E-Paper
Schools Holiday : ఆంధ్రప్రదేశ్, తెలంగాణలో రేపు స్కూళ్లు, కాలేజీలు, ఆఫీసులకు సెలవు
Schools Holiday : మిలాద్ ఉన్ నబీ పండుగను భారతదేశంలో 2026 ఆగస్టు 26 బుధవారం నాడు జరుపుకొంటారు. ఈ పండుగ ప్రవక్త ముహమ్మద్ జన్మదినోత్సవాన్ని సూచిస్తుంది. అనేక ప్రభుత్వ విభాగాలు, సంస్థలు సెలవు దినంగా ప్రకటించాయి.
Prefer HTon Google
ఆంధ్రప్రదేశ్, తెలంగాణ రాష్ట్రాల్లోని విద్యార్థులకు, ప్రభుత్వ ఉద్యోగులకు శుభవార్త. ఈ వారం వరుస సెలవులు రానున్నాయి. మిలాద్-ఉన్-నబీ పండగను పురస్కరించుకుని ఆగస్టు 26న బుధవారం నాడు తెలుగు రాష్ట్రాల్లోని పాఠశాలలు, కళాశాలలు, ప్రభుత్వ కార్యాలయాలకు అధికారికంగా సెలవు ప్రకటించారు.
ఆంధ్రప్రదేశ్లో మిలాద్-ఉన్-నబీ సెలవును మొదట ఆగస్టు 25గా నిర్ణయించినప్పటికీ, ప్రభుత్వం పండగ తేదీని సవరిస్తూ ఆగస్టు 26న అధికారిక సెలవుగా ప్రకటించింది. తెలంగాణ ప్రభుత్వం కూడా ఆగస్టు 26నే పబ్లిక్ హాలిడేగా నిర్ణయించింది. దీంతో ఆగస్టు 25న సెలవు ఉంటుందని భావించిన విద్యార్థులు, ఉద్యోగులు అప్డేట్ చేసిన ఈ షెడ్యూల్ను గమనించాలని అధికారులు సూచించారు. బుధవారం రోజున విద్యాసంస్థలు, ప్రభుత్వ శాఖలు పూర్తిగా మూసివేసి ఉంటాయి.
మిలాద్-ఉన్-నబీ సెలవు మాత్రమే కాకుండా.. ఆగస్టు 28 శుక్రవారం రోజున రాఖీ పౌర్ణమి (రక్షాబంధన్) సందర్భంగా ఐచ్ఛిక సెలవు (Optional Holiday) ఉంది. స్థానిక యాజమాన్యాలు, పాఠశాలల నిర్ణయాన్ని బట్టి శుక్రవారం కూడా సెలవు పొందే అవకాశం ఉంది. ముఖ్యంగా సాఫ్ట్వేర్, ఐటీ రంగ ఉద్యోగులకు శుక్రవారం సెలవుతో పాటు శని, ఆదివారాలు వారాంతపు సెలవులు కలిసిరావడంతో సుదీర్ఘమైన లాంగ్ వీకెండ్ ఆస్వాదించే అవకాశం లభించింది.
ఈద్ మిలాద్ గా పిలిచే మిలాద్-ఉన్-నబీ పండగ ఇస్లాం మతంలో అత్యంత పవిత్రమైనది. మహమ్మద్ ప్రవక్త జన్మదినాన్ని పురస్కరించుకుని ముస్లిం సోదరులు ప్రత్యేక ప్రార్థనలు, ఊరేగింపులు, ఆధ్యాత్మిక సమావేశాలు నిర్వహిస్తారు. పేదలకు అన్నదానం, వస్త్రదానం చేస్తూ ఈ పండగను వేడుకగా జరుపుకొంటారు.
తెలుగు రాష్ట్రాల్లో వరుసగా పండగ సెలవులు రావడంతో ప్రజలు, విద్యార్థులు తమ ప్రయాణాలను, పండగ ప్రణాళికలను తదనుగుణంగా సిద్ధం చేసుకుంటున్నారు. గురువారం ఒక్క రోజు విధులకు హాజరైతే, వారాంతంతో కలిపి పెద్ద సెలవు దొరుకుతుండటంతో ఉద్యోగులు ఆనందం వ్యక్తం చేస్తున్నారు.
