Aha OTT: కమల్ హాసన్ క్లాసిక్ మూవీ టైటిల్ తో ఆహా ఓటీటీ సిరీస్.. జాబ్ కోసం ఇల్లు వదిలే ప్రతి స్టూడెంట్ కోసం.. కమింగ్ సూన్

Aha OTT: తెలుగులో టాప్ ఓటీటీ ప్లాట్ ఫామ్స్ లో ఒకటైన ఆహా వీడియో సరికొత్త వెబ్ సిరీస్ తో రాబోతుంది. జాబ్ కోసం ఇల్లు వదిలిన ప్రతి స్టూడెంట్ కోసం ఈ సిరీస్ అని అనౌన్స్ మెంట్ వీడియోతోనే హైప్ క్రియేట్ చేసింది. ఈ సిరీస్ కు కమల్ హాసన్ కల్ట్ క్లాసిక్ సినిమా పేరు పెట్టడం విశేషం.

Aha OTT: ఉద్యోగ వేటలో ఇళ్లను వదిలి, సరికొత్త నగరాల బాట పట్టి, ఆకలిని దిగమింగుకుంటూ ఆత్మగౌరవం కోసం పోరాడే ప్రతి నిరుద్యోగ యువకుడి కథ మళ్లీ డిజిటల్ తెరపైకి రాబోతోంది. ఈ స్టోరీ లైన్ తో సరికొత్తగా ఆహా వీడియో ఓటీటీ ఓ వెబ్ సిరీస్ తీసుకొస్తోంది. దీని అనౌన్స్ మెంట్ వీడియో వైరల్ గా మారింది.

కమల్ హాసన్ క్లాసిక్ మూవీ టైటిల్ తో ఆహా ఓటీటీ సిరీస్.. జాబ్ కోసం ఇల్లు వదిలే ప్రతి స్టూడెంట్ కోసం.. కమింగ్ సూన్

ఆకలి రాజ్యం ఓటీటీ

ఆహా వీడియో కొత్త వెబ్ సిరీస్ ను తీసుకొస్తుంది. కమల్ హాసన్ కల్ట్ క్లాసిక్ మూవీ అయిన ‘ఆకలి రాజ్యం’ పేరుతో త్వరలోనే కొత్త సిరీస్ ను స్ట్రీమింగ్ చేయనుంది. ఈ విషయాన్ని ఇవాళ (జూలై 6) వీడియోతో అనౌన్స్ చేశారు. అనంతపురం, చిత్తూరు, ఆదిలాబాద్ ఇలా అన్ని ప్రాంతాల నుంచి స్టూడెంట్స్ చేరేది యూఎస్ఏ.. అదే యునైటెడ్ స్ట్రీట్స్ ఆఫ్ అమీర్ పేట్ అని వీడియోలో చెప్పుకొచ్చారు.

ఇల్లు వదిలి జాబ్ కోసం నగరానికి వచ్చిన ప్రతి ఒక్కరి కథ అని ఈ వెబ్ సిరీస్ గురించి ఓటీటీ ప్లాట్ ఫామ్ హింట్ ఇచ్చింది. ఈ ఆకలి రాజ్యం వెబ్ సిరీస్ త్వరలోనే స్ట్రీమింగ్ కాబోతుందని ప్రకటించారు. దీనికి నీలగిరి మామిళ్ల డైరెక్టర్.

అప్పట్లో బ్లాక్ బస్టర్

విశ్వనటుడు కమల్ హాసన్, మహానటి శ్రీదేవి కాంబినేషన్‌లో లెజెండరీ దర్శకుడు కె. బాలచందర్ తెరకెక్కించిన కాలాతీత క్లాసిక్ ‘ఆకలి రాజ్యం’ సినిమాను తెలుగు ప్రేక్షకులు ఎప్పటికీ మర్చిపోలేరు. 1981లో విడుదలైన ఈ చిత్రం అప్పట్లో ఒక సంచలనం.

ఇప్పుడు ఇదే తరహా కథను సరికొత్త హంగులతో, నేటి ఆధునిక సమాజ పరిస్థితులకు అద్దం పట్టేలా ఒక వెబ్ సిరీస్‌గా మలుస్తున్నట్లు తెలుస్తోంది. తెలుగు ఓటీటీ రంగంలో దూసుకుపోతున్న ‘ఆహా’ (Aha OTT) సంస్థ ఈ భారీ ప్రాజెక్ట్‌ను అధికారికంగా ప్రకటించి అందరినీ ఆశ్చర్యపరిచింది.

ఉద్యోగం కోసం

"ఉద్యోగం కోసం ఇళ్లను వదిలి వచ్చిన ప్రతి విద్యార్థి కోసం ఈ కథను తీసుకొస్తున్నాం" అని ఆహా సంస్థ సోషల్ మీడియా వేదికగా వెల్లడించింది. కలలు, ఆత్మగౌరవం, విప్లవం కలబోసిన ఒక అద్భుతమైన ప్రయాణంగా ఈ వెబ్ సిరీస్ ఉండబోతోందని మేకర్స్ స్పష్టం చేశారు. 'హాష్‌ట్యాగ్ ఆకలిరాజ్యం' (#AakaliRajyam) పేరుతో విడుదల చేసిన ఈ అప్‌డేట్ సామాజిక మాధ్యమాల్లో వైరల్‌గా మారింది. 2026లో ఈ మోస్ట్ అవేటెడ్ సిరీస్ ప్రేక్షకుల ముందుకు రానుంది.

ఈ సిరీస్ లో నేటి కార్పొరేట్ ప్రపంచంలోని ఒత్తిళ్లు, రూమ్‌లలో ఉంటూ ఉద్యోగాల కోసం తిరిగే బ్యాచిలర్స్ కష్టాలు, వారి ఆశలు, ప్రేమ, ఆఖరికి వ్యవస్థపై వారు చేసే డిజిటల్ విప్లవాన్ని కూడా ఇందులో చూపించబోతున్నాట్లు టాక్. ఒక అద్భుతమైన సందేశంతో పాటు బలమైన భావోద్వేగాలతో ఈ సిరీస్ రాబోతోంది.