పీఎం ఈ-బస్ సేవా పథకం కింద ఏపీలోని 11 నగరాలకు కేంద్ర ప్రభుత్వం 750 ఎలక్ట్రిక్ బస్సులను మంజూరు చేసిన విషయం తెలిసిందే. వీటి నిర్వహణ కోసం ఈవీ ఛార్జింగ్ పాయింట్ల విస్తృత నెట్వర్క్ను ఏర్పాటు చేసేందుకు ఆంధ్రప్రదేశ్ ప్రభుత్వం కార్యాచరణ ప్రణాళికను రూపొందిస్తోంది. 11 నగరాల్లో తిరగనున్న 750 ఈ-బస్సులను రీఛార్జ్ చేసేందుకు, ఏపీఎస్ఆర్టీసీ తన 12 డిపోలలో ఈవీ ఛార్జింగ్ పాయింట్లను ఏర్పాటు చేయడానికి విద్యుత్, సివిల్ పనులను చేపడుతోంది.
మూడు నెలల్లోగా ఆంధ్రప్రదేశ్లో 750 ఎలక్ట్రిక్ బస్సులన్నీ నడుస్తాయని మేం ఆశిస్తున్నామని ఏపీఎస్ఆర్టీసీ ఎగ్జిక్యూటివ్ డైరెక్టర్ (ఆపరేషన్స్) ఎ. అప్పల రాజు అన్నారు.
విశాఖపట్నం, విజయవాడ, గుంటూరు, నెల్లూరు నగరాలకు 100, కాకినాడ, రాజమహేంద్రవరం, అమరావతి, కడప, తిరుపతి, కర్నూలు, అనంతపురం నగరాలకు 50 చొప్పున ఈ-బస్సులు కేటాయించారు.
సాధారణ నియమం ప్రకారం ఐదు ఈ-బస్సులను రీఛార్జ్ చేయడానికి ఒక ఈవీ ఛార్జర్ అవసరం. దీనికి అనుగుణంగా ఆర్టీసీ అధికారులు 11 నగరాల్లో, వాటి పరిసర ప్రాంతాల్లోని తమ డిపోలలో ఈవీ ఛార్జర్లను ఏర్పాటు చేస్తున్నారు.
ఒక ఈ-బస్సును పూర్తిగా ఛార్జ్ చేయడానికి సుమారు నాలుగు గంటల సమయం పడుతుందని అధికారులు చెబుతున్నారు. ఒకసారి ఛార్జ్ అయిన తర్వాత ఈ-బస్సు 180–200 కిలోమీటర్ల వరకు నడుస్తుందని అంచనా. ఎలక్ట్రిక్ బస్సులను నడిపే డ్రైవర్లకు ఒక స్పష్టమైన సూచన ఇస్తున్నారు. అదేమిటంటే వారి డాష్బోర్డ్లో ఛార్జ్ స్థాయి ఎంత ఉన్నప్పటికీ, బస్సు 170 కిలోమీటర్లు ప్రయాణించిన తర్వాత దానిని ఛార్జింగ్ కోసం వారి వారి డిపోలకు తప్పనిసరిగా తీసుకెళ్లాలి. ఛార్జింగ్ లేకపోవడం వల్ల ఏ ఈ-బస్సు కూడా రోడ్డుపై ఆగిపోకుండా ఉండేందుకు ఈ చర్య తీసుకుంటున్నారు.
ఈ-బస్సులను ఛార్జ్ చేయడానికి రెండు పద్ధతులు ఉన్నాయి. ఒకటి నెమ్మదైన పద్ధతి, ఇది బ్యాటరీకి ఎక్కువ మన్నికను ఇస్తుంది. మరొకటి వేగవంతమైన ఛార్జింగ్ పద్ధతి. బస్సును 45 నిమిషాలు రీఛార్జ్ చేస్తే అది 110 కిలోమీటర్ల వరకు ప్రయాణించగలదు. కానీ ఇలా చేయడం వల్ల బ్యాటరీ మన్నిక తగ్గుతుందని అధికారులు చెబుతున్నారు.
{{/usCountry}}ఈ-బస్సులను ఛార్జ్ చేయడానికి రెండు పద్ధతులు ఉన్నాయి. ఒకటి నెమ్మదైన పద్ధతి, ఇది బ్యాటరీకి ఎక్కువ మన్నికను ఇస్తుంది. మరొకటి వేగవంతమైన ఛార్జింగ్ పద్ధతి. బస్సును 45 నిమిషాలు రీఛార్జ్ చేస్తే అది 110 కిలోమీటర్ల వరకు ప్రయాణించగలదు. కానీ ఇలా చేయడం వల్ల బ్యాటరీ మన్నిక తగ్గుతుందని అధికారులు చెబుతున్నారు.
{{/usCountry}}ముఖ్యంగా ఛార్జింగ్ స్టేషన్లలో సివిల్ పనులు చేపట్టడానికి కేంద్ర ప్రభుత్వం 60 శాతం ఆర్థిక సహాయం అందిస్తోంది. హెచ్టీ లైన్లు వేయడం, ఈవీ ఛార్జర్లను ఏర్పాటు చేయడం వంటి విద్యుత్ పనులకు కేంద్రం అందించే ఆర్థిక సహాయం 100 శాతంగా ఉంటుంది.