E-Paper
ఇవాళ ఓటీటీలోకి విజయ్ ఆంటోనీ తమిళ పొలిటికల్ థ్రిల్లర్.. ఎమ్మెల్యే హత్య.. హీరో మైండ్ గేమ్.. తెలుగులోనూ స్ట్రీమింగ్
ఇవాళ ఓటీటీలోకి విజయ్ ఆంటోనీ లేటెస్ట్ పొలిటికల్ థ్రిల్లర్ వచ్చేసింది. సెక్రెటేరియట్ ముందు టీ అమ్ముకొనే వ్యక్తి వ్యవస్థలను శాసించే పవర్ బ్రోకర్ గా ఎలా ఎదిగాడు? ఎమ్మెల్యే హత్య తదితర అంశాలతో ఈ మూవీ ఇంట్రెస్టింగ్ గా ఉంది. తెలుగులోనూ స్ట్రీమింగ్ అవుతోంది.
బిచ్చగాడు సినిమాతో తెలుగు ఆడియన్స్ కు చేరువైన విజయ్ ఆంటోనీ లేటెస్ట్ మూవీ ‘శక్తి తిరుమాగన్’ ఓటీటీలోకి వచ్చేసింది. తెలుగులో ఇది భద్రకాళి పేరుతో థియేటర్లలో రిలీజైంది. ఇప్పుడు తెలుగులోనూ డిజిటల్ స్ట్రీమింగ్ అవుతోంది. ఇవాళ (అక్టోబర్ 24) నుంచి ఈ పొలిటికల్ థ్రిల్లర్ ఓటీటీలో అందుబాటులోకి వచ్చేసింది.
భద్రకాళి ఓటీటీ
డిఫరెంట్ స్టోరీ లైన్ తో కూడిన సినిమాలు చేస్తూ తనకంటూ స్పెషల్ ఫ్యాన్ ఫాలోయింగ్ సంపాదించుకున్నాడు విజయ్ ఆంటోనీ. రీసెంట్ గా శక్తి తిరుమాగన్ (భద్రకాళి) అంటూ థియేటర్లలో సందడి చేశాడు. ఈ భద్రకాళి మూవీ శుక్రవారం ఓటీటీలోకి వచ్చేసింది. జియోహాట్స్టార్లో స్ట్రీమింగ్ అవుతోంది. ఈ తమిళ బ్లాక్ బస్టర్ మూవీ తెలుగులోనూ స్ట్రీమింగ్ అవుతోంది. తెలుగు ఆడియన్స్ ను ఎంటర్ టైన్ చేస్తోంది.
నెల తర్వాత
థియేటర్లలో రిలీజైన నెల రోజుల తర్వాత భద్రకాళి ఓటీటీలోకి వచ్చింది. ఈ సినిమా సెప్టెంబర్ 19న థియేటర్లలో విడుదలైంది. విజయ్ ఆంటోనీ, వాగై చంద్రశేఖర్, సునీల్ తదతరులు నటించారు. ఈ పొలిటికల్ థ్రిల్లర్ కు అరుణ్ ప్రభు డైరెక్టర్. హీరో విజయ్ ఆంటోనీ ఈ సినిమాను నిర్మించడమే కాకుండా మ్యూజిక్ కూడా అందించాడు. సెకండాఫ్ స్లోగా ఉండటం ఈ మూవీకి మైనస్ గా మారిందనే టాక్ వినిపించింది.
భద్రకాళి కథ
సెక్రటేరియట్ ముందు కాఫీలు అమ్ముకొనే ఓ వ్యక్తి ప్రభుత్వంలో ఏదైనా పని చేసే పెట్టే పవర్ ఫుల్ బ్రోకర్ గా మారిన తీరు ఇంట్రెస్టింగ్ గా అనిపిస్తుంది. వ్యవస్థలను అడ్డుపెట్టుకుని వేల కోట్ల రూపాయాలు కొట్టేస్తాడు. భద్రకాళి సినిమాలో హీరో మైండ్ గేమ్ ఆడియన్స్ కు థ్రిల్ అందిస్తుంది.
సెక్రటేరియట్ లోని ఓ పవర్ బ్రోకర్ కిట్టు (విజయ్ ఆంటోనీ). ఎంతటి కష్టమైనా పని అయినా క్షణాల్లో కంప్లీట్ చేసేస్తాడు. డబ్బులు వెనకేసుకుంటాడు. ఈ క్రమంలో కేంద్రమంత్రి లతకు చెందిన రూ.800 కోట్ల భూముల వ్యవహారంలో వేలు పెడతాడు. ఆ పని కంప్లీట్ అవుతుందనేలోపు ఓ ఎమ్మెల్యే మర్డర్ జరుగుతుంది.
వేల కోట్లు
ఎమ్మెల్యే మర్డర్ తో భద్రకాళి సినిమా కథ మలుపు తీసుకుంటుంది. ఆ తర్వాత కిట్టు గురించి ఎంక్వైరీ చేస్తే సంచలన విషయాలు బయటకు వస్తాయి. అతను ఏకంగా రూ.6200 కోట్లు వెనకేసినట్లు తెలుస్తోంది. మరోవైపు రాష్ట్రపతి కాకుండా అభయంకర్ ను కిట్టు అడ్డుకునే ప్రయత్నం చేస్తాడు. అసలు ఈ కిట్టు ఎవరు? వేల కోట్ల రూపాయలు ఎలా సంపాదించాడు? అనేది మూవీలో చూసి తెలుసుకోవాల్సిందే.
