AP KGBV Recruitment 2026 : ఆంధ్రప్రదేశ్ పాఠశాల విద్యాశాఖ పరిధిలోని టైప్-III కేజీబీవీలలో ఖాళీగా ఉన్న పోస్టుల భర్తీకి నోటిఫికేషన్ జారీ అయింది. ఒప్పంద ప్రాతిపదికన భర్తీ చేసేందుకు మహిళా అభ్యర్థుల నుంచి ఆన్లైన్ దరఖాస్తులను ఆహ్వానిస్తున్నారు. 2026-27 విద్యా సంవత్సరానికి గాను ఈ నియామకాలు జరగనున్నాయి.
తూర్పు గోదావరి, డాక్టర్ బి.ఆర్.అంబేడ్కర్ కోనసీమ, పశ్చిమ గోదావరి, కృష్ణా మరియు గుంటూరు జిల్లాలు మినహా, రాష్ట్రవ్యాప్తంగా కొత్తగా ఏర్పడిన జిల్లాలను ఒక యూనిట్గా తీసుకుని మిగిలిన 352 కేజీబీవీలలో ఈ పోస్టులను భర్తీ చేయనున్నారు.
ఖాళీల వివరాలు :
మొత్తం 299 బోధనా సిబ్బంది (Teaching Staff) పోస్టుల భర్తీకి ఈ నోటిఫికేషన్ విడుదల చేశారు. పోస్టుల వారీగా ఖాళీల వివరాలు కింది విధంగా ఉన్నాయి:
1. ప్రిన్సిపల్ (Principal): 16 పోస్టులు
2. పోస్ట్ గ్రాడ్యుయేట్ టీచర్స్ (PGT): 98 పోస్టులు
3. కాంట్రాక్ట్ రెసిడెన్షియల్ టీచర్స్ (CRT): 133 పోస్టులు
4. ఫిజికల్ ఎడ్యుకేషన్ టీచర్స్ (PET): 52 పోస్టులు
అభ్యర్థులు పోస్టులను అనుసరించి సంబంధిత సబ్జెక్టులలో ఇంటర్మీడియట్, యూజీడీపీఈడీ/బీపీఈడీ/ఎంపీఈడీ లేదా కనీసం 50 శాతం మార్కులతో డిగ్రీ, పీజీ, బీఈడీ ఉత్తీర్ణత సాధించి ఉండాలి (ఎస్సీ/ఎస్టీ/బీసీ/దివ్యాంగులకు మార్కులలో సడలింపు ఉంటుంది).
- ప్రిన్సిపల్, సీఆర్టీ (అన్ని సబ్జెక్టులు), పీజీటీ (జనరల్ సబ్జెక్టులు) పోస్టులకు దరఖాస్తు చేసుకునే అభ్యర్థులు ఏపీ టెట్ (APTET) లో ఖచ్చితంగా అర్హత సాధించి ఉండాలి. పీఈటీ మరియు పీజీటీ వోకేషనల్ పోస్టులకు టెట్ అర్హత అవసరం లేదు.
- కేజీబీవీలలో ఆంగ్ల మాధ్యమంలోనే బోధన సాగుతుంది. అందువల్ల అభ్యర్థులకు ఇంగ్లీష్ మీడియంలో బోధించే సామర్థ్యం ఉండాలి. డిగ్రీ వరకు ఒక సబ్జెక్టుగా ఇంగ్లీష్ చదివి ఉండాలి.
- 01-07-2025 నాటికి అభ్యర్థుల కనీస వయస్సు 18 ఏళ్లు నిండి ఉండాలి. 45 ఏళ్లు దాటకూడదు. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు గరిష్ఠ వయోపరిమితి 50 ఏళ్లుగాను, దివ్యాంగులకు 52 ఏళ్లుగాను నిర్ణయించారు.
- గౌరవ వేతనం (నెలకు): ప్రిన్సిపల్ పోస్టుకు: రూ.34,139
- పీజీటీ, సీఆర్టీ, పీఈటీ పోస్టులకు: రూ.26,759
అప్లికేషన్ ప్రాసెస్….
అర్హులైన మహిళా అభ్యర్థులు నిర్ణీత షెడ్యూల్ ప్రకారం కేవలం ఆన్లైన్ ( http://kgbvrecruitment.apcfss.in) ద్వారానే దరఖాస్తు చేసుకోవాల్సి ఉంటుంది. దరఖాస్తు రుసుము, ప్రాసెసింగ్ ఛార్జీల కింద రూ.300 ఆన్లైన్ పేమెంట్ గేట్వే ద్వారా చెల్లించాలి.
{{/usCountry}}అర్హులైన మహిళా అభ్యర్థులు నిర్ణీత షెడ్యూల్ ప్రకారం కేవలం ఆన్లైన్ ( http://kgbvrecruitment.apcfss.in) ద్వారానే దరఖాస్తు చేసుకోవాల్సి ఉంటుంది. దరఖాస్తు రుసుము, ప్రాసెసింగ్ ఛార్జీల కింద రూ.300 ఆన్లైన్ పేమెంట్ గేట్వే ద్వారా చెల్లించాలి.
{{/usCountry}}ఈ పోస్టుల భర్తీకి ఎలాంటి రాతపరీక్ష ఉండదు. అభ్యర్థులు తమ అకడమిక్ మరియు ప్రొఫెషనల్ కోర్సులలో (SSC, ఇంటర్, డిగ్రీ, పీజీ, బీఈడీ తదితర) సాధించిన మార్కుల వెయిటేజీ ఆధారంగా మొత్తం 100 మార్కులకు మెరిట్ జాబితాను రూపొందిస్తారు. ఆ తర్వాత రాష్ట్ర కార్యాలయం నుంచి అభ్యర్థుల వివరాలను 1:3 నిష్పత్తిలో సర్టిఫికేట్ వెరిఫికేషన్ కోసం జిల్లా స్థాయి ఎంపిక కమిటీ (కలెక్టర్ ఆధ్వర్యంలో) కి పంపుతారు. సర్టిఫికేట్ల పరిశీలన పూర్తయిన తర్వాత పారదర్శకంగా తుది జాబితాను ప్రకటించి నియామక ఉత్తర్వులు జారీ చేస్తారు.
- ఆన్లైన్ దరఖాస్తులకు ఆఖరి తేదీ: 05.06.2026
- సర్టిఫికేట్ వెరిఫికేషన్: 09.06.2026
- తుది మెరిట్ జాబితా ప్రదర్శన: 16.06.2026
- నియామక ఉత్తర్వుల జారీ : 18.06.2026
- రిపోర్టింగ్ తేదీ : 20.06.2026
- అధికారిక వెబ్ సైట్ - http://kgbvrecruitment.apcfss.in