Sainik School Admission 2027 : దేశవ్యాప్తంగా ఉన్న సైనిక పాఠశాలల్లో 6వ తరగతి, 9వ తరగతి ప్రవేశాల కోసం నిర్వహించే అఖిల భారత సైనిక పాఠశాలల ప్రవేశ పరీక్ష (AISSEE - 2027) రిజిస్ట్రేషన్ ప్రక్రియ ప్రారంభమైంది. ఆసక్తి, అర్హత కలిగిన విద్యార్థుల తల్లిదండ్రులు అధికారిక పోర్టల్ ద్వారా ఆన్‌లైన్‌లో తమ దరఖాస్తులను సమర్పించవచ్చు.
ముఖ్యమైన తేదీలు
సైనిక్ పాఠశాలల ప్రవేశ పరీక్షకు సంబంధించి నేషనల్ టెస్టింగ్ ఏజెన్సీ షెడ్యూల్‌ను విడుదల చేసింది.
- ప్రవేశ పరీక్ష తేదీ: 2027 జనవరి 31న ఈ పరీక్షను నిర్వహిస్తారు.
- దరఖాస్తు ముగింపు తేదీ: అభ్యర్థులు 2026 డిసెంబర్ 3 వరకు సాధారణ రుసుముతో దరఖాస్తు చేసుకోవచ్చు.
- ఆలస్య రుసుముతో గడువు : అదనపు రుసుముతో దరఖాస్తు రుసుము చెల్లించడానికి 2026 డిసెంబర్ 6 వరకు అవకాశం కల్పించారు.
- దరఖాస్తుల సవరణ (కరెక్షన్ విండో) : దరఖాస్తులో ఏవైనా పొరపాట్లు ఉంటే సరిచేసుకోవడానికి 2026 డిసెంబర్ 7 నుంచి డిసెంబర్ 9 వరకు కరెక్షన్ విండో అందుబాటులో ఉంటుంది.
- ఎగ్జామ్ సిటీ స్లిప్ : అభ్యర్థులకు పరీక్ష కేటాయించిన నగరాల వివరాలను (ఎగ్జామ్ సిటీ స్లిప్) 2027 జనవరి 11న వెల్లడిస్తారు.
- అడ్మిట్ కార్డ్‌లు : దరఖాస్తుదారులు తమ హాల్ టికెట్లను 2027 జనవరి 25 నుండి డౌన్‌లోడ్ చేసుకోవచ్చు.
2027 జనవరి 31న నిర్వహించే ఈ ప్రవేశ పరీక్షను ఓఎంఆర్ (OMR) ఆధారిత పెన్-అండ్-పేపర్ విధానంలో నిర్వహిస్తారు. 6వ తరగతి ప్రవేశ పరీక్షను మధ్యాహ్నం 2:00 గంటల నుండి సాయంత్రం 4:30 గంటల వరకు (మొత్తం 2:30 గంటలు) జరుగుతుంది. ఇక 9వ తరగతి ప్రవేశ పరీక్ష మధ్యాహ్నం 2:00 గంటల నుండి సాయంత్రం 5:00 గంటల వరకు (మొత్తం 3:00 గంటలు) కొనసాగుతుంది.
6వ తరగతి పరీక్ష విధానం : 6వ తరగతి దరఖాస్తుదారులకు మొత్తం 125 ప్రశ్నలు ఇస్తారు. వీటిని 300 మార్కులకు మూల్యాంకనం చేస్తారు. ప్రశ్నాపత్రంలో నాలుగు విభాగాలు ఉంటాయి:
- లాంగ్వేజ్ (భాష)
- మ్యాథమెటిక్స్ (గణితం)
- ఇంటెలిజెన్స్ (సామర్థ్య పరీక్ష)
- జనరల్ నాలెడ్జ్ (సాధారణ పరిజ్ఞానం)
6వ తరగతి పరీక్ష విధానం : 6వ తరగతి దరఖాస్తుదారులకు మొత్తం 125 ప్రశ్నలు ఇస్తారు. వీటిని 300 మార్కులకు మూల్యాంకనం చేస్తారు. ప్రశ్నాపత్రంలో నాలుగు విభాగాలు ఉంటాయి:
- లాంగ్వేజ్ (భాష)
- మ్యాథమెటిక్స్ (గణితం)
- ఇంటెలిజెన్స్ (సామర్థ్య పరీక్ష)
- జనరల్ నాలెడ్జ్ (సాధారణ పరిజ్ఞానం)
9వ తరగతి పరీక్ష విధానం : 9వ తరగతి ప్రవేశాల కోసం 150 ప్రశ్నలతో కూడిన పరీక్షను నిర్వహిస్తారు. మొత్తం మార్కులు 400. ఇందులో ఐదు విభాగాలు ఉంటాయి:
- మ్యాథమెటిక్స్ (గణితం)
- ఇంటెలిజెన్స్ (సామర్థ్య పరీక్ష)
- ఇంగ్లీష్ (ఆంగ్లం)
- జనరల్ సైన్స్ (సాధారణ శాస్త్రం)
- సోషల్ సైన్స్ (సామాజిక శాస్త్రం)
సైనిక పాఠశాలల్లో 6, 9 తరగతుల్లో చేరాలనుకునే విద్యార్థులు కింద పేర్కొన్న సులభమైన దశలను అనుసరించి ఆన్‌లైన్ దరఖాస్తు ప్రక్రియను పూర్తి చేయవచ్చు:
- ముందుగా ఎన్టీఏ అధికారిక వెబ్‌సైట్ exams.nta.nic.in/sainik-school-society/ ని సందర్శించండి.
- హోమ్‌పేజీలో కనిపించే "AISSEE 2027 Registration" లింక్‌పై క్లిక్ చేయండి.
- కొత్త పేజీ ఓపెన్ అవుతుంది. అక్కడ మీ వ్యక్తిగత, రిజిస్ట్రేషన్ వివరాలను నమోదు చేయండి.
- వివరాలను సమర్పించిన (Submit) తర్వాత అప్లికేషన్ ఫారమ్ స్క్రీన్‌పై కనిపిస్తుంది.
- దరఖాస్తు పత్రంలో కోరిన సమాచారాన్ని నింపి, నిర్దేశిత పరీక్ష రుసుమును ఆన్‌లైన్ ద్వారా చెల్లించండి.
- చివరగా సబ్‌మిట్ బటన్‌పై క్లిక్ చేసి, దరఖాస్తు ధృవీకరణ పత్రాన్ని (డౌన్‌లోడ్ చేసుకోండి.
- భవిష్యత్తు అవసరాల కోసం ఈ కన్ఫర్మేషన్ పేజీని ప్రింటౌట్ ను భద్రపరుచుకోండి.