E-Paper
Lokesh Kanagaraj: ఒక్క ఫొటోతో పుకార్లన్నింటికీ చెక్ పెట్టిన లోకేష్ కనగరాజ్.. అల్లు అర్జున్‌తో మూవీపై సూపర్ అప్డేట్
Lokesh Kanagaraj: లోకేష్ కనగరాజ్ డైరెక్షన్ లో అల్లు అర్జున్ మూవీ అటకెక్కిందా? ఈ పుకార్లకు తాజాగా లోకేష్ ఓ ఫొటోతో చెక్ పెట్టారు. ఇన్‌స్టాలో బన్నీతో లోకేష్ ఉన్న ఫొటో అది. ఇప్పుడీ ఫొటో, దానికి పెట్టిన క్యాప్షన్ వైరల్ అవుతున్నాయి.
Prefer HTon Google
Lokesh Kanagaraj: టాలీవుడ్ ఐకాన్ స్టార్ అల్లు అర్జున్ (Allu Arjun), కోలీవుడ్ స్టార్ డైరెక్టర్ లోకేష్ కనగరాజ్ కాంబినేషన్‌లో ఒక భారీ పాన్ ఇండియా ప్రాజెక్ట్ రాబోతున్నట్లు ఎప్పుడో అనౌన్స్‌మెంట్ వచ్చిన సంగతి తెలిసిందే. అయితే గత కొన్ని రోజులుగా సోషల్ మీడియాలో ఈ సినిమాకు సంబంధించి ఊహించని వార్తలు చక్కర్లు కొట్టాయి.
ఈ ప్రాజెక్ట్ పూర్తిగా ఆగిపోయిందని, లోకేష్ కనగరాజ్ చెప్పిన నెరేషన్ బన్నీకి నచ్చకపోవడంతో ఈ కాంబినేషన్ క్యాన్సిల్ అయిందంటూ పెద్ద ఎత్తున రూమర్స్ వైరల్ అయ్యాయి. అంతేకాకుండా అల్లు అర్జున్ ఇప్పటికే ఇతర దర్శకుల కథలు వినడం మొదలుపెట్టారని జోరుగా ప్రచారం జరిగింది.
రూమర్లకు చెక్ పెట్టిన లోకేష్
ఈ నేపథ్యంలో జరుగుతున్న ప్రచారానికి దర్శకుడు లోకేష్ కనగరాజ్ తనదైన శైలిలో చెక్ పెట్టారు. సోషల్ మీడియా వేదికగా అల్లు అర్జున్‌తో కలిసి తాను స్టోరీ డిస్కషన్స్‌లో ఉన్న ఫోటోను షేర్ చేస్తూ అన్ని రూమర్స్‌కు ఫుల్ స్టాప్ పెట్టారు. త్వరలోనే ఈ ప్రాజెక్ట్‌కు సంబంధించిన ఇంట్రెస్టింగ్ అప్‌డేట్స్ వస్తాయని ఆయన స్పష్టం చేయడంతో ఫ్యాన్స్ ఊపిరి పీల్చుకున్నారు.
లోకేష్ తన ఇన్‌స్టా అకౌంట్లో ఈ ఫొటోను షేర్ చేశారు. దీనికి అల్లు అర్జున్ తోపాటు మూవీ నిర్మాణ సంస్థ మైత్రీ మూవీ మేకర్స్, మ్యూజిక్ డైరెక్టర్ అనిరుధ్ రవిచందర్ ను కూడా ట్యాగ్ చేశాడు. ఈ ఫొటోలో లోకేష్ చెబుతున్న నెరేషన్ ను బన్నీ చాలా సీరియస్ గా వినడం చూడొచ్చు.
షూటింగ్ ఎందుకు ఆలస్యం అవుతోంది? అసలు విషయం ఇదే
ఈ భారీ ప్రాజెక్ట్ అటకెక్కలేదని, కేవలం షెడ్యూల్స్ కారణంగానే కొద్దిగా సమయం పడుతుందని చిత్ర వర్గాలు స్పష్టం చేస్తున్నాయి. ప్రస్తుతం అల్లు అర్జున్ టాలెంటెడ్ డైరెక్టర్ అట్లీ (Atlee) దర్శకత్వంలో తెరకెక్కుతున్న 'రాకా' (Raaka) సినిమా షూటింగ్‌లో బిజీగా ఉన్నారు. ఈ భారీ యాక్షన్ ఎంటర్‌టైనర్ పూర్తయిన వెంటనే బన్నీ నేరుగా లోకేష్ కనగరాజ్ ప్రాజెక్ట్‌లోకి అడుగుపెట్టనున్నారు.
ప్రతిష్టాత్మక నిర్మాణ సంస్థ మైత్రీ మూవీ మేకర్స్ (Mythri Movie Makers) అత్యంత భారీ బడ్జెట్‌తో ఈ చిత్రాన్ని నిర్మించనుంది. లోకేష్ కనగరాజ్ తనదైన ట్రేడ్‌మార్క్ యాక్షన్, గ్రిప్పింగ్ స్క్రీన్‌ప్లేతో ఈ కథను సిద్ధం చేస్తుండటంతో టాలీవుడ్, కోలీవుడ్ వర్గాల్లో భారీ అంచనాలు నెలకొన్నాయి. త్వరలోనే ఈ క్రేజీ కాంబినేషన్‌కు సంబంధించిన అఫీషియల్ అప్డేట్ రానుంది.
