విద్యార్థులకు గుడ్‌న్యూస్.. పాఠశాలలకు వరుసగా మూడు రోజులు సెలవులు!

ఆగస్టు నెలలో విద్యార్థులకు వరుసగా మూడు రోజులు సెలవులు వచ్చే అవకాశం ఉంది. రెండో శనివారం, ఆదివారంతోపాటుగా బోనాల సెలవు వస్తే 3 రోజులు కానున్నాయి.

హైదరాబాద్, ఇతర జిల్లాల్లోని పాఠశాలలు, విద్యాసంస్థలు ఈ నెలలో ఆగస్టు 8, 9, 10 తేదీలలో వరుసగా మూడు రోజులు సెలవులు వచ్చే అవకాశం ఉంది. బోనాల సందర్భంగా ఆగస్టు 10న విద్యాసంస్థలు మూసివేస్తారు. భాగ్యనగరంలో రంగం, పోతురాజు నృత్యాలు, ఊరేగింపుతో కూడిన ఘనమైన ముగింపు వేడుక జరుగుతుంది.

స్కూల్ హాలిడేస్

ఆగస్టు 9, 10 తేదీల్లోని సెలవులు వరుసగా రెండో శనివారం, ఆదివారాలకు సంబంధించినవి. ప్రభుత్వ క్యాలెండర్ ప్రకారం ఆగస్టు 10వ తేదీ బోనాల పండుగకు సెలవు దినంగా ఉన్నప్పటికీ, దానిని ఇంకా అధికారికంగా ప్రకటించలేదు. సాధారణంగా సెలను ప్రకటిస్తారు. అయితే ప్రస్తుతం నిర్ణయం వెలువడిన తర్వాతే స్పష్టత రానుంది. ఆగస్టు 8, 9వ తేదీల్లో రెండో శనివారం, ఆదివారం కావడంతో ప్రభుత్వ, ప్రైవేట్ పాఠశాలలు, ప్రభుత్వ ఆఫీసులకు సాధారణంగా సెలవు ఉంటుంది.

బోనాల ఉత్సవాల్లో భాగంగా నిర్వహించే రంగ కార్యక్రమానికి ప్రత్యేక ప్రాధాన్యత ఉంది. ప్రతీ ఏటా హైదరాబాద్, రంగారెడ్డి, మేడ్చల్-మల్కాజ్‌గిరి జిల్లాలతోపాటుగా మరికొన్ని ప్రాంతాల్లో స్థానికంగా సెలవు ఉంటుంది. ఈ సంవత్సరం కూడా సెలవు ప్రకటించే అవకాశం ఉంది. సుదీర్ఘ వారాంతం రానుండటంతో, కుటుంబాలు బోనాల పండుగ కోసం ప్రణాళికలు వేసుకుంటున్నాయి.

ఆగస్టు 10న కూడా ప్రభుత్వం సెలవు ప్రకటిస్తే.. వరుసగా మూడు రోజులు విద్యార్థులకు సెలవులు వస్తాయి. బోనాల జాతర, లేదంటే ఎక్కడికైనా చిన్న టూర్ ప్లాన్ చేయవచ్చు. ఆగస్టు నెలలో రాష్ట్రంలోని విద్యాసంస్థలు 11 రోజుల పాటు మూసి ఉండే అవకాశం ఉంది. వీటిలో ఐదు ఆదివారాలు, మూడు ఐచ్ఛిక సెలవులు, మూడు సాధారణ సెలవులు ఉన్నాయి.