AP RGUKT IIIT Counselling 2026 : రాష్ట్రంలోని ట్రిపుల్ ఐటీ (IIIT) కాలేజీల్లో ప్రవేశాల కోసం ఎదురుచూస్తున్న విద్యార్థులకు కీలక అప్డేట్ వచ్చేసింది. రాజీవ్ గాంధీ యూనివర్సిటీ ఆఫ్ నాలెడ్జ్ టెక్నాలజీస్ (RGUKT) నాలుగు క్యాంపస్లలో (నూజివీడు, ఆర్కే వ్యాలీ, ఒంగోలు, శ్రీకాకుళం) ఆరేళ్ల ఇంటిగ్రేటెడ్ బి.టెక్ కోర్సులో సీట్లు పొందిన విద్యార్థుల కోసం సర్టిఫికేట్ వెరిఫికేషన్ (కౌన్సెలింగ్) షెడ్యూల్ను అధికారులు ప్రకటించారు.
ప్రాథమికంగా ఎంపిక జాబితాలో స్థానం సంపాదించుకున్న అభ్యర్థులు తమకు కేటాయించిన తేదీల్లో నిర్దేశిత కేంద్రాలకు హాజరై ధ్రువపత్రాల పరిశీలన పూర్తి చేసుకోవాల్సి ఉంటుంది. ఎంపికైన అభ్యర్థులు స్వయంగా కౌన్సెలింగ్కు హాజరుకావాల్సి ఉంటుందని, ఒకరి బదులు మరొకరు హాజరైతే సీటు కేటాయించరని అధికారులు స్పష్టం చేశారు.
సర్టిఫికెట్ వెరిఫికేషన్ షెడ్యూల్ :
నూజివీడు క్యాంపస్
- నూజివీడు క్యాంపస్కు ఎంపికైన విద్యార్థులకు జూన్ 19, జూన్ 20 తేదీల్లో ధ్రువపత్రాల పరిశీలన నిర్వహిస్తారు.
- వేదిక: ఆర్జీయూకేటీ-నూజివీడు క్యాంపస్, ఏలూరు జిల్లా.
ఆర్కే వ్యాలీ క్యాంపస్ (ఇడుపులపాయ)
- ఆర్కే వ్యాలీ క్యాంపస్కు ఎంపికైన అభ్యర్థులకు జూన్ 19, జూన్ 20 తేదీల్లో కౌన్సెలింగ్ జరుగుతుంది.
- వేదిక: ఆర్జీయూకేటీ-ఆర్కే వ్యాలీ క్యాంపస్, ఇడుపులపాయ, వైఎస్ఆర్ కడప జిల్లా.
ఒంగోలు క్యాంపస్
- ఒంగోలు క్యాంపస్కు సీట్లు పొందిన విద్యార్థులు కూడా ఇడుపులపాయ క్యాంపస్లోనే కౌన్సెలింగ్కు హాజరుకావాల్సి ఉంటుంది. వీరికి జూన్ 22, జూన్ 23 తేదీల్లో వెరిఫికేషన్ నిర్వహిస్తారు.
- వేదిక: ఆర్జీయూకేటీ-ఆర్కే వ్యాలీ క్యాంపస్, ఇడుపులపాయ, వైఎస్ఆర్ కడప జిల్లా.
శ్రీకాకుళం క్యాంపస్
- శ్రీకాకుళం క్యాంపస్కు ఎంపికైన విద్యార్థులకు జూన్ 23, జూన్ 24 తేదీల్లో ధ్రువపత్రాల పరిశీలన ప్రక్రియ జరుగుతుంది.
- వేదిక: ఆర్జీయూకేటీ-శ్రీకాకుళం క్యాంపస్, ఎచ్చెర్ల.
విద్యార్థులు కౌన్సెలింగ్ సమయానికి తమ ఒరిజినల్ సర్టిఫికేట్లతో పాటు నిర్దేశిత సంఖ్యలో జిరాక్స్ కాపీల సెట్లను, పాస్పోర్ట్ సైజ్ ఫొటోలను సిద్ధం చేసుకోవాలని యూనివర్సిటీ వర్గాలు సూచించాయి. పూర్తి వివరాల కోసం అభ్యర్థులు అధికారిక వెబ్సైట్ admissions.rgukt.in సందర్శించవచ్చు.
ఏపీ ట్రిపుల్ ఐటీ ప్రవేశాలు - ఇలా చెక్ చేసుకోండి:
అభ్యర్థులు తమ ప్రొవిజనల్ సెలక్షన్ వివరాలను ఆర్జీయూకేటీ అధికారిక వెబ్సైట్లోకి ( http://rgukt.in ) వెళ్లి పరిశీలించుకోవచ్చు. వెబ్సైట్లో విద్యార్థులు తమ అప్లికేషన్ నంబర్ను నమోదు చేయడం ద్వారా ఫలితాలను తెలుసుకునే వీలుంటుంది.
{{/usCountry}}అభ్యర్థులు తమ ప్రొవిజనల్ సెలక్షన్ వివరాలను ఆర్జీయూకేటీ అధికారిక వెబ్సైట్లోకి ( http://rgukt.in ) వెళ్లి పరిశీలించుకోవచ్చు. వెబ్సైట్లో విద్యార్థులు తమ అప్లికేషన్ నంబర్ను నమోదు చేయడం ద్వారా ఫలితాలను తెలుసుకునే వీలుంటుంది.
{{/usCountry}}డిజిటల్ సేవలను మరింత సులభతరం చేస్తూ ఈసారి వాట్సాప్ (WhatsApp) ద్వారా కూడా ఫలితాలను చెక్ చేసుకునే వినూత్న సదుపాయాన్ని అధికారులు కల్పించారు. దీనికోసం విద్యార్థులు 9552300009 నంబర్కు వాట్సప్ మెసేజ్ పంపి, అందులో 'ఎడ్యుకేషన్ సర్వీసెస్' విభాగాన్ని ఎంచుకోవాలి. ఆ తర్వాత 'ఆర్జీయూకేటీ అడ్మిషన్స్ 2026 రిజల్ట్స్' (RGUKT Admissions 2026 Results) ఆప్షన్పై క్లిక్ చేసి, తమ అప్లికేషన్ నంబర్ ఎంటర్ చేస్తే ఫలితాలు స్క్రీన్పై కనిపిస్తాయి.
మరోవైపు ఎంపికైన అభ్యర్థులకు కొత్త విద్యా సంవత్సరం తరగతుల నిర్వహణపై ఆర్జీయూకేటీ స్పష్టత ఇచ్చింది. ట్రిపుల్ ఐటీ క్యాంపస్లలో కొత్త బ్యాచ్ (పీయూసీ-1) తరగతులు జులై 1 నుంచి ప్రారంభం కానున్నాయి. గత విద్యా సంవత్సరంలో జులై 15 నుంచి తరగతులు మొదలుకాగా… ఈసారి విద్యార్థులకు నష్టం జరగకుండా 15 రోజుల ముందుగానే క్లాసులు స్టార్ట్ చేయాలని నిర్ణయించారు.