా ప్రణాళికాబద్ధమైన హత్య అని విచారణలో తేలింది. ఈ దారుణానికి ఒడిగట్టిన ముగ్గురు నిందితులను పోలీసులు అరెస్ట్ చేసి రిమాండ్ కు తరలించారు.
వివాహేతర సంబంధానికి అడ్డుగా ఉన్నాడని…
వివరాల్లోకి వెళ్తే.. బాన్సువాడ మండలం హన్మాజీపేట గ్రామానికి చెందిన చాకలి అలియాస్ గుమ్మడి కాశీరాం (26) రోజువారీ కూలీగా పనిచేస్తూ జీవనం సాగిస్తున్నాడు. కాశీరాంకు సవిత (25)తో వివాహమైంది. అయితే…. సవితకు అదే గ్రామానికి చెందిన దినసరి కూలీ చింతకింద రాము (26), ట్రాక్టర్ డ్రైవర్‌గా పనిచేస్తున్న పసుపుల సంతోష్ (25) అనే ఇద్దరు వ్యక్తులతో వివాహేతర సంబంధాలు ఉన్నాయి.
ఈ క్రమంలో తమ బంధానికి భర్త కాశీరాం తీవ్ర అడ్డంకిగా మారాడని భావించిన సవిత…. ఎలాగైనా అతడిని అంతమొందించాలని ప్లాన్ వేసింది. ఈ కుట్రలో రాము, సంతోష్‌లను భాగస్వాములను చేసింది. ముందస్తు పథకం ప్రకారం.. అక్టోబర్ 23 రాత్రి వేళ కాశీరాంను మద్యం తాగుదామని చెప్పి బయటకు తీసుకెళ్లారు. కాశీరాంకు అధికంగా మద్యం తాగించి నిషాలోకి జారిన తర్వాత…. సంతోష్ అతడి చేతులను గట్టిగా పట్టుకోగా, రాము నైలాన్ తాడుతో కాశీరాం మెడ బిగించి ఊపిరాడకుండా చేసి హత్య చేశాడు.
అనంతరం, ఇది ప్రమాదవశాత్తూ జరిగిన మరణంగా చిత్రీకరించి సాక్ష్యాలను తుడిచిపెట్టేందుకు, మృతదేహాన్ని హన్మాజీపేట శివార్లలోని పంచేర చెరువు (పచేర చెరువు)లో పడేసి అక్కడ నుంచి పరారయ్యారు.అక్టోబర్ 23 రాత్రి చెరువులో కాశీరాం మృతదేహం లభ్యమవడంతో, అతడి తండ్రి చాకలి భూమయ్య ఇచ్చిన ఫిర్యాదు మేరకు బాన్సువాడ పోలీసులు మొదట అనుమానాస్పద మృతిగా కేసు నమోదు చేశారు.
ఘటనా స్థలంలో సేకరించిన ఆధారాలు, ప్రాథమిక పోస్ట్మార్టం నివేదిక ఆధారంగా ఇది హత్యేనని పోలీసులు నిర్ధారించారు. కేసును భారతీయ న్యాయ సంహిత (BNS) సెక్షన్ 103 (హత్య) కిందకు మార్చి విచారణను వేగవంతం చేశారు.సాంకేతిక ఆధారాలు, ప్రత్యక్ష సాక్షుల వాంగ్మూలాల ఆధారంగా దర్యాప్తు జరిపిన పోలీసులు, విశ్వసనీయ సమాచారంతో అక్టోబర్ 30న హన్మాజీపేట గ్రామంలోనే ఉన్న నిందితులు చింతకింద రాము, పసుపుల సంతోష్, గుమ్మడి సవితలను అదుపులోకి తీసుకున్నారు.
{{/usCountry}}ఘటనా స్థలంలో సేకరించిన ఆధారాలు, ప్రాథమిక పోస్ట్మార్టం నివేదిక ఆధారంగా ఇది హత్యేనని పోలీసులు నిర్ధారించారు. కేసును భారతీయ న్యాయ సంహిత (BNS) సెక్షన్ 103 (హత్య) కిందకు మార్చి విచారణను వేగవంతం చేశారు.సాంకేతిక ఆధారాలు, ప్రత్యక్ష సాక్షుల వాంగ్మూలాల ఆధారంగా దర్యాప్తు జరిపిన పోలీసులు, విశ్వసనీయ సమాచారంతో అక్టోబర్ 30న హన్మాజీపేట గ్రామంలోనే ఉన్న నిందితులు చింతకింద రాము, పసుపుల సంతోష్, గుమ్మడి సవితలను అదుపులోకి తీసుకున్నారు.
{{/usCountry}}పోలీసుల విచారణలో నిందితులు తాము చేసిన నేరాన్ని అంగీకరించారు.నిందితుల నుంచి నేరానికి ఉపయోగించిన నైలాన్ తాడు, మొబైల్ ఫోన్లు, ఇతర సాక్ష్యాలను పోలీసులు స్వాధీనం చేసుకున్నారు. నిందితులపై కేసు నమోదు చేసి, న్యాయస్థానం ముందు హాజరుపరిచి జ్యూడీషియల్ రిమాండ్‌కు తరలించినట్లు బాన్సువాడ పోలీసులు తెలిపారు.