E-Paper
ఇండియాలో అవతార్ ఫైర్ అండ్ యాష్ బిగ్గెస్ట్ సినిమాటిక్ ఈవెంట్.. థియేటర్లలో దీపాలతో 'A' వెలుగులు!
ఈ ఏడాది వరల్డ్ వైడ్గా ఆడియెన్స్ ఎదురుచూస్తున్న సినిమా అవతార్ ఫైర్ అండ్ యాష్. జేమ్స్ కామెరాన్ దర్శకత్వం వహించిన అవతార్ 3 సినిమా కోసం ఇండియాలో బిగ్గెస్ట్ సినిమాటిక్ ఈవెంట్ నిర్వహించనున్నారు. అవతార్ 3 రిలీజ్ అయ్యే థియేటర్లలో దీపాలతో ఎ అక్షరాన్ని వెలుగులతో నింపారు.
హాలీవుడ్ దర్శక దిగ్గజాల్లో జేమ్స్ కామెరాన్ ఒకరు. అవతార్ సినిమాతో వరల్డ్ వైడ్గా విపరీతమైన అభిమానులను సంపాదించుకున్నారు ఆయన. ఇప్పటికే అవతార్ నుంచి రెండు సినిమాలు వచ్చి బిగ్గెస్ట్ బ్లాక్ బస్టర్ హిట్స్ అందుకున్నాయి. ఇప్పుడు అవతార్ ఫ్రాంచైజీ నుంచి మూడో సినిమా కూడా రానున్న విషయం తెలిసిందే.
ఇండియాలో సినిమాటిక్ ఈవెంట్
అవతార్ 3గా అవతార్: ఫైర్ అండ్ యాష్ టైటిల్తో ఈ సినిమా రానుంది. ఇప్పటికీ అవతార్ 3 ట్రైలర్స్ రిలీజ్ అయి అబ్బురపరిచాయి. ఇక అవతార్ ఫైర్ అండ్ యాష్ సినిమా చూసేందుకు వరల్డ్ వైడ్గా ప్రేక్షకులు ఎదురుచూస్తున్నారు. అలాంటి సినిమా కోసం భారతదేశంలో భారీ సినిమాటిక్ ఈవెంట్ను నిర్వహించనున్నారు.
థియేటర్లలో దీపాలతో ఎ వెలుగులు
ఈ సందర్భంగా దీపాలతో ఎ అక్షరాన్ని ఏర్పాటు చేశారు. ఇండియాలో అవతార్ 3 విడుదలయ్యే థియేటర్లలో దీపావళి సందర్భంగా ఎ అక్షరాన్ని దీపాలతో పేర్చి తమ హర్షాన్ని వెలిబుచ్చారు. మరికొందరు థియేటర్ల లోపల, బయట కూడా ముగ్గులు వేశారు. దీంతో అవతార్ 3 సినిమా కోసం ఇండియన్ ఆడియెన్స్ ఎంతగా ఎదురుచూస్తున్నారో తెలుస్తోంది.
భావోద్వేగాలు, విలువలతో
పాండోరా గ్రహంలోని నివాసితులతో అవతార్: ఫైర్ అండ్ యాష్ మరోసారి భారతీయ థియేటర్లలోకి రానుంది. ఇది భారతదేశంలో, ప్రపంచవ్యాప్తంగా ఈ సంవత్సరం అతిపెద్ద సినిమాటిక్ ఈవెంట్గా మారింది. భారతదేశ భావోద్వేగాలు, విలువలు, పండుగ స్ఫూర్తితో లోతుగా ప్రతిధ్వనించే అవతార్ సాగా చాలా కాలంగా భారతీయ ప్రేక్షకుల హృదయాల్లో ప్రత్యేక స్థానాన్ని కలిగి ఉంది.
ఇంతకుముందు లేని విధంగా
అవతార్: ఫైర్ అండ్ యాష్తో జేమ్స్ కామెరాన్ ఈ అసాధారణ సినిమాటిక్ విశ్వాన్ని ఇంతకు ముందు ఎన్నడూ లేని విధంగా విస్తరించనున్నారు. జేమ్స్ కామెరాన్ దృష్టి, కథ చెప్పే ప్రతిభ పట్ల భారతదేశంపై శాశ్వత ప్రేమను పునరుద్ఘాటిస్తుంది.
డిసెంబర్ 19న రిలీజ్
ఇకపోతే 20వ సెంచరీ స్టూడియోస్ అవతార్: ఫైర్ అండ్ యాష్ సినిమాను విడుదల చేస్తోంది. ఈ ఏడాది డిసెంబర్ 19న అవతార్ 3 గ్రాండ్గా రిలీజ్ కానుంది. ఇంగ్లీష్, హిందీ, తమిళం, తెలుగు, మలయాళం, కన్నడ వంటి ఆరు భాషల్లో అవతార్ ఫైర్ అండ్ యాష్ మూవీ భారతదేశంలో ప్రేక్షకుల ముందుకు రానుంది.
