ఆంధ్రప్రదేశ్, తెలంగాణలో మరో రెండు మూడు రోజులు వర్షాలు!

ఆంధ్రప్రదేశ్, తెలంగాణలో మరికొన్ని రోజులు వర్షాలు పడనున్నాయి. ఈ మేరకు వాతావరణ శాఖ అంచనా వేసింది.

ఏపీ, తెలంగాణలో మళ్లీ వర్షాలు పడనున్నాయి. రెండు మూడు రోజుల్లో నైరుతి రుతుపవనాల ఉపసంహరణకు పరిస్థితులు అనుకూలంగా ఉన్నట్లుగా అమరావతి వాతావరణం కేంద్రం తెలిపింది. నైరుతి బంగాళాఖాతం, దక్షిణ తమిళనాడు తీరం మీదుగా ఉపరితల ఆవర్తనం వ్యాపించి ఉంది. ఉత్తర తమిళనాడు తీరం, నైరుతి బంగాళాఖాతంలో సగటు సముద్ర మట్టానికి 3.1 కి.మీ ఎత్తులో ఉన్న ఉపరితల ఆవర్తనం నైరుతు బంగాళాఖాతం, దానిని ఆనుకొని ఉన్న దక్షిణ తమిళనాడు తీరం మీదుగా ఉన్న ఉపరితల ఆవర్తనంతో కలిసింది.

ఏపీ, తెలంగాణ వర్షాలు

ఈ కారణంగా వచ్చే రెండు మూడు రోజులు ఏపీలోని పలు ప్రాంతాల్లో వర్షాలు పడనున్నాయి. ఉత్తర కోస్తా, దక్షిణ కోస్తా, రాయలసీమ జిల్లాలతో పాటుగా రాయలసీమ, యానాంలో తేలికపాటి వానలు పడుతాయి. కొన్ని ప్రదేశాల్లో ఉరుములు మెరుపులతో కూడిన వానలు పడుతాయి.

సోమ, మంగళ, బుధ వారాల్లో తేలికపాటి నుంచి మోస్తారు వర్షాలు లేదా ఉరుములతో కూడిన జల్లులు చాలా చోట్ల కురిసే అవకాశముంది. కొన్ని ప్రాంతాల్లో భారీ నుండి అతి భారీ వర్షాలు పడే ఛాన్స్ ఉంది.

తెలంగాణలో వర్షాలు

తెలంగాణలోనూ మూడో రోజులు తేలికపాటి నుంచి మోస్తారు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. తెలంగాణలో నైరుతి రుతుపవనాల తిరోగమనం కొనసాగుతుంది. ఈ క్రమంలో రాష్ట్రంలో మూడు రోజులు వర్షాలు పడనున్నాయి.

సోమవారం కరీంనగర్‌, పెద్దపల్లి, ములుగు, భూపాలపల్లి, ములుగు, ఖమ్మం, నల్గొండ, భద్రాద్రి కొత్తగూడెం, సూర్యాపేట, మహబూబాబాద్‌, వరంగల్‌, జనగాం, సిద్దిపేట, హన్మకొండ, యాదాద్రి, రంగారెడ్డి, హైదరాబాద్‌, మేడ్చల్‌ మల్కాజ్‌గిరి, నాగర్‌ కర్నూల్‌, వనపర్తి, నారాయణపేట, జోగులాంబ జిల్లాల్లో వర్షాలు పడనున్నాయి. మంగళ, బుధ వారాల్లోనూ ఉరుములు, మెరుపులు, ఈదురు గాలులతో వానలు పడతాయని వాతావరణ శాఖ హెచ్చరించింది.