Awarapan 2 box office: కేవలం 9 గంటల్లోనే మూవీ ఫస్ట్ పార్ట్ లైఫ్ టైమ్ కలెక్షన్ల రికార్డు బ్రేక్ చేసిన ఆవారాపన్ 2

Awarapan 2 box office: బాలీవుడ్ నటుడు ఇమ్రాన్ హష్మి నటించిన ఆవారాపన్ 2 తొలి రోజే బాక్సాఫీస్ రికార్డులను తిరగరాస్తోంది. 19 ఏళ్ల కిందట వచ్చిన ఈ సినిమా ఫస్ట్ పార్ట్ లైఫ్ టైమ్ వసూళ్ల రికార్డును కేవలం 9 గంటల్లోనే బ్రేక్ చేయడం విశేషం.

Awarapan 2 box office: ఇమ్రాన్ హష్మీ (Emraan Hashmi) కెరీర్‌లోనే బిగ్గెస్ట్ బాక్సాఫీస్ ర్యాంపేజ్ స్టార్ట్ అయింది. ట్రేడ్ విశ్లేషకులు కూడా ఊహించని రేంజ్‌లో 'ఆవారాపన్ 2' మూవీ కలెక్షన్ల వర్షం కురిపిస్తోంది. రిలీజ్ అయిన కేవలం 9 గంటల్లోనే పార్ట్ 1 సాధించిన లైఫ్‌టైమ్ కలెక్షన్లను తిరగరాసి బాలీవుడ్ వర్గాలను దిగ్భ్రాంతికి గురిచేసింది.

కేవలం 9 గంటల్లోనే పార్ట్ 1 రికార్డులు అవుట్

Awarapan 2 box office: కేవలం 9 గంటల్లోనే మూవీ ఫస్ట్ పార్ట్ లైఫ్ టైమ్ కలెక్షన్ల రికార్డు బ్రేక్ చేసిన ఆవారాపన్ 2

2007లో వచ్చిన మొదటి భాగం 'ఆవారాపన్' థియేటర్లలో ప్లాప్‌గా నిలిచి, తన పూర్తి రన్‌లో కేవలం రూ. 7.76 కోట్లు మాత్రమే రాబట్టింది. నాటి సినిమా మొదటి రోజు కేవలం రూ. 79 లక్షలు, ఫస్ట్ వీకెండ్‌లో రూ. 2.88 కోట్లు మాత్రమే కలెక్ట్ చేసింది.

కానీ ఇప్పుడు వచ్చిన సీక్వెల్ 'ఆవారాపన్ 2' సరికొత్త చరిత్ర సృష్టించింది. విడుదలైన మొదటి రోజు సాయంత్రం 6 గంటల సమయానికే రూ. 12.05 కోట్ల నెట్ వసూళ్లు సాధించి ఆల్ టైమ్ రికార్డు నమోదు చేసింది. అంటే మొదటి భాగం లైఫ్‌టైమ్ వసూళ్లను దాటడానికి ఈ సీక్వెల్‌కు కేవలం 8 నుంచి 9 గంటల సమయం మాత్రమే పట్టింది.

ఇమ్రాన్ హష్మీ కెరీర్‌లోనే బిగ్గెస్ట్ ఓపెనర్

ప్రముఖ టికెట్ బుకింగ్ ప్లాట్‌ఫామ్ బుక్‌మైషోలో ఈ సినిమాకు సంబంధించి ప్రతి గంటకు 20 వేలకు పైగా టికెట్లు అమ్ముడవుతున్నాయి. శుక్రవారం ముగిసే సమయానికి ఈ చిత్రం రూ. 20 కోట్ల మైలురాయిని సులువుగా దాటుతుందని ట్రేడ్ పండితులు అంచనా వేస్తున్నారు.

ఇప్పటివరకు ఇమ్రాన్ హష్మీ కెరీర్‌లో 'రాజ్ 2' (రూ. 10.35 కోట్లు), 'బాద్‌షాహో' (రూ. 12.60 కోట్లు) మాత్రమే డబుల్ డిజిట్ ఓపెనింగ్స్ సాధించాయి. ఇప్పుడు 'ఆవారాపన్ 2' ఆ రెండు చిత్రాల రికార్డులను పటాపంచలు చేస్తూ అతని కెరీర్‌లోనే అత్యధిక మొదటి రోజు వసూళ్లు సాధించిన చిత్రంగా నిలిచింది.

సన్నీ డియోల్ 'బట్వారా 1947' క్లాష్‌ను తట్టుకుని రాంపేజ్

మాస్ ఆడియన్స్‌తో పాటు యూత్‌లో ఉన్న విపరీతమైన క్రేజ్ ఈ సినిమా విజయంలో కీలక పాత్ర పోషిస్తోంది. శివం పండిట్ అనే పవర్‌ఫుల్ ఐకానిక్ క్యారెక్టర్‌లో ఇమ్రాన్ హష్మీ చూపించిన ఇంటెన్స్ పెర్ఫార్మెన్స్ థియేటర్లలో సీట్ల అంచున కూర్చోబెడుతోంది.

ఆవారాపన్ 2 మూవీ విశేషాలు

నితిన్ కక్కర్ దర్శకత్వం వహించిన ఈ సీక్వెల్‌ను విశేష్ భట్ ఎంతో ప్రతిష్టాత్మకంగా నిర్మించారు. ఇందులో ఇమ్రాన్ హష్మీ సరసన దిశా పటానీ నటించగా.. షబానా అజ్మీ, సువిందర్ విక్కీ అత్యంత కీలకమైన పాత్రల్లో కనిపించి మెప్పించారు.

సినిమాకు మిక్స్‌డ్ రివ్యూలు వచ్చినప్పటికీ.. ఇమ్రాన్ హష్మీ యాక్టింగ్, స్క్రీన్ ప్రెజెన్స్, బ్యాక్‌గ్రౌండ్ స్కోర్ అద్భుతంగా ఉన్నాయంటూ క్రిటిక్స్ సైతం ప్రశంసలు కురిపిస్తున్నారు. విశేష్ ఫిల్మ్స్ బ్యానర్‌కు ఈ విజయం పెద్ద ఊరటనిచ్చింది.