AP Telangana Weather Updates 2026 :తెలుగు రాష్ట్రాల ప్రజలకు వాతావరణ శాఖ కీలక హెచ్చరికలు జారీ చేసింది. నైరుతి రుతుపవనాల ప్రభావంతో ఆంధ్రప్రదేశ్, తెలంగాణ రాష్ట్రాల్లో రాబోయే ఐదు రోజుల పాటు వాతావరణం వేగంగా మారనుంది. పలు జిల్లాల్లో తేలికపాటి నుండి మోస్తరు వర్షాలు కురిసే అవకాశం ఉండగా…. వర్షాల కంటే ఈదురు గాలుల తీవ్రత అత్యధికంగా ఉంటుందని హైదరాబాద్, అమరావతి వాతావరణ కేంద్రాలు వేర్వురు ప్రకటనల ద్వారా వెల్లడించాయి.
ఏపీలోని కోస్తాంధ్రా తీరప్రాంతాల్లో వాతావరణం పూర్తిగా చల్లబడింది. పలు ప్రాంతాల్లో ఉరుములు, మెరుపులతో కూడిన జల్లులు కొన్ని చోట్ల పడే అవకాశం ఉంది. ఒకటి లేదా రెండు చోట్ల పిడుగులు పడే ప్రమాదం కూడా పొంచి ఉంది. ఇక్కడ గంటకు 40 నుండి 50 కిలోమీటర్ల వేగంతో ఈదురు గాలులు వీస్తాయి.
- దక్షిణ కోస్తాలో చూస్తే ఒకటి రెండు రోజులు తేలికపాటి నుంచి మోస్తరు వర్షాలు పడతాయి. ఆకాశం సాధారణంగా మేఘావృతమై ఉంటుంది. బలమైన ఈదురు గాలులు ప్రజలను ఇబ్బంది పెట్టే అవకాశం ఉంది.
- ఇక రాయలసీమలో ఇవాళ, రేపు కొన్నిచోట్ల తేలికపాటి నుంచి ఒక మోస్తారు వర్షాలు పడే సూచనలున్నాయి. కొన్ని ప్రాంతాల్లో బలమైన ఈదురుగాలులు వీచే సూచనలున్నాయని అమరావతి వాతావరణ కేంద్రం పేర్కొంది.
తెలంగాణకు రెయిన్ అలర్ట్ :
తెలంగాణ ప్రజలకు హైదరాబాద్ వాతావరణ కేంద్రం కీలక సూచనలు చేసింది. పలు ప్రాంతాల్లో తేలికపాటి నుండి మోస్తరు వర్షాలు కురిసే అవకాశం ఉందని పేర్కొంది. వర్షాలతో పాటు రాష్ట్రంలోని పలు జిల్లాల్లో తీవ్రమైన ఈదురు గాలులు వీస్తాయని అంచనా వేసింది.
రాష్ట్రంలోని పలు ప్రాంతాల్లో అక్కడక్కడా తేలికపాటి నుండి మోస్తరు వర్షాలు కురిసే అవకాశం ఉంది. ఉమ్మడి ఆదిలాబాద్, కరీంనగర్, వరంగల్, ఖమ్మం పరిధిలోని జిల్లాలపై గాలుల ప్రభావం తీవ్రంగా ఉండనుంది. ముఖ్యంగా ఆదిలాబాద్, కొమురంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం జిల్లాల్లో గంటకు 50 నుండి 60 కిలోమీటర్ల వేగంతో బలమైన ఉపరితల గాలులు వీచే అవకాశం ఉందని వాతావరణ కేంద్రం హెచ్చరించింది. రాష్ట్రంలోని మిగిలిన జిల్లాల్లో గంటకు 40 నుండి 50 కిలోమీటర్ల వేగంతో ఈదురు గాలులు వీస్తాయి.
- జూలై 9న రాష్ట్రవ్యాప్తంగా అక్కడక్కడా తేలికపాటి నుంచి మోస్తరు వర్షాలు పడే అవకాశం ఉంది. గాలుల తీవ్రత కొద్దిగా తగ్గినప్పటికీ, తెలంగాణలోని అన్ని జిల్లాల్లో గంటకు 40 నుండి 50 కిలోమీటర్ల వేగంతో బలమైన ఉపరితల గాలులు వీస్తాయని అధికారులు తెలిపారు.
- జూలై 10వ తేదీన అక్కడక్కడా గంటకు 40 నుండి 50 కిలోమీటర్ల వేగంతో ఈదురు గాలులు వీచే అవకాశం ఉంది. జూలై 11 ఉదయం తర్వాత కూడా రాష్ట్రంలో తేలికపాటి నుండి మోస్తరు వర్షాలు అక్కడక్కడా కురుస్తాయని వాతావరణ కేంద్రం పేర్కొంది.
రాష్ట్రంలోని పలు ప్రాంతాల్లో అక్కడక్కడా తేలికపాటి నుండి మోస్తరు వర్షాలు కురిసే అవకాశం ఉంది. ఉమ్మడి ఆదిలాబాద్, కరీంనగర్, వరంగల్, ఖమ్మం పరిధిలోని జిల్లాలపై గాలుల ప్రభావం తీవ్రంగా ఉండనుంది. ముఖ్యంగా ఆదిలాబాద్, కొమురంభీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం జిల్లాల్లో గంటకు 50 నుండి 60 కిలోమీటర్ల వేగంతో బలమైన ఉపరితల గాలులు వీచే అవకాశం ఉందని వాతావరణ కేంద్రం హెచ్చరించింది. రాష్ట్రంలోని మిగిలిన జిల్లాల్లో గంటకు 40 నుండి 50 కిలోమీటర్ల వేగంతో ఈదురు గాలులు వీస్తాయి.
- జూలై 9న రాష్ట్రవ్యాప్తంగా అక్కడక్కడా తేలికపాటి నుంచి మోస్తరు వర్షాలు పడే అవకాశం ఉంది. గాలుల తీవ్రత కొద్దిగా తగ్గినప్పటికీ, తెలంగాణలోని అన్ని జిల్లాల్లో గంటకు 40 నుండి 50 కిలోమీటర్ల వేగంతో బలమైన ఉపరితల గాలులు వీస్తాయని అధికారులు తెలిపారు.
- జూలై 10వ తేదీన అక్కడక్కడా గంటకు 40 నుండి 50 కిలోమీటర్ల వేగంతో ఈదురు గాలులు వీచే అవకాశం ఉంది. జూలై 11 ఉదయం తర్వాత కూడా రాష్ట్రంలో తేలికపాటి నుండి మోస్తరు వర్షాలు అక్కడక్కడా కురుస్తాయని వాతావరణ కేంద్రం పేర్కొంది.
బలమైన ఈదురు గాలులు వీచే అవకాశం ఉన్నందున పాత భవనాలు, చెట్ల కింద, విద్యుత్ స్తంభాల వద్ద ఉండరాదని అధికారులు సూచించారు. ముఖ్యంగా రైతులు పంట ఉత్పత్తుల విషయంలో తగిన జాగ్రత్తలు తీసుకోవాలని…. గాలుల తీవ్రత వల్ల చెట్లు లేదా కొమ్మలు విరిగిపడే ప్రమాదం ఉందని హెచ్చరించారు.