ఏ సౌండ్‌కు నవ్వుతానో.. ఏ సౌండ్‌కు నరుకుతానో నాకే తెలియదు.. అఖండ 2 మరో టీజర్ రిలీజ్.. బాలయ్య ఫ్యాన్స్‌కు పూనకాలే

బాలకృష్ణ అఖండ 2 నుంచి మరో టీజర్ రిలీజైంది. మాస్ యాక్షన్, డైలాగ్స్ తో బాలయ్య ఫ్యాన్స్ కు పూనకాలు తెప్పించేలా ఈ టీజర్ ఉంది. బోయపాటి, బాలయ్య మార్క్ మరోసారి స్పష్టంగా కనిపించింది.

నందమూరి బాలకృష్ణ, బోయపాటి శ్రీను కలిస్తే థియేటర్లలో దద్దరిల్లిపోవాల్సిందే. అదే రొటీన్ మాస్ యాక్షన్, డైలాగులతో అఖండ 2 రెండో టీజర్ కూడా శుక్రవారం (అక్టోబర్ 24) రిలీజైంది. బాలయ్య బాబు ఫ్యాన్స్ కు కావాల్సిన మాస్ మసాలా మొత్తం ఈ టీజర్లో ఉంది.

ఏ సౌండ్‌కు నవ్వుతానో.. ఏ సౌండ్‌కు నరుకుతానో నాకే తెలియదు.. అఖండ 2 మరో టీజర్ రిలీజ్.. బాలయ్య ఫ్యాన్స్‌కు పూనకాలే

అఖండ 2 తాండవం టీజర్

బాలకృష్ణ, బోయపాటి కాంబినేషన్ లో వస్తున్న మరో మూవీ అఖండ 2. ఇప్పటికే ఈ జోడీ హ్యాట్రిక్ కొట్టగా.. ఇప్పుడీ అఖండ 2 తాండవంతో మరోసారి థియేటర్లలో రచ్చ చేయడానికి సిద్ధమయ్యారు. ఇంతకుముందే ఓ టీజర్ రిలీజ్ కాగా.. అందులో బాలకృష్ణ ఓ అఘోరా అవతారంలో చేసిన మాస్ యాక్షన్ ఫ్యాన్స్ కు పూనకాలు తెప్పించింది.

ఇక ఇప్పుడు తాజాగా వచ్చిన మరో టీజర్లో బాలయ్య మరో అవతారాన్ని బోయపాటి చూపించాడు. అదే మాస్ యాక్షన్, డైలాగులతో ఈ 57 సెకన్ల టీజర్ సాగిపోయింది. “సౌండ్ కంట్రోల్లో పెట్టుకో.. ఏ సౌండ్ కు నవ్వుతానో.. ఏ సౌండ్ కు నరుకుతానో నాకే తెలియదు.. నీ ఊహకు కూడా అందదు” అంటూ తన మార్క్ డైలాగుతో బాలకృష్ణ అదరగొట్టాడు. ఇందులో మురళీకృష్ణ అనే పాత్రను పరిచయం చేసినట్లు చెబుతున్నారు.

అఖండ 2 మూవీ గురించి..

బాలకృష్ణ, బోయపాటి కాంబినేషన్ లో గతంలో వచ్చిన అఖండ ఓ బ్లాక్‌బస్టర్ గా నిలిచిన విషయం తెలిసిందే. ఇక ఇప్పుడీ సినిమాకు అఖండ 2 తాండవం పేరుతో సీక్వెల్ వస్తోంది. ఇందులో ఆది పినిశెట్టి విలన్ గా నటిస్తుండటం విశేషం. ఇక ఫిమేల్ లీడ్ గా హర్షాలీ మల్హోత్రా నటిస్తోంది. ఆమెకు ఇదే తొలి తెలుగు మూవీ. రామ్ ఆచంట, గోపీనాథ్ ఆచంట ఈ సినిమాను 14 రీల్స్ ప్లస్ బ్యానర్లో నిర్మిస్తున్నారు.

తేజస్విని నందమూరి సమర్పిస్తోంది. ఈ సినిమా ఈ ఏడాది డిసెంబర్ 5న థియేటర్లలో రిలీజ్ కానుంది. అఖండ బ్లాక్‌బస్టర్ కావడంతో ఈ అఖండ 2పై మరింత భారీ అంచనాలు ఉన్నాయి. అందులోనూ ఓవైపు అఘెరా, మరోవైపు మురళీకృష్ణ అనే డ్యుయల్ రోల్ బాలకృష్ణ పోషిస్తుండటంతో ఈ సినిమా కోసం ఫ్యాన్స్ ఆసక్తిగా ఎదురు చూస్తున్నారు.