E-Paper
Balakrishna Daughter: సాయి పల్లవి పాటపై డ్యాన్స్తో ఇరగదీసిన బాలకృష్ణ చిన్న కూతురు.. వీడియో వైరల్
Balakrishna Daughter: బాలకృష్ణ చిన్న కూతురు తేజస్విని మరోసారి డ్యాన్స్తో ఇరగదీసింది. సాయి పల్లవి పాపులర్ సాంగ్ సారంగదరియాపై ఆమె చేసిన డ్యాన్స్ వీడియో ఇప్పుడు వైరల్ అవుతోంది. తన స్టెప్పులతో సాయి పల్లవిని కూడా మైమరిపించింది.
Balakrishna Daughter: నందమూరి బాలకృష్ణ చిన్న కూతురు తేజస్విని పేరు ఇప్పుడు సోషల్ మీడియాలో హాట్ టాపిక్ అవుతోంది. సాయి పల్లవి సూపర్ హిట్ సాంగ్ 'సారంగ దరియా'కు ఆమె వేసిన గ్రేస్ఫుల్ స్టెప్పులు ఇంటర్నెట్ను షేక్ చేస్తున్నాయి. పక్కా ప్రొఫెషనల్ డ్యాన్సర్లా ఆమె ఇచ్చిన ఎనర్జిటిక్ పెర్ఫార్మెన్స్ చూసి నందమూరి ఫ్యాన్స్ ఫిదా అయిపోతున్నారు. ముఖంలో ఎక్స్ప్రెషన్స్, బాడీ లాంగ్వేజ్ చూస్తుంటే హీరోయిన్లకు ఏమాత్రం తీసిపోని విధంగా ఉందని నెటిజన్లు కామెంట్స్ చేస్తున్నారు.
వరుస వీడియోలతో హల్చల్
కొన్ని రోజుల కిందట కూడా తేజస్విని డ్యాన్స్ స్కిల్స్ చూసి నెటిజన్లు ఆశ్చర్యపోయారు. భానూ మాస్టర్ తో కలిసి వేసిన ఆ డ్యాన్స్ వీడియో అప్పట్లో బాగా ట్రెండ్ అయింది.
అయితే ఈ లేటెస్ట్ 'సారంగ దరియా' వీడియో ఆ పాత క్లిప్ని మించిపోయిందని అభిమానులు మురిసిపోతున్నారు. ఇంతకాలం పబ్లిక్ లైఫ్కు, కెమెరాకు దూరంగా ఉన్న బాలయ్య కూతురిలో ఈ కొత్త యాంగిల్ చూసి అందరూ పాజిటివ్గా సర్ప్రైజ్ అవుతున్నారు.
సిల్వర్ స్క్రీన్ ఎంట్రీపై ఊహాగానాలు
పబ్లిక్గా ఆమె కనిపిస్తున్న ప్రతిసారీ ఒక కొత్త కోణం బయటపడుతోంది. తేజస్వినిలో పెరుగుతున్న కాన్ఫిడెన్స్, స్క్రీన్ ప్రెజెన్స్ చూస్తుంటే.. భవిష్యత్తులో కచ్చితంగా ఎంటర్టైన్మెంట్ ఇండస్ట్రీలోకి గ్రాండ్ ఎంట్రీ ఇస్తుందనే ఊహాగానాలు గట్టిగా వినిపిస్తున్నాయి.
ఒకవైపు డాన్స్ వీడియోలతో ట్రెండ్ అవుతూనే, మరోవైపు బిజినెస్, సినిమా ప్రొడక్షన్ వ్యవహారాల్లో కూడా ఆమె స్పీడ్ పెంచారు. క్రియేటివ్ డెవలప్మెంట్, కంటెంట్ సెలక్షన్లో నాన్నకు ఫుల్ సపోర్ట్గా ఉంటూ కుటుంబ వారసత్వాన్ని ముందుకు తీసుకువెళ్తున్నారు.
ప్రొడక్షన్లో కీ రోల్.. కెమెరా ముందుకు గ్రాండ్ ఎంట్రీ
కేవలం డ్యాన్స్ వీడియోలే కాకుండా నందమూరి బాలకృష్ణ లైనప్లో ఉన్న భారీ ప్రాజెక్ట్స్ బాధ్యతలను కూడా తేజస్విని తన భుజాలపై వేసుకున్నారు. డైరెక్టర్ గోపీచంద్ మలినేని కాంబినేషన్లో తెరకెక్కుతున్న మాస్ యాక్షన్ ఎంటర్టైనర్ 'NBK 111' సినిమాకు ఆమె ప్రొడక్షన్ పార్టనర్గా వ్యవహరిస్తున్నారు. నాన్న సినిమాలే కాకుండా, ఫ్యాన్స్ అంతా ఆసక్తిగా ఎదురుచూస్తున్న తమ్ముడు మోక్షజ్ఞ డెబ్యూ మూవీ ప్రొడక్షన్ పనులను కూడా ఆమె దగ్గరుండి పర్యవేక్షిస్తున్నారని ఇండస్ట్రీ టాక్.
బాలయ్య హోస్ట్గా చేసిన 'అన్స్టాపబుల్' టాక్ షోను ఓటీటీ ప్లాట్ఫామ్లో ఏ రేంజ్ డిజిటల్ సెన్సేషన్ చేశారో మనందరికీ తెలిసిందే. ఆ షో వెనుక క్రియేటివ్ హెడ్గా ఉండి నడిపించింది తేజస్వినే. కేవలం బిహైండ్ ద స్క్రీన్ మాత్రమే కాదు, రీసెంట్గా తేజస్విని కమర్షియల్ యాడ్ స్పేస్లోకి కూడా గ్రాండ్గా అడుగుపెట్టారు.
హైదరాబాద్కు చెందిన పాపులర్ బ్రాండ్ 'సిద్ధార్థ ఫైన్ జ్యువెలర్స్'కు బ్రాండ్ అంబాసిడర్గా మారి తొలిసారి కెమెరా ముందుకు వచ్చారు. స్టార్ మ్యూజిక్ డైరెక్టర్ తమన్ బ్యాక్గ్రౌండ్ స్కోర్ అందించిన ఈ భారీ కమర్షియల్ యాడ్లో ఆమె స్క్రీన్ ప్రెజెన్స్ మైండ్ బ్లోయింగ్ అనిపించుకుంది. ఈ పరిణామాలన్నీ చూస్తుంటే, నందమూరి తేజస్విని టాలీవుడ్లో సరికొత్త సెన్సేషన్ క్రియేట్ చేయడం ఖాయంగా కనిపిస్తోంది.
